ايماقتار • 12 تامىز، 2020

ءۇشارال گارنيزونى تەكسەرىلدى

35 رەت كورسەتىلدى

قورعانىس ءمينيسترى نۇرلان ەرمەكباەۆ ءۇشارال گارنيزونىنا جۇمىس ساپارىمەن باردى، دەپ حابارلايدى Egemen.kz

قورعانىس ۆەدومستۆوسىنىڭ باسشىسىنا جاۋاپتى لاۋازىمدى تۇلعالار قىزمەتتىڭ اعىمداعى جاي-كۇيى، اسكەرلەردىڭ كۇندەلىكتى تىنىس-تىرشىلىگى جانە جاۋىنگەرلىك كەزەكشىلىكتى ۇيىمداستىرۋ، گارنيزونداردىڭ ينفراقۇرىلىمى مەن تۇيتكىلدى ماسەلەلەرى تۋرالى جەتكىزدى.

جۇمىس ساپارى بارىسىندا مينيستر زىمىراندى-ارتيللەريالىق قارۋ-جاراق قويمالارىن، اۆياتسيالىق زاقىمداۋ قۇرالدارىن، كازارمالار مەن سىنىپتاردى تەكسەردى. گارنيزوننىڭ اسكەري بولىمدەرى اۆتوتۇراعىنىڭ، اسكەري لازارەتتىڭ، اۆياتسيالىق كومەنداتۋرانىڭ، سانيتارلىق-ەپيدەميولوگيالىق ورتالىقتىڭ، راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ينفراقۇرىلىمىمەن تانىستى.

ۆەدومستۆو باسشىسىنا راديوەلەكترونيكا جانە بايلانىس اسكەري-ينجەنەرلىك ينستيتۋتىندا جاسالعان درونعا قارسى قارۋدىڭ جۇمىسى كورسەتىلدى. اسكەري ينجەنەرلەردى دامىتۋ ساپا مەن باعا ولشەمى بويىنشا شەتەلدىك انالوگتارمەن سالىستىرعاندا ەداۋىر ارتىقشىلىققا يە بولىپ تابىلادى.

سونىمەن قاتار، قر قك سانيتارلىق-ەپيدەميولوگيالىق ورتالىعى بازاسىنداعى پتر-زەرتحانانىڭ قىزمەتى تەكسەرىلدى.

مينيستر ارميا حالىقارالىق ويىندارى-2020 اياسىندا وتەتىن «تانك بياتلونى» سايىسىنا قاتىسۋشىلارىمەن كەزدەستى. بيىل قازاقستاندىق كوماندا اتالمىش سايىستا عانا باق سىنايتىن بولادى. بۇل جالپىكوماندالىق جۇلدەلى ورىندارعا يە بولۋ مۇمكىندىگىنە ايتارلىقتاي اسەر ەتەدى. ويتكەنى بىرنەشە كونكۋرس ناتيجەسى بويىنشا كوپ ۇپاي جيناعان كوماندا جەڭىسكە جەتەدى. سونداي-اق، باق سىنايتىن ءاربىر كوماندانىڭ جەڭىس تۇعىرىنان كورىنۋ مۇمكىندىگى ارقاشان جوعارى. ەلىمىز اتىنان سىنعا تۇسەتىن جاۋىنگەرلەر جەڭىستەن ءۇمىتتى ەكەندىگىن اتاپ ءوتۋ كەرەك.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار