ايماقتار • 12 تامىز، 2020

جاستار سايتى ىسكە قوسىلدى

69 رەت كورسەتىلدى

12 تامىز – حالىقارالىق جاستار كۇنىنە وراي قىزىلوردا وبلىستىق «جاستار رەسۋرستىق ورتالىعىندا» جاڭا SYRJASTARY.COM سايتىنىڭ تۇساۋكەسەرى ءوتتى. مۇندا ءوڭىر جاستارىنا قاتىستى كۇندەلىكتى اقپاراتتار جاريالانادى. سايتتا كوشباسشىلار جايلى تىڭ مالىمەتتەر، قاجەتتى كىتاپ قورلارىنىڭ ەلەكتروندى نۇسقاسى دا قامتىلادى، - دەپ حابارلايدى Egemen.kz

اتاۋلى كۇنگە وراي ورتالىقتاعى ءىت پارك بازاسىندا دا ەرەكشە شارا ۇيىمداستىرىلدى. تۇرعىندار ىستەن شىققان كومپيۋتەرلەرىن ءىت پارككە اكەلىپ، ماماندار ونىڭ ىشىندەگى قاجەتتى بولشەكتەردى پايدالانا وتىرىپ، جاڭا كومپيۋتەر جاساقتايدى. ولار جاڭا وقۋ جىلىنا وراي مۇقتاج وتباسى بالالارىنا تابىستالاتىن بولادى.

بۇدان بولەك، ورتالىقتاعى IT كىتاپحانا وقۋ ورتالىعىنا اينالدى. مۇندا تۇرمىسى تومەن، مۇمكىندىگى شەكتەۋلى بالالار ءبىلىمىن جەتىلدىرە الادى. وعان قوسىمشا ارنايى ۆولونتەرلەر، ەرىكتى مۇعالىمدەر تارتىلادى. IT كىتاپحانادا بار جاعداي قاراستىرىلعان، ينتەرنەت جەلىسى قولجەتىمدى.

پروباتسيا ەسەبىندەگى تۇرعان جاستار دا ۇمىت قالمايدى. بۇل ءۇشىن پروباتسيا قىزمەتىمەن بىرلەسكەن جوبا ىسكە اسىرىلادى. وبلىستىق «جاستار رەسۋرستىق ورتالىعى» ديرەكتورى باۋىرجان ماستەكوۆ پەن وبلىس بويىنشا قىلمىستىق-اتقارۋ جۇيەسى دەپارتامەنتى باسشىسىنىڭ مىندەتىن اتقارۋشى، ادىلەت پولكوۆنيگى مۇرات ناكەنوا ەكىجاقتى ىنتىماقتاستىق تۋرالى مەموراندۋمعا قول قويدى. كەلىسىم نەگىزىندە جاستارعا پسيحولوگيالىق كەڭەس بەرىلىپ، قاتەلىكتى قايتالاماۋىنا كۇش سالىنادى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار