اگەنتتىكتىڭ اقپاراتى بويىنشا اقش-تىڭ ديپلوماتيالىق جەدەلحاتىنا سايكەس, امەريكالىق مەردىگەر ءتورت جىل بۇرىن بەيرۋت پورتىندا قاۋىپتى جاعدايدا ساقتالعان جارىلعىش حيميكاتتارى بار ۇلكەن انگار تۋرالى اقش بيلىگىنە ەسكەرتۋ جاساعانىن مالىمدەدى.
سونداي-اق جەدەلحاتتا امەريكالىق ساراپشى پورتتىڭ قاۋىپسىزدىگىن تەكسەرۋ كەزىندە حيميالىق زاتتاردى تاپقانى ايتىلعان.
اقش-تىڭ حيميالىق زاتتار تۋرالى بىلەتىنى جانە ەشكىمگە ەسكەرتپەگەنى كوپشىلىكتىڭ ىزاسىن تۋعىزدى. جارىلىس سالدارىنان ەكى ارىپتەسىنەن ايىرىلعان امەريكانىڭ بۇل ارەكەتىنە باتىس ديپلوماتتارى تاڭدانىستارىمەن قوسا, اشۋلى ەكەندەرىن دە جاسىرمادى. ولار: نيدەرلاندى ەلشىسىنىڭ ايەلى حەدۆيگ ۆالتمانس-موليەر جانە ءتۇسىن تۇستەمەۋدى وتىنگەن گەرمانيا كونسۋلدىعىنىڭ قىزمەتكەرى بولىپ شىقتى.
الايدا, اقش مەملەكەتتىك دەپارتامەنتىنىڭ جوعارى لاۋازىمدى قىزمەتكەرى اقش بيلىگى حيميالىق زاتتار تۋرالى بىلەتىنىن جوققا شىعارادى جانە ولارعا حابارلانباعانىن ايتتى.
"مەردىگەر پورتقا شامامەن ءتورت جىل بۇرىن بەيرەسمي تۇردە كەلدى جانە سول كەزدە اقش ۇكىمەتىمەن نەمەسە مەملەكەتتىك دەپارتامەنتپەن جۇمىس ىستەمەدى", دەدى شەنەۋنىك. سونىمەن قاتار, جوعارى لاۋازىمدى تۇلعا وتكەن اپتاعا دەيىن مەكەمەگە مەردىگەردىڭ حابارلاماسى تۋرالى ەشقانداي جازبا بولماعانىن ايتتى.
اگەنتتىكتىڭ حابارلاۋىنشا, ديپلوماتيالىق جەدەلحات جونىندە اقش-تىڭ ليۆانداعى ەلشىلىگى 7 تامىزدا جىبەرگەنىن ايتادى. جەدەلحاتتا الدىمەن امموني نيتراتى تۋرالى بىلەتىن ليۆان بيلىگىنىڭ ەسىمدەرى كورسەتىلگەن. سودان كەيىن جەدەلحاتتا اقش قارۋلى كۇشتەرى جالداعان امەريكالىق قاۋىپسىزدىك جونىندەگى كەڭەسشىسىنىڭ پورتتى تەكسەرۋ كەزىندە حيميالىق زاتتاردىڭ قاۋىپسىز كۇيدە ساقتالعانىن انىقتادى.
سويتە تۇرا, مەردىگەردىڭ امەريكا تاراپىنا اقپاراتتى قاشان بەرگەنى ءالى بەلگىسىز. بۇعان دەيىن دە جارىلىستان زارداپ شەككەن ەلدىڭ ديپلوماتتارى امەريكا قۇراما شتاتتارىنا شاعىم تۇسىرگەن. بۇل جاعدايدا ليۆاندىق پورت جۇمىسشىلارى بىرنەشە رەت امموني نيتراتىن جانە قاۋىپتى زاتتاردىڭ ورنىن اۋىستىرۋ جونىندە ەشقانداي جۇمىستار اتقارىلماعانىن ايتىپ ءوتتى.
سوڭعى مالىمەتتەر بويىنشا, جارىلىستان 171 ادام قايتىس بولدى, 30-40 ادام حابار-وشارسىز كەتتى. جويقىن جارىلىستان 7 مىڭنان اسا ادام اۋىر جاراقات العانى ايتىلدى. سونداي-اق جارىلىس سالدارىنان قازاقستاننىڭ ليۆانداعى ديپلوماتيالىق ميسسياسىنىڭ عيماراتىنا نۇقسان كەلىپ, قازاقستاننىڭ ليۆانداعى كونسۋلى دا زارداپ شەكتى.
جارىلىستان كەيىن بەيرۋت پورتى جاپپاي تارتىپسىزدىكتەرگە ۇشىرادى. نارازىلىق بىلدىرۋشىلەر ۇكىمەت عيماراتتارىنا شابۋىل جاسادى. كەلەسى كەزەكتە ليۆاندىقتار فرانتسۋز باقىلاۋىنا ءوتۋ تۋرالى ءوتىنىشتى باستادى. بۇدان بولەك, 10 تامىزدا ليۆان ۇكىمەتى وتستاۆكاعا كەتكەنى بەلگىلى بولدى.
