وڭتۇستىك قازاقستان • 12 تامىز، 2020

قىزىلوردادا "دارمەك" جەدەل-پروفيلاكتيكالىق شاراسى بارىسىندا 13 قۇقىق بۇزۋشىلىق انىقتالدى

34 رەت كورسەتىلدى

وسى جىلدىڭ 3-7 تامىز ارالىعىندا وبلىس كولەمىندە "دارمەك" پروفيلاكتيكالىق ءىس-شاراسى وتكىزىلدى، دەپ حابارلايدى Egemen.kz

ەسىرتكىنىڭ زاڭدى اينالىمى سالاسىندا قۇقىق بۇزۋشىلىقتاردى انىقتاۋعا باعىتتالعان شارا بارىسىندا قىزىلوردا وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرى ەسىرتكى قۇرالدارىنىڭ، پسيحوتروپتى زاتتاردىڭ جانە پرەكۋرسورلاردىڭ زاڭدى اينالىمى سالاسىنداعى قىزمەتتى جۇزەگە اسىراتىن ءدارىحانالار مەن قويمالارعا تەكسەرۋ جۇمىستارى جۇرگىزىلدى.

جەدەل-پروفيلاكتيكالىق ءىس-شارانىڭ 5 كۇنىندە 13 قۇقىق بۇزۋشىلىق انىقتالدى.

وبلىس كولەمىندە ورنالاسقان ەسىرتكى قۇرالدارى، پسيحوتروپتىق زاتتار مەن پرەكۋرسورلارىنىڭ زاڭدى اينالىمىنا بايلانىستى 77 ءدارىحانا، 19 ەمدەۋ ورنى، 28 قويمانىڭ ساقتالۋى، تەحنيكالىق نىعايتىلۋ جاعدايى تەكسەرىلدى. تەكسەرۋ بارىسىندا قازاقستان رەسپۋبليكاسى اقبتك-ءنىڭ 426-بابىندا كوزدەلگەن اكىمشىلىك قۇقىق بۇزۋشىلىقتاردىڭ 4 جانە قازاقستان رەسپۋبليكاسى اقبتك-ءنىڭ 427-بابىندا كوزدەلگەن اكىمشىلىك قۇقىق بۇزۋشىلىقتاردىڭ 4 دەرەگى انىقتالدى.

قازاقستان رەسپۋبليكاسى قك-ءنىڭ 303-بابىندا كوزدەلگەن تەرىس قىلىقتاردىڭ 1 دەرەگى، ياعني ەسىرتكى قۇرالدارىنىڭ، پسيحوتروپتىق زاتتار مەن پرەكۋرسورلاردىڭ ساقتايتىن بولمەنىڭ تالاپتارىنىڭ بۇزىلعاندىعى بەلگىلى بولدى. بۇل دەرەك بويىنشا تەرگەپ-تەكسەرۋ جۇمىستارى جۇرگىزىلۋدە.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار