ء"بىز "نۇر وتان" پارتياسى جانىنان كاسىپكەرلىكتى قولداۋ جونىندەگى قوعامدىق كەڭەس قۇردىق. قوعامدىق كەڭەستىڭ قۇرامىنا اتقارۋشى ورگانداردىڭ, "اتامەكەن" ۇكپ, "دامۋ" قورىنىڭ جانە باسقا دا دامۋ ينستيتۋتتارىنىڭ وكىلدەرى كىرەدى. بۇل ۇيىمداردىڭ ءوزارا ءىس-ارەكەتى ناتيجەسىندە كاسىپكەرلىكتى قولداۋ عانا ەمەس, اكىمشىلىك توسقاۋىلداردان قورعاۋ, سونداي-اق سىبايلاس جەمقورلىق تاۋەكەلدەرىن ازايتۋ ماسەلەلەرى دە شەشىلۋدە", - دەپ اتاپ ءوتتى بولات وماروۆ.
قوعامدىق كەڭەس "ساپالى قۇرىلىس" جوبالىق كەڭسەسىن قۇرۋعا باستاماشى بولادى, وندا جوعارىدا اتالعان ورگاندار مەن دامۋ ينستيتۋتتارىنىڭ وكىلدەرى قر سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرىمەن بىرلەسىپ قۇرىلىس سالاسىنداعى بيزنەس مۇددەلەرىن قورعايتىن بولادى.
اتاپ ايتقاندا, جوبالىق جانە وزگە دە رۇقسات بەرۋ قۇجاتتاماسىن كەلىسۋ مەرزىمدەرىن قىسقارتۋ ءۇشىن كەلىسۋ جانە قۇرىلىس سالۋشىلاردىڭ وتىنىشتەرىنە جاۋاپ الۋ مەرزىمدەرىن قاتاڭ شەكتەۋمەن "بىرىڭعاي تەرەزە" قۇرۋ ۇسىنىلادى.
بولات وماروۆتىڭ ايتۋىنشا, كاسىپكەرلەر نارىق مونوپوليستەرى تاراپىنان كەدەرگىلەرگە دە تاپ بولادى, ەندى وعان قوعامدىق كەڭەس پەن «ساپالى قۇرىلىس» جوبالىق كەڭسەسىنىڭ نازارى اۋدارىلادى.
