ادەپ جونىندەگى كەڭەستە قارالعان ماسەلەلەردىڭ 14-ءى تارتىپتىك ءىس بولعان. قالعان وتىرىستا مەملەكەتتىك قىزمەت جانە سىبايلاس جەمقورلىققا قارسى ءىس-قيمىل تۋرالى زاڭنامالاردىڭ ورىندالۋى, ادەپ كودەكسى بۇزۋشىلىقتارىنىڭ پروفيلاكتيكاسى جانە مەملەكەتتىك ورگانداردىڭ ادەپ جونىندەگى ۋاكىلدەردىڭ ەسەبى قارالعان.
ادەپ جونىندەگى كەڭەستىڭ شەشىمىمەن ادەپ كودەكسى تالاپتارىن بۇزعانى ءۇشىن 2 مەملەكەتتىك قىزمەتشىگە جانە مەملەكەتتىك قىزمەتكە كىر كەلتىرەتىن تارتىپتىك تەرىس قىلىقتارعا جول بەرگەنى ءۇشىن 6 مەملەكەتتىك قىزمەتشىگە تارتىپتىك جازا كورىلگەن.
وبلىستاعى مەملەكەتتىك ورگانداردا 26 تەكسەرۋ جۇرگىزىلىپ, 81 بۇزۋشىلىق انىقتالعان. زاڭبۇزۋشىلىقتاردىڭ نەگىزگىلەرى جۇمىستان تىس ۋاقىتتا ارتىق جۇمىسقا تارتۋ, «ب» كورپۋسىنىڭ بوس اكىمشىلىك لاۋازىمىنا ورنالاسۋعا جالپى كونكۋرستى وتكىزۋ راسىمدەرىن بۇزۋ جانە ازاماتتىڭ جانە جۇبايىنىڭ سالىق زاڭناماسىنا سايكەس وزىنە مەنشىك قۇقىعىمەن تيەسىلى مۇلكى تۋرالى انىقتامانى ۇسىنباۋى بولىپ وتىر.
- جىل باسىنان بەرى بوس مەملەكەتتىك اكىمشىلىك لاۋازىمىنا ورنالاسۋعا –كونكۋرستىق ىرىكتەۋ ءراسىمىن بۇزعانى ءۇشىن 15 اكىمشىلىك ءىس قوزعالىپ, مەملەكەت پايداسىنا 338010 تەڭگە ءوندىرىلدى, - دەدى ادەپ جونىندەگى كەڭەس توراعاسى.
