قوعام • 12 تامىز، 2020

اسحات ايماعامبەتوۆ ۇلتتىق كەڭەس مۇشەلەرىمەن پرەزيدەنت تاپسىرمالارىنىڭ ورىندالۋ بارىسىن تالقىلادى

2092 رەت كورسەتىلدى

بۇگىن ءبىلىم جانە عىلىم ءمينيسترى اسحات ايماعامبەتوۆ ۇلتتىق كەڭەس مۇشەلەرىمەن ونلاين فورماتتا پرەزيدەنت تاپسىرمالارى مەن كەڭەس مۇشەلەرى تاراپىنان ايتىلعان ۇسىنىستاردىڭ جۇزەگە اسىرىلۋىن تالقىلادى.  بۇل تۋرالى پرەزيدەنتتىڭ كومەكشىسى ەرلان قارين Facebook پاراقشاسىندا جازدى، - دەپ حابارلايدى Egemen.kz.

"كۇن تارتىبىندەگى نەگىزگى ماسەلە مامىر ايىندا وتكەن ۇلتتىق كەڭەستىڭ 3-ءىنشى وتىرىسىندا پرەزيدەنتتىڭ بەرگەن تاپسىرمالارى مەن كەڭەس مۇشەلەرى تاراپىنان ايتىلعان ۇسىنىستاردىڭ جۇزەگە اسىرىلۋى بولدى. اتالعان 3-ءى وتىرىستىڭ ناتيجەسى بويىنشا، 30 پۋنكتىدەن تۇراتىن جوسپار قابىلدانعان بولاتىن. مىنە، وسى جوسپاردىڭ ورىندالۋى بويىنشا، ءاربىر ۇسىنىس قالاي قارالىپ، قانداي شەشىم قابىلدانىپ، قالاي جۇزەگە اسىپ جاتقانى بويىنشا مينيستر ارنايى اقپارات بەردى. ياعني، بۇل كەزدەسۋ مەملەكەتتىك ورگاندار مەن قوعام بەلسەندىلەرى اراسىندا كەرى بايلانىس ورناتۋدىڭ جاقسى ۇلگىسى بولدى. ادەتتە مەملەكەتتىك ورگاندار قوعام بەلسەندىلەرمەن كەزدەسۋ وتكىزىپ، سۇراقتارى مەن ۇسىنىستارىن تىڭداسا دا، كوپ جاعدايدا سول ايتىلعان ۇسىنىستار قالاي قابىلدانىپ، قالاي جۇزەگە اسىپ جاتقانى بويىنشا اقپارات بەرمەيدى. سوندىقتان، بۇگىنگى كەزدەسۋ ۇلتتىق كەڭەس مۇشەلەرىنە ءبىلىم جانە عىلىم مينيسترلىگىنەن ەكى اي بۇرىن وتكەن جيىن بارىسىندا كوتەرگەن ءوز ۇسىنىستارىنا قاتىستى ناقتى جاۋاپ الۋعا مۇمكىندىك بەردى"، - دەپ جازدى ەرلان قارين.

سونداي-اق جازبادا ۇلتتىق كەڭەس مۇشەلەرى كانات يليچ نۋروۆ، گۋلميرا يلەۋوۆا، اسىلبەك قوجاحمەتوۆ، ايگۇل ورىنبەك، ارمان كاشكينبەكوۆ، مۇحتار تايجان، Erlan Sairov مينيسترگە جۇرتشىلىقتى الاڭداتىپ جۇرگەن كوپتەگەن وزەكتى دە وتكىر ماسەلەلەرگە قاتىستى سۇراقتارىن قويىپ، ءوز پىكىرلەرىن جەتكىزگەنى جايىندا ايتىلادى.

"جيىن اياعىندا، بەلگىلى ءبىر ۋاقىت وتكەننەن كەيىن تالقىلاۋدى تاعى ۇيىمداستىرۋ بويىنشا شەشىم قابىلداندى. جالپى، ۇلتتىق كەڭەس مۇشەلەرىنىڭ ورتالىق مەملەكەتتىك بيلىك ورگاندارىنىڭ باسشىلارىمەن كەزدەسۋ پراكتيكاسى جالعاساتىن بولادى. ۇكىمەتپەن مينيسترلەردىڭ ۇلتتىق كەڭەس مۇشەلەرىمەن وسىنداي تالقىلاۋلاردى تۇراقتى وتكىزۋ بويىنشا جوسپار قابىلداندى"، - دەلىنگەن جازبادا.

ەرلان قاريننىڭ ايتۋىنشا، كەلەسى اپتادا ۇلتتىق كەڭەس مۇشەلەرىنىڭ ەكولوگيا ءمينيسترى ماعزۇم مىرزاعاليەۆپەن ونلاين فورماتتاعى تالقىلاۋى وتەدى.

سوڭعى جاڭالىقتار

مەننيدىڭ تاعى ءبىر مارتتىگى

كاسىپقوي بوكس • كەشە

ۇقساس جاڭالىقتار