كەڭەس بارىسىندا تاراپتار پاندەميامەن كۇرەستەگى ءتيىمدى ءوزارا ءىس-قيمىل ماسەلەلەرىنە ەرەكشە نازار اۋدارىپ, ونىڭ ءوڭىر ەكونوميكاسى ءۇشىن جاعىمسىز سالدارىن ەڭسەرۋ جانە سىرتقى ەكونوميكالىق قىزمەتتى جانداندىرۋ ماسەلەرىن قاراستىردى. سونداي-اق ەپيدەميالىق جاعداي, ءبىر-بىرىنە گۋمانيتارلىق كومەك كورسەتۋ جونىندەگى وڭىرلىك ىنتىماقتاستىق, ازاماتتاردى شەت ەلدەردەن قايتارۋ ماسەلەلەرى, سونداي-اق ەكونوميكالىق ۇتقىرلىق پەن ىسكەرلىك بەلسەندىلىكتى قالپىنا كەلتىرۋ پەرسپەكتيۆالارى دا تالقىلاندى.
قازاقستاندىق تاراپ جاپونيا ۇكىمەتىنە پاندەمياعا قارسى كۇرەستە جان-جاقتى قولداۋ كورسەتكەنى جانە ءبىزدىڭ ەلدەرىمىزدىڭ سانيتارلىق-ەپيدەميالىق قىزمەتتەرىنىڭ وزىق تاجىريبەلەردى ەنگىزۋ بويىنشا ءوزارا ءىس-قيمىلىن نىعايتۋعا جانە ۆاكتسينا مەن جاڭا مەديتسينالىق پرەپاراتتاردى ازىرلەۋ مەن عىلىمي-پراكتيكالىق كومەك كورسەتۋگە ازىرلىگى ءۇشىن ريزاشىلىعىن ءبىلدىردى.
سىرتقى ساياسي ۆەدومستۆولاردىڭ باسشىلارى وسى فورمات شەڭبەرىندە ءوزارا ساۋدا-ەكونوميكالىق ءىس-قيمىلدى قالپىنا كەلتىرۋگە باعىتتالعان پراكتيكالىق كۇش-جىگەردى بىرىكتىرۋ تۋرالى شەشىم قابىلدادى. بۇل اسپەكتىدە جاپونيانىڭ ەكونوميكالىق جانە تەحنولوگيالىق الەۋەتى قىزىعۋشىلىق تۋدىرادى, ونى جالپى ورتالىق ازيا ەكونوميكاسىن جاڭعىرتۋدا جانە بىرلەسكەن جوبالاردى ىسكە اسىرۋ ارقىلى قولدانۋعا بولادى. كەڭەسكە قاتىسۋشىلار سىرتقى ساياسات ۆەدومستۆولارى باسشىلارىنىڭ كەلەسى 8-ءشى كەزدەسۋى بارىسىندا جاپون بيزنەسىنىڭ قاتىسۋىمەن ساۋدا, ينۆەستيتسيالار جانە اگروونەركاسىپتىك كەشەن سالاسىندا ناقتى ۇسىنىمدار ازىرلەۋگە كەلىستى.
ايتا كەتەيىك, «ورتالىق ازيا + جاپونيا» ديالوگى جاپونيانىڭ باستاماسىمەن شاقىرىلعان. العاشقى كەزدەسۋ 2004 جىلى نۇر-سۇلتاندا وتكەن. فورمات شەڭبەرىندەگى ىنتىماقتاستىقتىڭ نەگىزگى باعىتتارى – ساياسي ديالوگ, وڭىرىشىلىك ىنتىماقتاستىقتى دامىتۋ, بيزنەستى كوتەرمەلەۋ, زياتكەرلىك ديالوگ, مادەني بايلانىستار. ديالوگ اياسىندا سىرتقى ىستەر مينيسترلەرىنىڭ كەزەكتى 8-ءشى كەڭەسىن توكيودا 2021 جىلى وتكىزۋ جوسپارلانىپ وتىر.
