ايماقتار • 14 تامىز، 2020

"تاراز-ارەنا" سپورت كەشەنىنە جاقسىلىق ۇشكەمپىروۆتىڭ ەسىمىن بەرۋ ۇسىنىلدى

3 رەت كورسەتىلدى

"تاراز-ارەنا" سپورت كەشەنىنە بەلگىلى سپورتشى، وليمپيادا چەمپيونى جاقسىلىق ۇشكەمپىروۆتىڭ ەسىمىن بەرۋ ۇسىنىلدى. بۇل تۋرالى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ حابارلايدى. 

جامبىل وبلىسى اكىمدىگى مەن ءماسليحاتىنىڭ بىرلەسكەن ۇسىنىسى ءماسليحاتتىڭ كەزەكتەن تىس وتىرىسىندا ماقۇلداندى.

وبلىس اكىمى بەردىبەك ساپارباەۆ جاقسىلىق ۇشكەمپىروۆتىڭ وتاندىق كۇرەس مەكتەبىنىڭ قالىپتاسۋى مەن دامۋىنا، قازاقستاندىق سپورتتىڭ جوعارى دەڭگەيگە كوتەرىلۋىنە قوسقان ۇلەسىن اتاپ ءوتىپ، حالىق قالاۋلىلارىنا بۇل باستامانى قولداعانى ءۇشىن العىس ايتتى.

قايتا اتاۋ جونىندەگى ۇسىنىس رەسپۋبليكالىق ونوماستيكالىق كوميسسيانىڭ قاراۋىنا جىبەرىلەدى.

جاقسىلىق ۇشكەمپىروۆ 1951 جىلى 6 مامىردا قازاق كسر جامبىل وبلىسى سۆەردلوۆ اۋدانى (بايزاق اۋدانى) "چاپاەۆ" كەڭشارىندا (قازىرگى تەگىستىك اۋىلى) دۇنيەگە كەلگەن.

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار