ۇكىمەت • 13 تامىز، 2020

قيىندىقپەن كۇرەس (جەتى ايدىڭ قورىتىندىسى نە دەيدى؟)

14 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا ەپيدەمياعا قارسى ءىس-شارالاردى ىسكە اسىرۋ بارىسى جانە ۇستىمىزدەگى جىلدىڭ جەتى ايىنىڭ ەكونوميكالىق قورىتىندىسى قارالدى.

 كارانتين كەزەڭ-كەزەڭىمەن الىنادى

دەنساۋلىق ساقتاۋ ءمينيسترى الەكسەي تسوي 10 كۇن ىشىندە قازاقستاندا كورونا­ۆيرۋس ينفەكتسياسىنىڭ رەپرودۋك­تيۆ­تىلىگىنىڭ ورتاشا كورسەتكىشى 0،92-دەن 0،82-گە دەيىن تومەندەگەنىن باياندادى. سا­ۋى­عىپ شىققان ادامداردىڭ ۇلەسى 73،6%-دى قۇرايدى، قالعاندارى قاجەتتى ەم الىپ جا­تىر. توسەك ورىندارىنىڭ جۇكتەمەسى 61%-عا، جەدەل جاردەم شاقىرۋ كولەمى 62%-عا (3 232-دەن 1 232-گە دەيىن) تو­مەن­دەدى.

«جالپى العاندا، ەلىمىزدەگى ساني­­تار­لىق-ەپيدەميالىق جاعداي تۇراق­تى. ناتيجەلەر قابىلدانعان شارالار­دىڭ تيىمدىلىگىن كورسەتىپ جاتىر» دەگەن ا.مامين، دەنساۋلىق ساقتاۋ مي­نيس­ترلىگىنە قالىپتاسقان ەپيدەميالىق جاعدايدى ەسكەرە وتىرىپ، كارانتين شارالارىن كەزەڭ-كەزەڭىمەن الىپ تاستاۋ جوسپارىن مەملەكەتتىك كوميسسيانىڭ قاراۋىنا ەنگىزۋدى تاپسىردى.

 

ەكونوميكانىڭ نەگىزگى سالالارى دامىپ كەلەدى

بۇدان كەيىن ۇكىمەت ەلىمىزدىڭ 2020 جىلعى قاڭتار-شىلدەدەگى الەۋمەت­تىك-ەكو­نوميكالىق دامۋىنىڭ قورىتىندىسى مەن رەسپۋبليكالىق بيۋدجەتتىڭ اتقارىلۋىن قارادى. ەكونوميكانىڭ، بانك سالاسىنىڭ جاي-كۇيى، رەسپۋبليكالىق بيۋدجەتتىڭ ات­قارىلۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى ر.دالەنوۆ، ۇلتتىق بانك توراعاسى ە.دوساەۆ، قارجى ءمينيسترى ە.جاماۋباەۆ، ونەركاسىپ پەن ەنەرگەتيكا سەكتورىنداعى احۋال تۋرالى يندۋستريا جانە ينفراقۇرىلىمدىق دامۋ ءمي­نيسترى ب.اتامقۇلوۆ پەن ەنەرگەتيكا ءمينيسترى ن.نوعاەۆ، اگروونەركاسىپ كەشەنى تۋرالى اۋىل شارۋاشىلىعى ءمينيسترى س.وماروۆ، وڭىرلەردىڭ دامۋى تۋرالى الماتى وبلىسىنىڭ اكىمى ا.باتالوۆ، اقمولا وبلىسىنىڭ اكىمى ە.مارجىقپاەۆ، ماڭعىستاۋ وبلىسىنىڭ اكىمى س.ترۇموۆ، اتىراۋ وبلىسىنىڭ اكىمى م.دوسمۇحامبەتوۆ، اقتوبە وبلى­سىنىڭ اكىمى و.ورازالين باياندادى.

ۇلتتىق ەكونوميكا ءمينيسترى رۋسلان دالەنوۆ اتاپ وتكەندەي، 2020 جىلعى قاڭتار-شىلدەنىڭ قورىتىندىسى بو­يىنشا تاۋارلار ءوندىرىسى 2،1%-عا ءوستى، سونىمەن بىرگە كورسەتىلەتىن قىزمەتتەر 6،2%-عا قىسقاردى. ناتيجەسىندە، جەدەل دەرەكتەر بويىنشا، جالپى ىشكى ءونىم 2،9%-عا تومەندەدى. جىلدىق ينفلياتسيا 7،1% قۇرادى. بۇل كۇتىلگەن ينفلياتسيا دالىزىنەن تومەن (8-8،5%).

