وقيعا • 13 تامىز، 2020

بىرىڭعاي كەشەندى ستراتەگيالىق مىندەت شەڭبەرىندە وقۋ-جاتتىعۋلار جوسپارلانعان

7 رەت كورسەتىلدى

قارۋلى كۇشتەردىڭ اپپاراتتىق كەڭەسى بارىسىندا اقپارات جانە كوممۋنيكاتسيالار دەپارتامەنتىنىڭ جاڭا باستىعى پولكوۆنيك سەرىك ءحابدۇلمۇتالياپ ۇلى قاناپيانوۆ تانىستىرىلدى. ول اسكەري جۋرناليستيكا جانە اسكەري ءبىلىم بەرۋ جۇيەسىندە ءارتۇرلى لاۋازىمداردا قىزمەت ەتكەن لۆوۆ جوعارى اسكەري-ساياسي مەكتەبىنىڭ جۋرناليستيكا فاكۋلتەتىنىڭ تۇلەگى.

اپپاراتتىق كەڭەس قازاقتىڭ ۇلى اقىنى جانە اعارتۋشىسى اباي قۇنان­باي ۇلىنىڭ تۋعان كۇنىندە ءوتتى. وسى­عان بايلانىستى، قارۋلى كۇش­تەردە مەملەكەتتىك-قۇقىقتىق د­ا­يىندىق جۇيە­سىن­دە اقىننىڭ شى­عار­ما­شىلىعىن زەرت­تەۋ بويىنشا سا­باقتار وتكىزىلدى. قورعانىس ۆە­دوم­ستۆوسىنىڭ باسشىسى قازاقتىڭ ۇلى ويشىلى جانە اقىنى اباي قۇ­نان­باي ۇلىنىڭ حالىقتىڭ زياتكەرلىك جانە رۋ­حاني دامۋىنا قوسقان زور ۇلەسىن اتاپ ءوتتى.

قازىرگى تاڭدا ارنايى ماقساتتاعى اسكەري-مەديتسينالىق جاساق بەيرۋت­قا كەلىپ، زارداپ شەككەندەرگە مە­دي­تسينالىق كومەك كورسەتۋگە كى­رىس­­تى. قور­عا­نىس ۆەدومستۆوسىنىڭ باسشىسى ءتيىستى لاۋازىمدى ادامدارعا ليۆان رەسپۋبليكاسىندا اسكەري قىزمەت­شى­لەر­دىڭ قاۋىپسىزدىگىن قام­تا­ما­سىز ەتۋدى تاپسىردى.

«اسكەري دارىگەرلەردىڭ داعدارىس جاعدايىندا العان جۇمىس تاجىريبەسىن زەردەلەۋ جانە ءارتۇرلى جاعدايلاردا مەديتسينالىق قامتاماسىز ەتۋدى دا­يىنداۋ جانە ۇيىمداستىرۋ كەزىندە پا­يدالانۋ قاجەت»، دەپ اتاپ ءوتتى قورعانىس ءمينيسترى.

سونىمەن قاتار اپپاراتتىق كەڭەس بارىسىندا قارۋلى كۇشتەردەگى ساني­تار­لىق-ەپيدەميالىق جاعداي ماسەلەلەرى قارالدى.

بولىنگەن بيۋدجەت قاراجاتىن ساپالى جانە ۋاقتىلى يگەرۋ جانە بيۋد­جەت­تىك باعدارلامالاردىڭ كور­سەت­كىش­تەرىنە قول جەتكىزۋ ءۇشىن قورعانىس مي­نيسترلىگىنىڭ، باس شتابتىڭ جانە قا­رۋلى كۇشتەردىڭ قۇرىلىمدىق بولىمشەلەرىنىڭ باستىقتارىنا ءاربىر كورسەتكىشتىڭ ورىندالۋىنا تالداۋ جۇرگىزۋ جانە ولارعا قول جەتكىزۋ جو­نىندە شارالار قابىلداۋ تاپسىرىل­دى.

ءداستۇرلى تۇردە جاۋىنگەرلىك دا­يىن­دىق ماسەلەلەرى قاراستىرىلدى. كۇردەلى ەپيدەميالىق جاعدايعا قارا­ماستان، جاۋىنگەرلىك دايارلىق باع­دارلاماسى تولىق كولەمدە ورىندال­دى.

وسىعان بايلانىستى ۆەدومستۆو باس­شىسى بۇرىن جوسپارلانعان ءىس-شارالاردى وتكىزۋ بويىنشا جۇمىستى جالعاستىرۋدى، باسقارۋ ورگاندارى مەن اسكەرلەردى بىرىڭعاي كەشەندى سترا­تەگيالىق مىندەت شەڭبەرىندە اعىم­داعى جىلدىڭ قىركۇيەگىندە وتكىزۋ جوسپارلانىپ وتىرعان وقۋ-جات­تىعۋلارعا ساپالى دايارلاۋدى قامتاماسىز ەتۋدى تاپسىردى.

قورعانىس ءمينيسترى اتىس دايىن­دى­عىنىڭ كوپفۋنكتسيونالدى ورتا­لى­عىن قۇرۋ ماسەلەسىنە ەرەكشە نازار اۋداردى. ورتالىق اسكەري قىز­مەت­شىلەردىڭ جاۋىنگەرلىك دايار­لى­عى­نىڭ اجىراماس قۇرامداس بولىگى رەتىندە قاراستىرىلاتىن ارميالىق تاكتيكالىق وق اتۋدى جانە قويان-قولتىق ۇرىستى قامتيتىن جاڭا با­عىتتى دامىتۋ ءۇشىن قاجەت. كەز كەل­گەن جىلدام وزگەرەتىن ورتادا ارميا­لىق جەكپە-جەك ۇرىس جانە اتىس قارۋىن قولدانۋ ادىستەرىنىڭ ۇيلەسۋى زەيىندى ءبولۋ داعدىلارىن، رەاكتسيا جىل­دام­دىعىن، بايقاعىشتىقتى جانە كەڭىس­تىك­تىك باعدارلاۋدى جاقسارتادى.

سونىمەن قاتار مينيستر بولىم­شە­­­لەردەگى جاس بۋىندى اسكە­ري انت قا­­بىلداعاننان كەيىن 1 قىر­كۇيەك­كە دەيىن جاۋىنگەرلىك ازىرلىك بو­يىنشا تاك­تي­كا­ل­ىق-ساپتىق سا­باق­تاردى مۇقيات دايىنداپ وتكى­زۋ، سونداي-اق قۇرامالار مەن بو­لىم­دەر­دىڭ جاۋىنگەرلىك ەسەپتەرىنە ناقتىلاۋلاردى ەنگىزۋ قاجەتتىگىن اتاپ ءوتتى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار