سايلاۋ بارىسىندا باقىلاۋشىلار, سەنىمدى وكىلدەر مەن داۋىس بەرۋشىلەر ارنايى مەديتسينالىق بەتپەردەلەردى تاعىپ ءجۇردى. ادامداردىڭ اراسىندا اراقاشىقتىق تا ساقتالعان.
بايقاۋشىلاردىڭ ايتۋىنشا, داۋىس بەرۋ ۇيىمشىلدىقپەن ءوتتى. قازىرگى ۋاقىتتا سايلاۋ كوميسسياسىنىڭ مۇشەلەرى داۋىستاردى ساناۋدى اياقتاپ, سايلاۋ قورىتىندىلارىن جاريالادى. گۇلنار كۇنباەۆا, وبلىستىق سايلاۋ كوميسسياسىنىڭ ءتورايىمى: "وسى ەكى كانديداتتىڭ ىشىنەن ەڭ كوپ داۋىس باۋىرجان ءنۇرالى ۇلى قانيەۆ 143 داۋىسپەن جەڭىسكە جەتتى. ال شالقار اۋدانىنىڭ اكىمى التىنبەك امان ۇلى امىرعاليەۆ 36 داۋىس جينادى. ناتيجەلەردى, تىركەۋدى جانە قالعان بارلىق زاتتاردى وسك جۇرگىزەدى", دەيدى ول.
