ايماقتار • 14 تامىز، 2020

قىركۇيەكتە ەلوردالىق 25 مىڭنان استام وقۋشى ءبىرىنشى سىنىپقا بارادى

22 رەت كورسەتىلدى

قۇجاتتاردى قابىلداۋ 20 تامىزعا دەيىن جۇرگىزىلەدى، دەپ حابارلايدى ەلوردا اكىمدىگىنىڭ رەسمي سايتى.

جاڭا وقۋ جىلىندا ەلوردادا ءبىرىنشى سىنىپقا 25 مىڭنان استام وقۋشى قابىلدانادى. قۇجاتتاردى قابىلداۋ egov.kz ەلەكتروندى ۇكىمەت پورتالى ارقىلى جانە قاعاز فورماتتا جۇرگىزىلەدى.
بۇگىنگى تاڭدا ءبىرىنشى سىنىپقا 21 406 ءوتىنىش بەرىلىپ، 16 123 ءوتىنىش قابىلداندى، دەپ حابارلايدى ءبىلىم باسقارماسى.

ەستەرىڭىزگە سالا كەتەيىك، 1 قىركۇيەكتەن باستاپ بارلىق ەلوردالىق مەكتەپتەر (1-11 سىنىپتاردا) مەن كوللەدجدەردە وقۋ جىلى قاشىقتان باستالادى.

بۇل رەتتە باستاۋىش سىنىپ وقۋشىلارى ءۇشىن (1-دەن 4-كە دەيىن) "كەزەكشى سىنىپتاردىڭ" جۇمىس ىستەۋى جوسپارلانىپ وتىر. ياعني، اتا-انالاردىڭ ءوتىنىشى بويىنشا، قاتاڭ سانيتاريا نورمالارىن ساقتاي وتىرىپ، "كەزەكشى سىنىپتار" اشىلادى. وقىتۋ بىرنەشە اۋىسىممەن ۇيىمداستىرىلادى.

"سىنىپتار كىشى توپتارعا ءبولىنىپ جيناقتالادى. وسى كىشى توپتارداعى بالالار سانى 10-15 ادامنان اسپايدى دەپ جوسپارلانۋدا. ساباقتار ءبىر كابينەتتە وتەدى، ءۇزىلىس ءتۇرلى ۋاقىتتا بولادى. سونىمەن قاتار، پاندەردىڭ ءبىر بولىگى قاشىقتان جۇرگىزىلەدى"، – دەپ اتاپ ءوتتى ءبىلىم باسقارماسى وكىلدەرى.

بۇل رەتتە بارلىق سانيتاريا نورمالارى قاتاڭ ساقتالادى.

بۇعان دەيىن حابارلانعانداي، نۇر-سۇلتاندا 12 مىڭنان استام پەداگوگ (مەكتەپ، كوللەدج، بالاباقشا تاربيەشىلەرى) قاشىقتان وقىتۋدى ۇيىمداستىرۋ بويىنشا ونلاين-كۋرستاردان وتكەن. بالالار، اتا-انالار جانە بالاباقشا قىزمەتكەرلەرى ءۇشىن جۇمىس الگوريتمدەرى جاسالدى. بارلىق نىساندار سانيتارلىق تالاپتارعا سايكەس دايىندالعان.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار