ايماقتار • 13 تامىز، 2020

كوكشەتاۋدا جەل ەلەكتر ستانتسياسى ىسكە قوسىلدى

95 رەت كورسەتىلدى

وبلىس ورتالىعىنىڭ ىرگەسىندەگى كراسنويار ەلدى مەكەنىنىڭ ماڭىندا ورنالاسقان ستانتسيادا ەلەكتر قۋاتىن وندىرەتىن بەس قوندىرعى جۇمىس ىستەپ تۇر. وسىنداي قوندىرعىنىڭ جەتەۋى بالتىق جاعالاۋىنداعى ەلدەردەن جەتكىزىلدى، - دەپ حابارلايدى Egemen.kz

جەل ەلەكتر ستانتسياسى داتتىق تەحنولوگيا بويىنشا سالىنعان. قۋاتى 3760 كۆت. قاراپايىم تىلمەن ايتقاندا، 1500 ءۇيدى ەلەكتر ەنەرگياسىمەن ۇزدىكسىز قامتاماسىز ەتۋگە قاۋمەتى تولىق جەتەدى. ەگەر جىل سوڭىنا دەيىن تاعى دا جەتى قوندىرعى ىسە قوسىلسا، ستانتسيانىڭقۋاتى ەسەلەنە ارتپاق.

راس، بۇگىن ەلىمىزدە ەلەكتر قۋاتىنىڭ تاپشىلىعى جوق. سوندا جەل ەلەكتر ستانتسياسى نەسىمەن قۇندى دەگەن ساۋال ءوز-وزىنەن تۋىندايدى ەمەس پە؟ بۇل تاراپتاعى تاماشا تابىس – تابيعي قۋات كوزىن پايدالانۋ.

–بالامالى قۋات كوزىن پايدالانۋ ەڭ الدىمەن ەشكىمگە تاۋەلدى بولمايمىز دەگەن ۇعىمدى بىلدىرەدى،–دەيدى ينجەنەر سانات بيبەكوۆ،–بۇگىنگى تاڭدا ەلىمىزدە مۇنداي قۋات كوزى وتە از وندىرىلەدى. جالپى كولەمنىڭ 10 پروتسەنتى دەڭگەيىندە. الداعى ۋاقىتتا بۇل كولەمدى كەمىندە 40 پروتسەنتكە جەتكىزسەك، ءبىرشاما تابىسقا كەنەلەر ەدىك. كراسنوياردا جەل ەلەكتر ستانتسياسىن ورناتۋ ارقىلى وڭىردە ەنەرگيا تاپشىلىعىن بىرتىندەپ جويۋ باعىتىندا تىڭ باستاما جاسادىق. جىل سوڭىنا دەيىن ستانتسيا قۋاتىن ەكى ەسە ارتتىرىپ، ءۇش مىڭ ءۇيدى بالامالى قۋات كوزىمەن قامتيتىن بولامىز.

جاقسى جاڭالىققا اۋىل تۇرعىندارى دا ەلەڭ ەتە قالعان. بۇل ورايدا بىزگە بەلگىلى بولىپ وتىرعان جايت ەلەكتر ەنەرگياسىنىڭ باعاسى تومەندەي قويمايدى ەكەن.

–ويتكەنى، جەل قۋاتىنان وندىرىلگەن ەنەرگيا ورتاق جەلىگە تۇسەدى. انىعىندا ەلەكتر ەنەرگياسى وسى ۋاقىتقا دەيىن جەتكىلىكسىز بولىپ كەلدى. بۇل قادام تەك سول ولقىلىقتىڭ ورنىن تولتىرادى. ال، تاريف باعاسىن تومەندەتۋگە قاتىستى اڭگىمە مۇلدە جوق،–دەيدى سەلولىق وكرۋگ اكىمى ورىنباسارىنىڭ مىندەتىن اتقارۋشى قايرات جۇسىپبەكوۆ.

وعان سەبەپ جوبا جەكەمەنشىك ينۆەستيتسيا ەسەبىنەن جۇزەگە اسىرىلۋىندا. بەس قوندىرعىنىڭ قۇنى 1 ميلليارد 200 ميلليون تەڭگە شاماسىندا. كەيىن قوسىلۋى كوزدەلگەن جەتى قوندىرعى 1،5 ميلليارد تەڭگە تۇرادى. بالكىم، سالىنعان قاراجات قايتارىم بەرگەننەن كەيىن قايىرى حالىققا تيەتىن شىعار.  

 

اقمولا وبلىسى

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

ۇقساس جاڭالىقتار