ءسويتىپ جەتى ايدىڭ قورىتىندىسى بويىنشا ەكونوميكانىڭ بازالىق سالالارىندا وڭ ءوسىم سەرپىنى ساقتالۋدا. وڭدەۋ ونەركاسىبىندە 3،8%-عا، ونىڭ ىشىندە ماشينا جاساۋدا 13،9%-عا، ازىق-ت ۇلىك ونىمدەرىن وندىرۋدە 4،1%-عا، فارماتسەۆتيكادا 23،2%-عا، جەڭىل ونەركاسىپتە 7،3%-عا، قاعاز وندىرىسىندە 15،7%-عا، حيميا ونەركاسىبىندە 3،6%-عا جانە دايىن مەتالل بۇيىمدارىن وندىرۋدە 18،6%-عا ءوسىم قامتاماسىز ەتىلدى. قۇرىلىس كولەمى 6،3% -عا، تۇرعىن ءۇي سالۋ 7،5%-عا نەمەسە شامامەن 7 ملن شارشى مەترگە ارتتى. اۋىل شارۋاشىلىعىندا تۇراقتى ءوسىم 2،5%-عا قامتاماسىز ەتىلدى.

دەگەنمەن وپەك+ قول جەتكىزىلگەن ۋاعدالاستىقتاردى ورىنداۋ قاجەتتىلىگى جاعدايىندا مۇناي ءوندىرۋدىڭ تومەندەۋى (-1،4%) بايقالادى، بۇل تاۋ-كەن ونەر­كاسىبىنىڭ جالپى كورسەتكىشتەرىنە تىكەلەي اسەر ەتتى (0،4%-عا تومەندەۋ). تاۋ-كەن سەكتورىنىڭ باسقا دا ماڭىزدى باعىت­تارى بويىنشا وڭ ديناميكا ساقتالىپ وتىر: كومىر ءوندىرۋ 2،6%-عا، مەتالل كەندەرىن ءوندىرۋ 2،3%-عا، تابيعي گازدى ءوندىرۋ 0،9%-عا ءوستى.

كارانتين كەزىندە قىزمەت كورسەتۋ سەكتورىندا كورسەتكىشتەردىڭ تومەندەۋى بايقالادى (-6،2%). بۇل اسىرەسە ساۋدا (-11،9%)، كولىك (-15،6%)، اكىمشىلىك قىزمەت كورسەتۋ (-5،3%) سالالارىنا جانە جىلجىمايتىن م ۇلىكپەن جاسالاتىن وپەراتسيالارعا (-4،3%) قاتىستى. اقمولا، الماتى، شىعىس قازاقستان، جامبىل، قوستاناي، ماڭعىستاۋ جانە سول­تۇستىك قازاقستان وبلىستارى، نۇر-سۇل­تان جانە الماتى قالالارى الەۋ­مەتتىك-ەكونوميكالىق دامۋدىڭ 7 نەگىز­گى كورسەتكىشىنىڭ 5-ءۋى بويىنشا ءوسىم كورسەتتى. قاراعاندى، تۇركىستان، پاۆ­لودار، اقتوبە وبلىستارى مەن شىم­كەنت قالاسىندا 4 كورسەتكىش بويىنشا وڭ ديناميكاعا قول جەتكىزىلدى. تەك 3 كور­سەتكىش بويىنشا ءوسىم اتىراۋ، قىزىل­وردا جانە باتىس قازاقستان وبلىستارىندا تىركەلگەن.

قارجى ءمينيسترى ەرۇلان جاماۋباەۆ قازاقستان رەسپۋبليكاسىنىڭ 2020 جىل­عى 7 ايدىڭ قورىتىندىسى بويىنشا مەم­لەكەتتىك بيۋدجەتكە 4 ترلن 468 ملرد تەڭگە سوماسىندا كىرىس ءتۇسىپ، جوسپار 94،7%-عا ورىندالعانىن مالىمدەدى. سونىڭ ىشىندە، رەسپۋبليكالىق بيۋدجەتكە 2 ترلن 714 ملرد تەڭگە سوماسىندا كىرىس ءتۇسىپ، جوس­پار 83،3%-عا ورىندالعان. كىرىستەر بو­يىن­شا جوسپاردىڭ اتقارىلماۋى 544 ملرد تەڭگەنى قۇرادى. نەگىزگى اتقارىل­ماۋ سو­مالارى قوسىلعان قۇن سالىعى جا­نە كور­پوراتيۆتىك تابىس سالىعى­نا تيە­سىلى بو­لدى. ال جەرگىلىكتى بيۋدجەت­تەر­دىڭ مەن­شىكتى كىرىستەرى 1 ترلن 754 ملرد تەڭگەنى قۇراپ، جوسپار 120%-عا ورىندالعان.

پرەمەر-ءمينيستردىڭ ءبىرىنشى ورىنباسارى ءاليحان سمايىلوۆتىڭ ايتۋىنشا، وتكەن كەزەڭنىڭ كورىتىندىسى ەل ەكونوميكاسى دامۋىنا سىرتقى فاكتورلاردىڭ كەرى اسەرىن تيگىزگەنىن كورسەتتى. وسىعان وراي ول ەل ەكونوميكاسىن قورعاۋ ماق­ساتىندا ءتيىستى قاراجاتتىڭ بولىنگەنىن جەتكىزدى. ماسەلەن بيىلعى جىلدىڭ ناق­تى­لانعان رەسپۋبليكالىق بيۋدجەتىنىڭ شىعىستارى 14،2 ترلن تەنگەنى قۇرايدى، بۇل بىلتىرعىمەن سالىستىرعاندا 19%-عا كوپ. پرەمەر-ءمينيستردىڭ ءبىرىنشى ورىن­باسارى مۇنىڭ داعدارىسقا قارسى كونتر­فيسكالدىق ساياسات ەكەنىن اتاپ ايتتى. «وسى قاراجاتتى جىل سوڭىنا دەيىن تولىعىمەن ءتيىمدى يگەرىلۋىن قامتا­ماسىز ەتۋ كەرەك. مينيسترلىكتەر جانە جەر­گىلىكتى اتقارۋشى ورگاندار ينۆەستي­تسيا تارتۋ جونىندە ۇكىمەت الدىندا مىن­دەتتەمە الدى. ينۆەستيتسيا كولە­مىن اعىمداعى جاعدايعا سايكەس جاقىن ارادا قايتا قاراپ، جاڭادان بەكىت­تىك. وسى جۇمىس ارىپتەستەرىمنىڭ ەرەكشە باقى­لاۋىندا بولۋى كەرەك»، دەدى ءا.سما­يى­لوۆ.

 

حالىقارالىق رەزەرۆتەر ۇلعايدى

رەسپۋبليكالىق بيۋدجەتتىڭ اتقارى­لۋى تۋرالى بايانداما جاساعان ۇلتتىق بانك توراعاسى ەربولات دوساەۆ اتاپ وت­كەندەي، كوروناۆيرۋس پاندەمياسىنىڭ سالدارى دامىعان جانە دامۋشى ەلدەر ەكونوميكاسىنىڭ رەكوردتىق تومەن­دەۋىنە الىپ كەلدى. اعىمداعى جىلعى ەكىنشى توقساندا اقش-تاعى ءىجو كور­سەت­كىشى وتكەن توقسانعا قاراعاندا 9،5%-عا، ەۋرووداقتا 14،4%-عا، ونىڭ ىشىندە يس­پانيادا 18،5%-عا، گەرمانيادا 10،1%-عا تومەندەدى. يسپانيا مەن گەرمانيا ءۇشىن بۇل كورسەتكىش توقساندىق ەسەپتەۋلەر تاري­حىنداعى ەڭ تومەنگى ءمان بولىپ تابى­لادى.

دۇنيەجۇزىلىك بانكتىڭ باعالاۋى بو­يىنشا الەمدىك ەكونوميكا ەكىنشى دۇنيە­جۇزىلىك سوعىستان كەيىنگى ەڭ تەرەڭ قۇل­دى­راۋعا تاپ بولدى. ول اعىمداعى جىلدىڭ سوڭىنا قاراي 5،2%-عا تومەندەۋى مۇمكىن.

«سوعان قاراماستان، قىتاي، ەۋرووداق ەلدەرى جانە اقش-تىڭ ونەركاسىپتەگى ىسكەر­لىك بەلسەندىلىك كوسەتكىشتەرى ايتار­لىقتاي جاقسارعانى تىركەلدى. Global Manufacturing PMI يندەكسى 2020 جىلعى قاڭتاردان باستاپ العاش رەت وڭ ايماققا ءوتىپ، 50،3 تارماققا جەتتى»، دەدى ە.دوساەۆ.

قازاقستاندا ىسكەرلىك بەلسەندىلىك يندەكسى اعىمداعى جىلعى ماۋسىمدا 46،8 تارماققا دەيىن قالپىنا كەلگەننەن كەيىن، ەنگىزىلگەن كارانتيندىك شەكتەۋلەر اياسىندا اعىمداعى جىلعى شىلدەدە 44،7 تارماققا دەيىن تومەندەدى. بۇل جاعداي قىزمەت كورسەتۋ سالاسىنداعى بەلسەندىلىكتىڭ قىسقارۋىنا بايلانىستى ورىن الدى. «جەدەل دەرەكتەر بويىنشا، 2020 جىلعى ءبىرىنشى جارتىجىلدىق قورىتىندىسىندا قازاقستاننىڭ ءىجو ۇلتتىق بانكتىڭ بولجامىنا سايكەس -1،5%-بەن سالىستىرعاندا، جىلدىق ماندە 1،8%-عا قىسقاردى، بۇل قىزمەت كور­سە­تۋ سەكتورىنداعى، اتاپ ايتقاندا ساۋدا مەن كولىك سەكتورىنداعى قاتتى قۇلدى­راۋ­عا باي­لانىستى. وسىعان وراي، ينفليا­­­تسيا­لىق كۇتۋلەردىڭ تۇراقتانۋىن ەسكەرە وتىرىپ، ۇلتتىق بانك بيىلعى 20 شىل­­­دەدە قازاقستان ەكونوميكاسىنىڭ ءوسۋىن قال­­پىنا كەلتىرۋدى قولداۋ ءۇشىن پايىز­­­دىق ءدالىزدى +/- 1،5 پايىزدىق تارماق­­قا دەيىن تارىلتا وتىرىپ، بازالىق ستاۆكانى 9،0%-عا دەيىن تومەندەتتى»، دەدى ە.دوساەۆ.

جىلدىق ينفلياتسيا اعىمداعى جىلعى شىلدەدە 7،1% قۇراپ، ۇلتتىق بانكتىڭ بول­جامدارىنا سايكەس قالىپتاسادى. ازىق-ت ۇلىك تاۋارلارى باعاسىنىڭ جىلدىق ءوسۋى 11،3% بولدى جانە ينفلياتسيانىڭ ورىن الۋىنا نەگىزگى ۇلەس قوسۋىن جال­عاستىرۋدا. نان-توقاش ونىمدەرى مەن جارما، جەمىس-كوكونىس ونىمدەرىندە ءوسۋدىڭ بارىنشا جوعارى قارقىنى ساقتالۋدا، بۇل رەتتە ەت جانە ەت ونىمدەرى باعاسىنىڭ ءوسۋ قارقىنى ءبىرشاما باياۋلادى.

ازىق-ت ۇلىككە جاتپايتىن تاۋارلار باعاسىنىڭ جىلدىق ءوسۋى جانار-جاعار ماي باعاسىنىڭ تومەندەۋى اياسىندا 5،4% دەڭگەيىندە ساقتالدى. توتەنشە جاعداي كەزىندە كوممۋنالدىق قىزمەت تاريفتەرىن ۋاقىتشا تومەندەتۋ اسەرىنىڭ اقىلى قىزمەتتەر باعاسىنىڭ جىلدىق ءوسۋى 3%-دان شىلدەدە 3،2%-عا دەيىن ارتتى.

