ايماقتار • 13 تامىز، 2020

قىزىلوردادا قىلمىس كورسەتكىشى تومەندەگەن

84 رەت كورسەتىلدى

بۇگىن قىزىلوردا وبلىسىنىڭ پوليتسيا دەپارتامەنتى باستىعىنىڭ مىندەتىن اتقارۋشى، پوليتسيا پولكوۆنيگى شامشيدين ءاميتوۆتىڭ قاتىسۋىمەن بۇقارالىق اقپارات قۇرالدارى وكىلدەرىنە ارنالعان بريفينگ ءوتتى، دەپ حابارلايدى Egemen.kz

دەپارتامەنت باستىعىنىڭ مىندەتىن اتقارۋشى وسى جىلدىڭ 7 ايىندا تىركەلگەن قىلمىستىق قۇقىقبۇزۋشىلىق 37 پايىزعا (3798-دەن 2403-كە)  تومەندەگەنىن ايتىپ ءوتتى.

قوعامدىق ورىنداردا، كوشەلەردە، توپ بولىپ جاسالاتىن قىلمىستار دا ازايعان.  بۇرىن سوتتى بولعانداردىڭ دا قايتالاپ قىلمىس جاساۋ كورسەتكىشى تومەندەگەن.  دەگەنمەن دە نازار اۋداراتىن بىرقاتار ماسەلەلەر بار. سونىڭ ءبىرى، جول-كولىك وقيعالارى.

قابىلدانعان شارالار ناتيجەسىندە وبلىستا تىركەلگەن جول اپاتتارى 37 (350-دەن 221-گە)، قايتىس بولعاندار 39 (72-دەن 44-كە)، جاراقات العاندار 36 پايىزعا (410-نان 262-گە) ازايدى.

تالداۋ كولىك وقيعالارىنىڭ باستى سەبەبى جىلدامدىقتى ارتتىرۋ، قارسى باعىتقا شىعۋ، اۆتوكولىكتى ماس كۇيدە باسقارۋ ەكەندىگىن كورستىپ وتىر.   

جىل باسىنان جول قوزعالىسىن بۇزۋدىڭ 64 مىڭ 797 دەرەگى، ونىڭ ىشىندە جول اپاتتارىنا تىكەلەي اسەر ەتەتىن اۆتوكولىكتى قۇجاتسىز باسقارۋدىڭ 5 441،  اۆتوكولىكتى ماس كۇيدە باسقارۋدىڭ 946، قارسى باعىتقا شىعۋدىڭ 174 دەرەگى انىقتالدى.    

وسىعان وراي ايتا كەتەتىن ماسەلە، جىل باسىنان اۆتوكولىكتى ماس كۇيدە جۇرگىزگەن 946 ادام ۇستالىپ، ونىڭ 413-ءى اكىمشىلىك قاماۋعا الىندى. 

دەگەنمەن، بۇل جاعدايلار ءالى دە تىيىلار ەمەس.              

جىل باسىنان ورىن العان 221 جول-كولىك وقيعاسىنىڭ 18-ءى ماس جۇرگىزۋشىنىڭ كىناسىنەن بولىپ، ناتيجەسىندە 7 ادام قايتىس بولسا، 23 ادام جاراقات العان.  

پوليتسەيلەر تاراپىنان اپاتتاردىڭ الدىن الۋ ماقساتىندا جۇيەلى تۇردە پروفيلاكتيكالىق شارالار  جۇرگىزىلۋدە.

وسى ماقساتتا تامىز ايىنىڭ 10 مەن 16-سى كۇندەرى ارالىعىندا «ماس جۇرگىزۋشى - قىلمىسكەر» اتتى شارا وتكىزىلۋدە.

ونىڭ العاشقى ء ۇش كۇنىندە جول قوزعالىسى ەرەجەسىن بۇزۋدىڭ 765 جانە كولىك قۇرالىن ماساڭ كۇيدە باسقارۋدىڭ 14 دەرەگى اشكەرلەندى.  

سوڭعى جاڭالىقتار

الداعى ءۇش تاۋلىكتە كۇن سۋىتادى

اۋا رايى • بۇگىن، 11:55

ۇقساس جاڭالىقتار