ۆيدەوكونفەرەنتسيا فورماتىندا وتكەن جيىندا فۋتبولدان ايەلدەر اراسىندا قازاقستان چەمپيوناتىن وتكىزۋ جانە قۇرامالاردىڭ قۇرلىقتىق تۋرنيرلەرىن وتكىزۋ ماسەلەلەرى قارالدى. باسقوسۋدى قفف ايەلدەر فۋتبولىن دامىتۋ كوميتەتىنىڭ توراعاسى باۋىرجان ءابدۋبايىتوۆ پەن قفف بۇقارا, ايەلدەر جانە جاسوسپىرىمدەر فۋتبولى دەپارتامەنتىنىڭ ديرەكتورى ەرلان جامانتاەۆ جۇرگىزدى.
ء«بىزدىڭ جوسپار بويىنشا ايەلدەر اراسىنداعى قازاقستان ۇلتتىق چەمپيوناتىن 28 تامىزدا باستاۋ جوسپاردا بار. ارينە, باستى ماسەلە سانيتاريالىق-ەپيدەميولوگيالىق جاعدايدىڭ ديناميكاسىنا كەلىپ تىرەلەدى. قازاقستان چەمپيوناتىنا 6 كوماندا قاتىسپاق. جارىستار ءبىر قالادا جانە ەكى اينالىمنان تۇرماق», - دەيدى قفف بۇقارا, ايەلدەر جانە جاسوسپىرىمدەر فۋتبولى دەپارتامەنتىنىڭ ديرەكتورى ەرلان جامانتاەۆ.
«بيىل U17 جانە U19 جاسوسپىرىمدەر قۇرامالارىنا ارنالعان ەۋروپالىق ىرىكتەۋ ءتۋرنيرىنىڭ وتەتىندىگى تامىز ايىنىڭ ەكىنشى جارتىسىندا بەلگىلى بولادى. بۇعان دەيىن ۋەفا اتقارۋشى كوميتەتى كۇن تارتىبىندە وسى جاس ساناتتارىنداعى كوماندالاردىڭ جارىستارىن 2021 جىلعا اۋىستىرۋ تۋرالى ۇسىنىس بولاتىنىن مالىمدەدى», - دەپ ءتۇسىندىردى قفف ايەلدەر فۋتبولىن دامىتۋ كوميتەتىنىڭ توراعاسى باۋىرجان ءابدۋبايىتوۆ.
فۋتبولدان قازاقستان ايەلدەر قۇراماسى ەۋروپا چەمپيوناتىنىڭ ىرىكتەۋ كەزەڭىندەگى كەزەكتى ويىنىن 22 قىركۇيەكتە اۆستريامەن وتكىزەدى.
