ايماقتار • 12 تامىز، 2020

بەردىبەك ساپارباەۆ: ءتارتىپسىز تۇراقتىلىق بولمايدى

33 رەت كورسەتىلدى

قوعامدىق-ساياسي تۇراقتىلىقتى قامتاماسىز ەتۋدە ۇساق-تۇيەك دەگەن بولمايدى. جۇمىس ورىندارىنىڭ جەتىسپەۋشىلىگى، باعانىڭ ءوسۋى، جەر ماسەلەلەرى، جاستاردىڭ بوس ۋاقىتى جانە باسقا دا ماسەلەلەر تۇراقسىزدىققا سەبەپ بولۋى مۇمكىن. وبلىس اكىمى بەردىبەك ساپارباەۆتىڭ توراعالىعىمەن وتكەن اپپاراتتىق جيىندا ونداي ولقىلىقتارعا جول بەرمەۋ جايى جان-جاقتى تالقىلاندى، - دەپ حابارلايدى Egemen.kz وبلىس اكىمدىگىنە سىلتەمە جاساپ.

ىشكى ساياسات باسقارماسىنىڭ باسشىسى داۋىل بەيسەنقۇلوۆتىڭ ايتۋىنشا، "قازاقستان رەسپۋبليكاسىنداعى بەيبىت جيىنداردى ۇيىمداستىرۋ جانە وتكىزۋ تۋرالى" زاڭىنا ەنگىزىلگەن وزگەرتۋلەرگە سايكەس تاراز قالاسى مەن اۋدانداردا 13 ارنايى ورىن جانە 12 مارشرۋت بەلگىلەنگەن.

باسقارما باسشىسى نارازىلىققا اسەر ەتۋى مۇمكىن فاكتورلاردىڭ قاتارىنداعى بىرقاتار وزەكتى ماسەلەلەرگە توقتالىپ ءوتتى. اتاپ ايتساق، بىرىنشىدەن، جامبىلدىقتاردىڭ 42 500 تەڭگە جانە كوممۋنالدىق تولەمدەردى وتەۋ ءۇشىن 15000 تەڭگە كولەمىندە الەۋمەتتىك تولەمدەردىڭ تولەنبەۋىنە قاتىستى شاعىمدارى. ەكىنشىدەن، تاراز قالاسىنىڭ ماڭىنداعى تۇرعىن القاپتار تۇرعىندارىنىڭ الەۋمەتتىك جانە تۇرعىن ءۇي-كوممۋنالدىق ماسەلەلەرى. ۇشىنشىدەن، تاراتىلعان "قاراتاۋ" ااق كاسىبي قىزمەتكەرلەرىنە تولەمدەر. سونداي-اق مەركى اۋدانىنداعى "سىپاتاي باتىر" جشس قاتىسۋشىلارى اراسىنداعى جەر داۋى جانە قارجى پيراميداسى قاعيداتى بويىنشا جۇمىس ىستەگەن لومباردتار سالىمشىلارىنىڭ ماسەلەلەرى دە ماڭىزدى كۇيىندە قالىپ وتىر.

"1600 شارا وتكىزىلگەن، بىراق ناقتى ناتيجە قايدا؟ ولاردىڭ دەنى ەسەپ ءۇشىن وتكىزىلگەن. اتالعان ماسەلەلەر بويىنشا كەشەندى ءىس-شارالار جوسپارى مەن ولاردى ورىنداۋ كەستەسىن ازىرلەۋ قاجەت. نەگىزگى ماسەلە – الەۋمەتتىك تولەمدەر. ولارمەن جۇمىس قالاي ءجۇرىپ جاتىر؟" – دەدى وبلىس اكىمى.

وبلىس اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جورابەك باۋبەكوۆتىڭ ايتۋىنشا، 42 500 تەڭگە كولەمىندەگى الەۋمەتتىك جاردەماقى بويىنشا جاعداي تۇراقتانعان، ارنايى شتابتار ءوز جۇمىستارىن اتقارۋدا. بۇگىندە 24،9 مىڭ ءوتىنىش تۇسسە، ونىڭ 20 مىڭعا جۋىعى قاناعاتتاندىرىلىپتى. ءتۇسىندىرۋ جۇمىستارى تولەم الۋعا قۇقىعى جوق ازاماتتارمەن جۇرگىزىلۋدە. جالپى العاندا، شىلدە ايىندا 171 مىڭ ادامعا جالپى سوماسى 10،2 ملرد تەڭگە ۇلەستىرىلگەن.

تاراز قالاسىنىڭ اكىمى ايتقازى قارابالاەۆ جازعى كوتتەدجدەر تۇرعىندارىنىڭ الەۋمەتتىك جانە تۇرعىن ءۇي-كوممۋنالدىق شارۋاشىلىق ماسەلەلەرىن شەشۋ، بالالاردى قاشىقتىقتان وقىتۋدى ۇيىمداستىرۋ تۋرالى باياندادى.