الدىن الا دەرەكتەر بويىنشا شىل­دەنىڭ سوڭىندا حالىقارالىق جالپى رەزەرۆتەر 3،2%-عا ۇلعايىپ، 93،5 ملرد دوللاردى قۇرادى. ۇلتتىق بانكتىڭ التىن-ۆاليۋتا رەزەرۆتەرى اعىمداعى جىلعى شىلدەدە، ەڭ الدىمەن، التىن با­عا­سىنىڭ وسۋىنە بايلانىستى 35،3 ملرد دوللارعا دەيىن 7،3%-عا نەمەسە 2،4 ملرد دوللارعا ۇلعايدى. ۇلتتىق قور­دىڭ اكتيۆتەرى اعىمداعى جىلعى شىل­دەدە 1،6 ملرد دوللار سوماسىندا العان ينۆەستيتسيالىق كىرىس ەسەبىنەن ءبىر ايدا 0،5 ملرد دوللارعا (+0،9%) ۇلعايىپ، 58،2 ملرد دوللاردى قۇرادى، بۇل رەتتە كەپىلدى ترانسفەرت ءبولۋ ماقساتىندا ۇلتتىق قوردىڭ اكتيۆتەرىن 1،1 ملرد دوللارعا كونۆەرتاتسيالاۋ جۇزەگە اسىرىلدى.

بيىل ماۋسىمنىڭ سوڭىندا بانك جۇيەسىندەگى دەپوزيتتەر تەڭگەدەگى سالىم­داردىڭ ءوسۋى ەسەبىنەن جىل باسىنان بەرى 4،4%-عا نەمەسە 846 ملرد تەڭگەگە ۇلعايىپ، 19،9 ترلن تەڭگە بولدى. ۇلت­تىق ۆاليۋتاداعى سالىمدار 11،9 ترلن تەڭگەگە دەيىن 10،2%-عا (نەمەسە 1 104 ملرد تەڭگەگە) ءوستى. ۆاليۋتالىق سالىم­دار اعىمداعى جىلعى ماۋسىمنىڭ سوڭىن­دا 3،1%-عا (نەمەسە 258 ملرد تەڭگەگە) ازايىپ، 7،9 ترلن تەڭگە بولدى. ناتي­جە­سىندە دەپوزيتتەردىڭ دوللارلانۋ دەڭ­گەيى اعىمداعى جىلعى ماۋسىمدا 40%-عا دەيىن تومەندەدى (2019 جىلعى جەلتوقساندا 43،1%).

جىل باسىنان بەرى ەكونوميكاعا بەرى­لەتىن كرەديتتەر ۇزاق مەرزىمدى كرەديت­تەردىڭ 11،9 ترلن تەڭگەگە دەيىن 0،4%-عا نەمەسە 52،4 ملرد تەڭگەگە ءوسۋى ناتيجەسىندە اعىمداعى جىلعى ماۋسىمنىڭ سوڭىندا 13،9 ترلن تەڭگەگە دەيىن ۇلعايدى. قىسقا مەر­زىمدى كرەديتتەر 2،1 ترلن تەڭگەگە دەيىن نەمەسە 9،8 ملرد تەڭگەگە شامالى ءوستى.

سونىمەن قاتار ە.دوساەۆ «7-20-25» باعدارلاماسى بويىنشا اعىمداعى جىلعى 6 تامىزعا 240،7 ملرد تەڭگەگە 20 693 ءوتىنىم ماقۇلدانعانىن، ونىڭ ىشىندە 199،3 ملرد تەڭگە سوماسىنا 16 868 قارىز بەرىلگەنىن ايتتى. «باسپانا حيت» نارىقتىق يپوتەكالىق باعدارلاماسى بويىنشا اعىمداعى جىلعى 6 تامىزداعى جاعداي بويىنشا 296،4 ملرد تەڭگە سوماسىنا 34 904 ءوتىنىم ماقۇلداندى، 235،6 ملرد تەڭگەگە 28 347 قارىز بەرىلدى.

 

اۋىل شارۋاشىلىعى 2،5%-عا ءوستى

ەلىمىزدىڭ اگروونەركاسىپتىك كەشەنىنىڭ جاي-كۇيى تۋرالى اۋىل شارۋاشىلىعى ءمينيسترى ساپارحان وماروۆ باياندادى. بيىلعى 7 ايدىڭ قورىتىندىسى بو­يىنشا جالپى اۋىل شارۋاشىلىعى ءونىمى­نىڭ كولەمى 2،5%-عا ۇلعايىپ، 1،7 ترلن تەڭگەنى قۇرادى. مينيستر حابار­لاعانداي، بۇل ءوسىم نەگىزىنەن مال شارۋا­شى­لىعىنداعى ءوندىرىس كولەمىنىڭ 2،6%-عا، ونىڭ ىشىندە ءتىرى سالماقتاعى ەتتىڭ 3،6%-عا، ءسۇتتىڭ 3%-عا ۇلعايۋى ەسەبىنەن قام­تاماسىز ەتىلدى. وبلىستار بولىنىسىندە رەس­پۋبليكالىق دەڭگەيدەن جوعارى قارقىن باتىس قازاقستان، اقتوبە، قارا­عاندى، سولتۇستىك قازاقستان جانە اق­مولا وبلىستارىندا بايقالدى. 6 ايدىڭ قورىتىندىسى بويىنشا ءىرى قارا مال سانى 4،5%-عا، قوي سانى 2،5%-عا، جىل­قى سانى 8،5%-عا، تۇيە سانى 4%-عا، شوش­قا سانى 0،7%-عا ءوستى. «بۇگىنگى تاڭدا اقتو­بە، الماتى، شىعىس قازاقستان، جام­بىل، باتىس قازاقستان، قىزىلوردا جانە تۇركىستان وبلىستارىندا ءداندى داقىل­داردى جاپپاي جيناۋ جۇرگىزىلىپ جاتىر»، دەدى مينيستر.

بيىلعى 10 تامىزداعى جاعداي بويىن­شا 929،4 مىڭ گەكتار نەمەسە ەگىنى جي­نالۋى ءتيىس القاپتىڭ 37،3%-ى جينالدى. ورتاشا تۇسىمدىلىك گەكتارىنا 19،1 تسەنتنەردى قۇراپ، 1،8 ملن توننا ءداندى داقىل باستىرىلدى (وتكەن جىلى وسىنداي كۇنگە 1،4 ملن توننا باستىرىلعان بولاتىن). سونىمەن قاتار رەسپۋبليكانىڭ نەگىزگى ەگىن ەگۋشى وڭىرلەرى دە جاڭا ەگىن كولەمىن جيناۋعا كىرىسىپ كەتتى (93،3 مىڭ گەكتار نەمەسە كورسەتىلگەن وڭىر­لەر الاڭدارىنىڭ 0،8%-ى جينالدى). سول­تۇس­تىك وڭىرلەر جاپپاي ەگىن جيناۋدى 20 تامىزعا قاراي باستايتىن بولادى.

اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار 13،5%-عا ۇلعايىپ، 261،2 ملرد تەڭگەنى، ازىق-ت ۇلىك ونىمدەرى وندىرىسىنە سالىنعان ينۆەستيتسيالار 13،8%-عا ارتىپ، 45،7 ملرد تەڭگەنى قۇرادى.

 

وڭىرلەردەن بەلسەندى جۇمىس كۇتىلەدى

ماسەلەنى ۇكىمەت باسشىسى اس­قار مامين قورىتىندىلادى. ول ەكونو­ميكانىڭ بازالىق سالالارىندا ءوسىمنىڭ وڭ كورسەتكىشتەرى ساقتالىپ وتىرعانىن، بىراق كوڭىل بولەتىن ماسەلەلەر از ەمەس ەكەنىن اتاپ كورسەتتى.

«وڭىرلەر بەلسەندى جۇمىس ىستەپ، ەكو­نو­ميكالىق ءوسىمدى قالپىنا كەلتىرۋ جو­لىندا قابىلدانعان بارلىق شارا­لاردى، ونىڭ ىشىندە مەملەكەتتىك باعدارلامالار اياسىنداعى شارالاردى ءتيىمدى ىسكە اسى­رۋى قاجەت. وتاندىق ءوندىرىستى قول­داۋ­دى، ينۆەستيتسيا تارتۋدى، ەكسپورتتى ىلگەرىلەتۋدى، حالىقتىڭ جۇمىسپەن قام­تىلۋىن ساقتاۋدى جانە تۇراقتى جۇمىس ورىندارىن قۇرۋدى بارىنشا قام­تاماسىز ەتۋ قاجەت»، دەدى ا.مامين.

ۇكىمەت باسشىسى وڭىرلىك داعدارىسقا قارسى شتابتاردىڭ جۇمىسىن جانداندىرۋدى، كاسىپكەرلەر كوتەرگەن ماسەلەلەردى شۇعىل قاراۋدى جانە ءتيىستى شەشىمدەردى قابىلداۋدى تاپسىردى.

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار