ەكونوميكا • 14 تامىز، 2020

استىق تاسىمالداۋعا دايىن

7 رەت كورسەتىلدى

وتاندىق تەمىرجولشىلار بيىل 4،7 ملن توننادان استام استىق تاسىمالدادى. ونىڭ 1،3 ملن تونناسى ەلىمىزدىڭ ىشىندە تاسىمالداندى. بۇل 2019 جىلعى دەڭگەيدەن 2%-عا جوعارى، ەكسپورتقا – 3،4 ملن توننا جونەلتىلدى. قاڭتار-شىلدە ايلارى كەزەڭىندە «قتج» ۇك» اق 1،5 ملن-نان استام ۇن جانە ۇنتاق ونىمدەرى تيەلىمىن قامتاماسىز ەتتى.

بيىلعى استىقتى تاسىمالداۋدى ۇيىمداستىرۋ ماسەلەلەرى «قتج» ۇك» اق باسقارما توراعاسىنىڭ ءبىرىنشى ورىنباسارى قانات الماعامبەتوۆتىڭ توراعالىعىمەن وتكەن ونلاين-كەڭەس بارىسىندا تالقىلاندى. كەڭەسكە مەملەكەتتىك ورگاندار، «ازىق ت ۇلىك كورپوراتسياسى» ۇك» اق، «استىق ترانس» اق وكىلدەرى، استىق ترەيدەرلەرى قاتىستى. كەزدەسۋ بيىلعى استىقتى تاسىمالداۋعا دايىندىق بويىنشا كەشەندى جوسپار شەڭبەرىندە وتكىزىلدى.

وتكەن جىلعا قاراعاندا ەكسپورتقا استىق تيەۋ 1،3 ملن تونناعا، سونىڭ ىشىندە ەۋروپالىق باعىتقا، ورتالىق ازيا ەلدەرىنە، يران مەن قىتايعا كەمىگەن. ونىڭ سەبەبى – 2019 جىلعى ەگىننىڭ تومەن بولۋى، كوروناۆيرۋس پاندەمياسى سالدارىنان ەكسپورتقا شەكتەۋ ەنگىزىلۋى جانە وزگەلەرى. بۇل رەتتە ۇنتاق ونىمدەرىنىڭ تيەلىمى وزبەكستاندى قوسپاعاندا، بارلىق باعىت بويىنشا ورتاشا 43% وسىمىنە يە.

ق.الماعامبەتوۆ تيىمدىلىك ءۇشىن تاسىمال پروتسەسىنە قاتىسۋشىلاردىڭ ۇيلەسىمدى ءىس-ارەكەتى قاجەت ەكەنىن اتاپ كورسەتتى. ونىڭ مالىمەتىنە قاراعاندا، «قتج» ۇك» اق پاركى بيىلعى استىقتى تاسىمالداۋعا دايىن. قازاقستاندىق جابىق ۆاگوندار پاركى 13 مىڭ دانادان استام دەپ سانالسا، سونىڭ شامامەن 8 مىڭى «قازتەمىرترانس» اق يەلىگىندە. استىق تاسىمالداۋشىلار پاركى 9 مىڭ دانادان استام بولسا، سونىڭ 6،5 مىڭى «استىق ترانس» اق باسقارۋىندا. جۇكجونەلتۋشىلەردىڭ كىرمە جولدارىندا جىلجىمالى قۇرامدى نورمادان اسىرا ۇستاۋدى قىسقارتىپ، پاركتى ءتيىمدى پايدالانۋ ارقىلى كۇزگى ۆاگوندار جەتىسپەۋشىلىگى تاۋەكەلىن بولدىرماۋعا بولادى.

تيەلىمنىڭ بىركەلكى بولماۋى جىلجىمالى قۇرامنىڭ جەتىسپەۋشىلىگىن قولدان جاسايدى. اي سايىن 5-نە دەيىنگى تاۋلىكتىك تيەلىم 60 استىق تاسىمالداۋشىعا دەيىنگىنى قۇرايدى. ايدىڭ ەكىنشى ونكۇندىگىندە تاپسىرىس بەرۋ سانى بىردەن تاۋلىگىنە 1200 استىق تاسىمالداۋشىعا دەيىن ءوسىپ كەتەدى.

مامانداردىڭ ەسەپتەۋى بويىنشا، مالىمدەلگەن ءونىمدى الىپ كەتۋ ءۇشىن ۆاگوندار اينالىمىن قىسقارتۋ قاجەت. ەگەر استىق تاسىمالداۋشى اينالىمىن ءبىر تاۋلىككە قىسقارتسا، جىلجىمالى قۇرام ۇنەمى 550 استىق تاسىمالداۋشىعا جەتەدى. ءجۇرىس جىلدامدىعىن ارتتىرۋ ءۇشىن قتج وزبەكستانعا جانە ورتالىق ازيا ەلدەرىنە مارشرۋتتىق پويىزداردى (استىقتىق جانە ۇندىق شاتتلداردى) قۇرۋعا دايىن.

سونداي-اق اۋىل شارۋاشىلىعى ونىمدەرىن تاسىمالداۋدى جۇزەگە اسىراتىن جۇكجونەلتۋشىلەردى قولداۋعا باعىتتالعان ءارتۇرلى ءىس-شارالار كەشەنى ىسكە اسىرىلۋدا. 2020 جىلعا قازاقستاننان وزبەكستان اۋماعى بويىنشا استىق جانە ۇن تاسىمالداۋعا قولدانىستاعى تمد تاريفتىك ساياساتى ستاۆكاسىمەن جەڭىلدىك بەلگىلەندى. 2020 جىلدىڭ 1 ناۋرىزىنان وزبەكستان اۋماعى ارقىلى ترانزيتپەن اۋعانستانعا ولاردىڭ كىمگە تيەسىلى ەكەنىنە قاراماستان، بيداي مەن ۇندى ۆاگوندارمەن تاسىمالداۋ كەزىندە جەڭىلدىكتەر قاراستىرىلعان.

استىق تاسىمالىن ۇيىمداستىرۋعا بايلانىستى ماسەلەلەردى جەدەل شەشۋ ءۇشىن ءداستۇر بويىنشا 1 قازاننان «قتج» ۇك» اق باسقارما توراعاسىنىڭ ءبىرىنشى ورىنباسارىنىڭ باسقارۋىمەن كومپانيانىڭ ورتالىق اپپاراتىندا استىق تاسىمالىن ۇيىمداستىرۋ جونىندەگى شتاب جۇمىسىنا كىرىسەدى. اقمولا، قوستاناي، ماڭعىستاۋ جول بولىمشەلەرى جانىنان جەدەل استىق توپتارىنىڭ تاۋلىكتىك جۇمىسى ۇيىمداستىرىلادى.

كەڭەستى اياقتاي كەلە، ق.الماعامبەتوۆ «قتج» ۇك» اق ءوز تاراپىنان جۇكجونەل­تۋشىلەردىڭ تاپسىرىسىن تولىق كولەمدە قامتاماسىز ەتۋگە باعىتتالعان بارلىق شارالاردى قابىلدايتىنىن اتاپ ءوتتى.

 

 

سوڭعى جاڭالىقتار

قوستانايعا العاشقى قار ءتۇستى

ايماقتار • بۇگىن، 10:02

سالىمشىلارعا 887 پاتەر

ايماقتار • بۇگىن، 09:10

قىسقا دايىندىق تولىق اياقتالدى

ايماقتار • بۇگىن، 07:46

قاجەتتى وتىننىڭ 70%-ى جەتكىزىلدى

ايماقتار • بۇگىن، 07:43

قارسىلاسى اۋىرىپ قالىپتى

سپورت • بۇگىن، 07:38

چەمپيوندار ليگاسى باستالدى

فۋتبول • بۇگىن، 07:36

فرانتسياعا جول ءتۇسىپ تۇر

وقيعا • بۇگىن، 07:33

بوتەنگە سالەم

رۋحانيات • بۇگىن، 07:19

قوس ىشەكتى قوڭىرىم

رۋحانيات • بۇگىن، 07:14

وڭتايلى ينتەگراتسيالانعان جۇيە

ەكونوميكا • بۇگىن، 07:13

نە وقىپ ءجۇرسىز؟

تانىم • بۇگىن، 07:00

ۇقساس جاڭالىقتار