كوروناۆيرۋس • 14 تامىز، 2020

الماتىدا سوڭعى 15 كۇندە ىندەت جۇقتىرۋ 7 ەسەگە ازايدى

19 رەت كورسەتىلدى

الماتى قالاسى قوعامدىق دەنساۋلىق باسقارما باسشىسى كامالجان نادىروۆ بۇگىنگى ونلاين-بريفينگتە قالاداعى ەپيدەمييالىق جاعدايدىڭ تۇراقتانعانى تۋرالى مالىمدەدى. الايدا، كۇزدە قايتا ءورشۋى مۇمكىن COVID-19 ۆيرۋسىنىڭ جاڭا تولقىنىنا دايىن بولۋ ءۇشىن اۋقىمدى جۇمىستار جۇرگىزىلءىپ جاتىر. ەپيدەمياعا قارسى تۇرۋ ءۇشىن بارلىق دەڭگەيدە جۇيەلى تۇردە جۇمىستار كۇشەيتىلگەن.

الماتىنىڭ باس دارىگەرى قالاداعى ەپيدەميالىق جاعدايدى بايانداي وتىرىپ: «پاندەميا باستالعالى بەرى الماتى قالاسىندا 13 742 COVID-19 جاعدايى تىركەلدى. سوڭعى 15 كۇندە اۋرۋ دەڭگەيى 7 ەسە تومەندەدى. ەگەر شىلدە ايىنىڭ سوڭىندا تاۋلىگىنە 271 جاعداي تىركەلگەن بولسا، بۇگىنگى كۇنى 40 جاعداي انىقتالدى.

كوروناۆيرۋستان قايتىس بولعان ادامدار سانى 195. بارلىعى 9 306 ادام ساۋىعىپ شىقتى، بۇل دەگەنىمىز جۇقتىرعان جاعدايدىڭ 68%-ىن قۇرايدى.

جالپى توسەك-ورىن  سىيىمدىلىعى 5781 ورىندىقۇرايدى. بۇگىنگى تاڭدا ستاتسيونارلاردىڭ جۇكتەمەسى 19%-دان اسپايدى. قازىرگى ۋاقىتتا تاۋلىگىنە 60-تان استام ناۋقاس اۋرۋحاناعا جاتقىزىلادى، سالىستىرمالى تۇردە ءبىر اي بۇرىن عانا ستاتسيونارلارعا 417 ناۋقاس كەلىپ ءتۇسىپ وتىرعان.

ءبىز رەزەرۆتىك توسەك-ورىن سىيىمدىلىعىن ارتتىرۋدى جالعاستىرامىز. جاڭا مودۋلدىك اۋرۋحانانىڭ قۇرىلىسى قارقىندى ءجۇرىپ جاتىر. بۇل 300 توسەك-ورىنعا ارنالعان ەكىنشى مودۋلدىك ينفەكتسيالىق اۋرۋحانا، ونىڭ ىشىندە 30-رەانيماتسيالىق ءبولىم بولادى. سونىمەن قاتار، اۋرۋحانانى مەديتسينالىق جابدىقتارمەن جانە قاجەتتى كادرلارمەن قامتاماسىز ەتۋ ماسەلەسى قاراستىرىلۋدا. بۇل ستاتسيونار ءبىرىنشى ەشەلوننىڭ تولىققاندى كلينيكاسى رەتىندە جۇمىس ىستەيتىن بولادى.

جەدەل جاردەم جۇمىسىندا سۇرانىستىڭ ازايعانى بايقالادى. وتىنىشتەر مەن شاقىرتۋلار سانى سوڭعى ايدا 2200-دەن 1400-گە دەيىن 1-3 سانات بويىنشا جانە 280-دەن 170-كە دەيىن 4 جەدەلدىك ساناتى بويىنشا ازايدى.                   ۆيرۋس ورشىگەن شاقتا ءبىز مۇلدەم باسقا كورسەتكىشتەردى بايقاعان ەدىك. جەدەل جاردەم تاۋلىگىنە 8 000-عا دەيىن ءوتىنىش قابىلداسا، ءاربىر ەكىنشى قوڭىراۋدان سوڭ بريگادا ناۋقاستىڭ ۇيىنە باردى.

شىلدە ايىنىڭ باسىندا بارلىق وتىنىشتەردىڭ 50%-ى كوروناۆيرۋسقا كۇدىكتى ناۋقاستار بولدى. بۇگىندە شاقىرۋلار قاتارىندا جرۆي، پنەۆمونيا جانە كوروناۆيرۋسقا بايلانىستى وتىنىشتەر سانىنىڭ ازايعانى بايقاۋعا بولادى. بۇل بارلىق قوڭىراۋلار سانىنىڭ 10%-نان اسپايدى.

جەدەل مەديتسينالىق جاردەم قىزمەتىندە 3000-نان استام ادام جۇمىس ىستەيدى، بۇل 180 بريگادا بولىپ سانالادى. ونىڭ ىشىندە 365 دارىگەر، 1388 فەلدشەر بار. وسى تۇرعىدا جەدەل جاردەم قىزمەتى كۇزگى جانە قىسقى كەزەڭگە دايىن ەكەنىن اتاپ وتكەن ءجون. ۆيرۋس ورشىگەن شاقتا قىزمەت كورسەتۋ تاۋلىگىنە 500-گە دەيىن پاتسيەنتتى قابىلداۋى مۇمكىن دەگەن بولجام بار. قوسىمشا 55 جەدەل جاردەم كولىگى كەلىپ تۇسەدى دەپ كۇتىلۋدە.

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار