قوعام • 14 تامىز، 2020

ەڭبەكپەن ەر اتانعاندار

158 رەت كورسەتىلدى

جىل باسىنان بەرى «ەڭبەك» باعدارلاماسى اياسىندا 340 مىڭعا تارتا ادام ەكى قولعا ءبىر كۇرەك تاۋىپتى. بۇل ۇكىمەتتىڭ جۇمىسپەن قامتۋ جونىندەگى ۆەدومستۆوارالىق كوميسسياسىنىڭ دەرەگى. «قازاگرو» ۇلتتىق باسقارۋشى حولدينگىنىڭ ەنشىلەس كومپانياسى – اۋىل شارۋاشىلىعىن قارجىلاي قولداۋ قورى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىنىڭ ەكىنشى باعىتىن ىسكە اسىرىپ كەلەدى.

بيىلدىڭ وزىندە قور ارقىلى مىڭداعان كاسىپكەر جەكە بيزنەسىن باستاۋعا جانە كاسىپتەرىن كەڭەيتۋگە نەسيەلەرىن الىپ ۇلگەردى. سولتۇستىك قازاقستان وبلىسى قىزىلجار اۋدانى بەسكول اۋىلىنىڭ ازاماتى، جەكە كاسىپكەر كەڭەس كۋكيەۆ جىلقى شارۋاشىلىعىمەن اينالىسادى. وتىز بيە ساۋىپ وتىرعان كاسىپكەر بيەلەرىن جىل ون ەكى اي ساۋادى، قىمىز ساتادى. قىستا تۋعان بيەلەرىن مامىر-ماۋسىم ايلارىنا دەيىن ساۋسا، كوكتەمدە تۋعان بيەلەرىن كۇزگە دەيىن ساۋادى. كۇزدە ق ۇلىندايتىن بيەلەرىن قىستاي ساۋىپ، قىمىز ساتادى. شارۋاشىلىقتا 3 ادام تۇراقتى جۇمىسپەن قامتىلعان. ول 2014 جىلى جانە 2019 جىلى «جۇمىسپەن قامتۋدىڭ جول كارتاسى-2020»، «ەڭبەك» باعدارلامالارى اياسىندا اۋىل شارۋاشىلىعىن قارجىلاي قولداۋ قورىنىڭ فيليالىنان ەكى رەت نەسيە الىپ، شارۋاشىلىعىن ودان ءارى دامىتقان.

– اۋىلدا تۇرعان سوڭ مالدىڭ يگىلىگىن كورۋ كەرەك دەپ ەسەپتەيمىن. وڭاي ولجا جوق. ءبارى ەڭبەكپەن كەلەدى. جىلقى باعۋدىڭ دا وزىندىك قيىندىقتارى بار، ارينە. بىراق ۇقساتا بىلسەڭ، سوعان وراي تابىسىن دا كورۋگە بولادى. اۋىل شارۋاشىلىعىن قارجىلاي قولداۋ قورىنان ەكى رەت نەسيە الىپ، مال باسىن كوبەيتتىم، ساۋىن بيەلەرىمنىڭ سانىن ارتتىردىم. قوردان بەرىلەتىن نەسيە بىزگە وتە قولايلى، جەڭىلدىكتەرى بار. بىراق مەن التى جارىم جىلعا العان نەسيەمدى ءبىر جارىم جىلدا جاۋىپ تاستاۋعا تىرىسامىن. كۇنىنە 70 ليتر قىمىز ساتامىز. تاڭەرتەڭ جانە كەشكە ساۋمال ىشۋگە جينالاتىن جۇرت كوپ. تابىسىمىز جاقسى. ءۇش ادامعا جۇمىس بەرىپ وتىرمىن، – دەيدى كەڭەس كۋكيەۆ.

نەسيە الىپ، كاسىبىن دوڭگەلەتىپ وتىرعان باقىت سەيىلوۆا دا وسى بەسكولدە تۇرادى. ول ىسمەر اجەلەرىنىڭ تىگىنشىلىك ونەرىن جالعاستىرىپ كەلە جاتىر. قانىندا بار شەبەرلىك سۇيىكتى ءىسىن كاسىبىنە اينالدىرۋعا جەتەلەدى.

1

باقىتتىڭ وتباسى نەگىزىنەن مال شارۋا­شىلىعىمەن اينالىسادى. ءوزى وتاعاسىنىڭ ءبىر جاعىنا شىعىسقانمەن، تىگىنشىلىكتى قاتار الىپ ءجۇردى. كەيىن ءوز الدىنا ءىس باستاۋ­دى جوسپارلادى. كاسىپكەرلەردى قولداۋعا ارنالعان مەملەكەتتىك باعدار­لا­مالار، ونى ىسكە اسىرۋعا تىكەلەي اتسالىساتىن، جەڭىلدىكپەن نەسيە بەرەتىن اۋىل شارۋاشىلىعىن قارجىلاي قولداۋ قورى تۋرالى ەستىپ-ءبىلدى.

كاسىپ باستاۋدىڭ بارلىق جولدارىنان ءجۇرىپ وتكەن شەبەر وسى ۋاقىتقا دەيىن قوردان ءتورت رەت نەسيە العان. العاشقى نەسيەگە امبەباپ كاسىبي تىگىن ماشيناسىن ساتىپ العان، قازىر ونىڭ تورتەۋى بار. بيىل جاڭادان سالىنعان ەكى قاباتتى جەكە عيماراتىن اشتى، مۇندا تىگىن شەبەرحاناسى مەن دۇكەنى بار. الداعى ۋاقىتتا تىگىنگە قاتىستى تاعى باسقا دا قىزمەت تۇرلەرىن ىسكە قوسپاق. ول جەردە كيىم قىسقارتۋدان باستاپ مەكتەپ فورماسىنا دەيىن تىگىلەدى. قازىر ەلدەگى جاعدايعا بايلانىستى جاپپاي سۇرانىسقا يە – ماسكا تىگىپ جاتىر. ونىمدەرىن وبلىستىڭ ءدارىحانالارى مەن مەكەمەلەرگە وتكىزەدى.

ون جىل ىشىندە «جۇمىسپەن قامتۋدىڭ جول كارتاسى-2020» جانە «ەڭبەك» مەم­لەكەتتىك باعدارلامالارى ارقىلى قوردان العان نەسيەلەرىمەن بيزنەسىن كەڭەيتكەن. قازىر 6 ادامعا جۇمىس بەرىپ وتىر.

– ەڭبەك ەتەمىن دەگەن ادامعا مەملەكەت قولداۋ كورسەتەدى. ونى تەك ءتيىمدى پايدالانۋ كەرەك. وسى كاسىپپەن اينالىسقالى اۋىل شارۋاشىلىعىن قارجىلاي قولداۋ قورىنان ءتورت رەت نەسيە الدىم. سونىڭ ارقاسىندا تىگىن تسەحىمدى كەڭەيتتىم، اينالىم كاپيتالىمدى تولىقتىردىم. جۇمىسىم ويداعىداي ءجۇرىپ جاتىر. قوردان بەرىلەتىن نەسيە ءبىز ءۇشىن وتە ءتيىمدى. ويت­كەنى پايىزى تومەن، ودان باسقا دا جەڭىل­دىكتەرى بار، – دەيدى كاسىپكەر.

1

جالپى، سولتۇستىك قازاقستان وبلىسى مال شارۋاشىلىعىنا قولايلى ايماق. جەرى كەڭ، ءشوبى شۇيگىن، وزەن-كولى جەتكىلىكتى. سوندىقتان بولار، قوردان نەسيە الۋشىلاردىڭ باسىم كوپشىلىگى مال شارۋاشىلىعىمەن اينالىسادى. سونىڭ ىشىندە جىلقى وسىرەتىن شارۋالار كوپ.

– بيىل ءبىزدىڭ فيليالعا «ەڭبەك» باعدارلاماسى بويىنشا 2،6 ملرد تەڭگە قار­جى بولىنگەن بولاتىن. بۇگىنگى تاڭدا ونىڭ 1،3 ملرد تەڭگەدەن استامى يگەرىلىپ، 356 جوبا قارجىلاندىرىلدى. جىل سوڭى­نا دەيىن 563 كاسىپكەرگە نەسيە بەرۋدى جوس­پار­لاپ وتىر­مىز، – دەيدى «اۋىل شارۋا­شى­لىعىن قار­جىلاي قولداۋ قورى» اق وب­لىستىق في­ليالىنىڭ ديرەكتورى ابىلاي نۇركەنوۆ.

قور ءوزىنىڭ نەسيە ونىمدەرى ارقىلى اۋىل تۇرعىندارى مەن اۋىل شارۋاشىلىعى تاۋارىن وندىرۋشىلەردىڭ جوبالارىن ءتۇرلى ماقساتتى باعىتتار بويىنشا قارجى­لان­دىرىپ كەلەدى. ناقتى ايتار بولساق، مال شارۋاشىلىعىن، وسىمدىك شارۋا­شى­لىعىن، اۋىل كاسىپكەرلىگىن دامىتۋ جانە اۋىل شارۋاشىلىعى ونىمدەرىن قاي­تا وڭدەۋ مەن ساقتاۋ جوبالارى بار.

ايتا كەتەيىك، ناتيجەلى جۇمىسپەن قامتۋ باعدارلاماسى بويىنشا ءتۇرلى ماقساتتاعى نەسيە 6،5 جىلعا 6 پايىزبەن بەرىلەدى. ونىڭ جىلدىق ءتيىمدى سىياقى مولشەرى 6،7 %-دان اسپايدى. ال كوپبالالى جانە از قامتىلعان وتباسى مۇشەلەرىنە نەسيە 4 پايىزبەن بەرىلەدى، جىلدىق سىياقىسى 4،7 %-تەن اسپايدى. ءبىر جىلعا دەيىنگى جەڭىلدىك مەرزىمى دە قاراستىرىلعان.

 

 

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار