وبلىستىڭ جاقسى, جارقايىڭ, اتباسار جانە ەسىل اۋداندارى ءداندى-داقىلدار وسىرۋگە وتە قولايلى وڭىرلەر. ماماندار ايماقتا ەگىن وراعىنا دايىندىق جۇمىستارى پىسىقتالعانىن, سوندىقتان جانار جاعارمايعا قاتىستى ماسەلە بولماۋعا ءتيىس ەكەنىن ايتۋدا. سەناتور ءونىمدى جيناۋ كەزىندە جۇمىسشىلاردىڭ قاۋىپىزدىگى ءۇشىن سانيتارلىق تالاپتاردى ساقتاۋدىڭ ماڭىزدى ەكەنىن ايتىپ, جەرگىلىكتى بيلىك پەن شارۋالاردى وسى ماسەلەگە باسا ءمان بەرۋگە شاقىردى.
قازىردىڭ وزىندە وبلىستىڭ كەي وڭىرىندە ەگىن وراعى باستالىپ كەتكەن. وبلىستىق اۋىل شارۋشىلىعى باسقارماسى باسشىسىنىڭ ايتۋىنشا, ءوڭىر بويىنشا ەگىن ەگىلگەن جەردىڭ 63 پايىزى قاناعاتتانارلىق جاعدايدا. جازدا جاۋىن-شاشىننىڭ از بولۋى كەي القاپتارعا زاردابىن تيگىزگەن. جاۋعان بۇرشاقتىڭ سالدارىنان ب ۇلىنگەن القاپتار دا بار. سەناتور ادەتتە مۇنداي جاعدايدا مول ءونىم بولمايتىنىنا نازار اۋدارىپ, بيىلعى بىتىك ەگىندى ەرەكشە قۇبىلىسقا بالادى.
"بيىل مەملەكەت تاراپىنان وڭىرلەردە اۋىل شارۋاشىلىعىن دامىتۋ ءۇشىن ايتارلىقتاي قاراجات ءبولىندى. بىلتىر اتالعان قاراجات 60 ميلليارد تەڭگە شاماسىندا بولسا, 2020 جىلى 70 ميلليارد تەڭگەدەن استام قارجى قاراستىرىلعان. ەندى وسى قاراجاتتى ءتيىمدى پايدالانىپ, ەگىندى شاشاۋىن شىعارماي جيناپ الۋىمىز كەرەك", دەدى سەناتور.
راشيت اكىموۆ وبلىس اكىمىمەن كەزدەسۋىندە ءوڭىردىڭ الەۋمەتتىك-ەكونوميكالىق دامۋ ماسەلەسىن تالقىلادى. سونداي-اق, قازاقستان-رەسەي وڭىرارالىق ىنتىماقتاستىعىنىڭ XVII فورۋمى اياسىندا قولعا الىنعان جوبالاردىڭ ىسكە اسىرىلۋ بارىسىن پىسىقتادى. بۇدان باسقا, دەپۋتات وبلىس ورتالىعىندا سالىنىپ جاتقان وقۋشىلار سارايى مەن كوپ پاتەرلى تۇرعىن ءۇيدىڭ جاي-كۇيىمەن تانىسىپ, شاھاردىڭ ينجەنەرلىك ينفراقۇرىلىمىنا كوڭىل ءبولدى.
