ايماقتار • 14 تامىز، 2020

شىمكەنتتە 28 ينۆەستيتسيالىق جوبا جۇزەگە اسادى

70 رەت كورسەتىلدى

شىمكەنت قالاسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ 2020 جىلى قاڭتار-ماۋسىم ايلارىندا اتقارىلعان جۇمىستار جونىندە ءباسپاسوز بريفينگىن وتكىزدى، - دەپ حابارلايدى Egemen.kz

بەرەكە تالعات ۇلىنىڭ ايتۋىنشا، ونەركاسىپ ءونىمىنىڭ كولەمى 2020 جىلعى قاڭتار-ماۋسىم ايلارىندا 304،1 ملرد. تەڭگەنى قۇرادى.
 
– بۇگىندە قالادا ينۆەستيتسيا تارتۋ نەگىزگى باسىمدىقتاردىڭ ءبىرى. ينۆەستيتسيا – ول جاڭا جۇمىس ورىندارى جانە جاڭا كاسىپورىن. بۇگىنگى تاڭدا قالادا قاڭتار-شىلدە ايلارىنىڭ قورىتىندىسى بويىنشا 129،5 ملرد. تەڭگەگە ينۆەستيتسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا ناقتى كولەم يندەكسى 125،1% قۇرادى (2019 ج. قاڭتار-شىلدە – 103،5 ملرد. تەڭگە).
 
قالا اۋماعىندا بيىل 28 ينۆەست جوبا ىسكە اسىرىلۋدا. ونىڭ نەگىزىندە 2000-گە جۋىق جاڭا جۇمىس ورىندارى اشىلادى. سونداي-اق، شەتەلدىك ينۆەستورلاردىڭ قاتىسۋىمەن 25،9 ملرد. تەڭگەگە 5 ينۆەستيتسيالىق جوبا ىسكە قوسىلدى، – دەدى باسقار باسشىسى.
 
باسقارما باسشىسى نەگىزىنەن ونەركاسىپتى دامىتۋعا باسىمدىق بەرىپ وتىرعانىن اتاپ ءوتتى. كاسىپورىنداردىڭ نەگىزگى ماسەلەلەرىنە تالداۋ جاساۋ، ينفراقۇرىلىمنىڭ قولجەتىمدىلىگى، جاڭا ينۆەستور تارتۋ جۇمىستارىنا نازار اۋدارىلۋدا.
سوڭعى جاڭالىقتار

ۇقساس جاڭالىقتار