ايماقتار • 14 تامىز، 2020

قالا اكىمى سپورتشىلارمەن كەزدەستى

10 رەت كورسەتىلدى

كەزدەسۋ بارىسىندا قالا باسشىسى سىر سپورتىنا ەڭبەگى سىڭگەن جاتتىقتىرۋشىلار مەن بايراقتى باسەكەدەن ولجالى ورالعان جەرلەستەرىمىزگە العىسىن ءبىلدىردى.

شاھار باسشىسى بيىلعى جىلى قالا سپورتشىلارىنىڭ حالىقارالىق، رەسپۋبليكالىق دودالاردا جەتكەن جەتىستىكتەرىنە توقتالىپ، قالاداعى سپورت سالاسىنىڭ الەۋەتىن ارتتىرۋعا باعىتتالعان جارقىن جوبالاردىڭ جۇزەگە اسىرىلىپ جاتقانىن ايتتى.

ماسەلەن، بۇگىنگى كۇنى «جۇمىسپەن قامتۋ جول كارتاسى» باعدارلاماسى اياسىندا قالا اۋماعىندا سپورت سالاسىنا بايلانىستى 10 جوبا جۇزەگە اسىرىلۋدا.

ونىڭ ىشىندە، 4 وبلىستىق سپورت مەكتەپتەرىنە اعىمداعى جوندەۋ، «لوكوموتيۆ» ستاديونىنىڭ فۋتبول الاڭىنا قايتا جاڭعىرتۋ جۇمىستارى جانە بايداركا مەن كانوە ەسۋ بازاسىنىڭ، 33 ويىن-سپورتتىق الاڭىنىڭ قۇرىلىس جۇمىستارى جۇرگىزىلۋدە.

وسى جىلى بىرقازان ەلدى مەكەنى، اقسۋات، اقجارما، قوسشىڭىراۋ اۋىلدىق وكرۋگتەرىندە دەنە شىنىقتىرۋ الاڭدارىن سالۋعا قالالىق بيۋدجەتتەن قارجى ءبولىنىپ، قۇرىلىس جۇمىستارى جۇرگىزىلۋدە.

الداعى ۋاقىتتا تاسبوگەت كەنتىنەن سالىناتىن دەنە شىنىقتىرۋ-ساۋىقتىرۋ كەشەنىنىڭ جوبا-سمەتالىق قۇجاتتارىن ازىرلەۋ مەن مەملەكەتتىك ساراپتامادان وتكىزۋگە  قارجى قارالعان. باسقوسۋدا قر ەڭبەگى ءسىڭگەن جاتتىقتىرۋشى ۆياچەسلاۆ كيم مەن سالا ارداگەرى التىنبەك جاڭابەكوۆ سىر سپورتىنا  كورسەتىلگەن قولداۋدىڭ ايرىقشا ەكەنىن ايتىپ، قالا باسشىسىنا العىسىن بىلدىرسە، جاس سپورتشى   ايبار قاجىمۇقان اباي ولەڭىنەن ءۇزىندى وقىدى.

كەزدەسۋ سوڭىندا سالا ارداگەرى التىنبەك جاڭابەكوۆكە قر مادەنيەت جانە سپورت مينيسترلىگىنىڭ «دەنە شىنىقتىرۋ مەن سپورتتى دامىتۋعا سىڭىرگەن ەڭبەگى ءۇشىن» توسبەلگىسى تابىستالىپ،  ەڭبەگى ءسىڭگەن جاتتىقتىرۋشىسى ۆياچەسلاۆ كيم،              حالىقارالىق دارەجەدەگى سپورت شەبەرلەرى كابيرا اسقاروۆا،                           يسلام ساليموۆ، ايەلدەر اراسىندا دزيۋدون قازاقتان شىققان تۇڭعىش                      ازيا چەمپيونى جامال بوزوۆا، قازاق ەلىنىڭ تاريحىندا العاش رەت بايداركا جانە كانوە ەسۋدەن جاسوسپىرىمدەر وليمپياداسىنىڭ جەڭىمپازى دياس باحراددين، كاراتە-دودان حالىقارالىق تۋرنيرلەردىڭ جۇلدەگەرى، جاس سپورتشى                          ايبار عالىمجان قالا اكىمىنىڭ ارنايى العىس حاتىمەن ماراپاتتالدى.

سوڭعى جاڭالىقتار

ۇقساس جاڭالىقتار