"ساياجاي القاپتارى تۇرعىندارىمەن ءجيى كەزدەسىپ، ولارعا ماسەلەلەردى شەشۋ ءۇشىن جاسالىپ جاتقان اكىمدىك جۇمىستارىنىڭ الگوريتمىن ءتۇسىندىرۋ قاجەت. 163 اۋلانى اباتتاندىرۋ، ناۋالار ورناتۋ، قوقىستاردى ۋاقتىلى شىعارۋ، جالاقى بويىنشا بەرەشەكتى وتەۋ باعىتىنداعى شارۋالاردى جانداندىرۋ قاجەت"، – دەدى وبلىس اكىمى.

جاستار ءۇشىن پايدالى دەمالىس ۇيىمداستىرۋعا دا كوپ كوڭىل ءبولۋ كەرەك. تاربيە ماسەلەسىنە دە تەرەڭ نازار اۋدارىپ، اتا-انالاردىڭ بەلسەندىلىگىن ارتتىرۋ قاجەت. بۇگىنگى تاڭدا كەز كەلگەن جانجالدى ۇلتارالىق قاقتىعىس ساناتىنا جاتقىزۋعا دايىن ارانداتۋشى توپتار بار. قازىرگى پاندەميا جاعدايى قوعامداعى بەيبىتشىلىك پەن كەلىسىمدى نىعايتۋعا باعىتتالعان ءىس-شارالاردىڭ ۇيىمداستىرىلۋىنا كەدەرگى كەلتىرەدى. الايدا مۇنىڭ وزگە دە ءتيىمدى جولدارىن قاراستىرۋ كەرەك.

ء"تارتىپسىز تۇراقتىلىق بولمايدى. الەۋمەتتىك جانە ساياسي تۇراقتىلىقتى قامتاماسىز ەتۋ ماسەلەسىندە قازاقستان حالقى اسسامبلەياسىنىڭ، ۇكىمەتتىك ەمەس ۇيىمدار مەن ساياسي پارتيالاردىڭ جۇمىسىن جانداندىرۋعا ءتيىسپىز"، – دەدى بەردىبەك ساپارباەۆ.

وبلىستاعى مەكتەپتەردىڭ جاڭا وقۋ جىلىنا دايىندىعىن، جىلى دارەتحانالار مەن بەينەكامەرالاردىڭ بار-جوعىن تەكسەرۋ قاجەت. قاشىقتىقتان وقىتۋعا كەلەتىن بولساق، ايماقتاعى ءبىلىم باسقارماسىنىڭ باسشىسى گۇلنار حودجابەرگەنوۆانىڭ ايتۋىنشا، قاجەتتى كومپيۋتەرلەردىڭ 30-40 %-ى قىركۇيەك ايىنا دەيىن ساتىپ الىنادى.

جيىنداعى ەكىنشى ماسەلەسى بويىنشا وبلىس اكىمى اپپاراتىنىڭ باسشىسى قاناتبەك مادىبەك حاتتامالىق تاپسىرمالاردىڭ ورىندالۋى تۋرالى باياندادى. ورىندالماعان جۇمىستاردىڭ كوپشىلىگى، ناقتىلاي ايتقاندا 12-ءسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنا تيەسىلى ەكەن. ۆەدومستۆو جەتەكشىسى بۇل ولقىلىقتىڭ سەبەپ-سالدارىن ءتۇسىندىردى.

"پاندەميا جاعدايىندا، كوپتەگەن شاعىن جانە ورتا بيزنەس نىساندارى جۇمىس ىستەمەيتىن كەزدە ءبىز كاسىپكەرلەرگە بارىنشا قولداۋ كورسەتىپ، ولاردىڭ سۇرانىستارىنا جەدەل جاۋاپ بەرۋىمىز كەرەك"، – دەپ اتاپ ءوتتى وبلىس اكىمى.

ايماق باسشىسى سونىمەن قاتار جامبىلدىقتاردىڭ جولداردىڭ، اسىرەسە اۋدان ورتالىقتارى مەن تارازداعى جولداردىڭ ساپاسىنا شاعىمدارى كوپ ەكەنىن ايتتى. سوندىقتان قابىلداۋ اكتىسىنە قول قويىپ، قارجى تولەمەس بۇرىن، ءتيىستى زەرتحانالاردىڭ كومەگىمەن جول توسەمىنىڭ ساپاسىن مۇقيات تەكسەرۋ قاجەت.

ء"بىز ازاماتتارمەن اشىق سويلەسۋىمىز كەرەك. بوس ۋادەلەر بەرمەي، وزىمىزگە جۇكتەلگەن مىندەتتەمەلەردى ساپالى جانە ۋاقتىلى ورىنداۋعا كۇش سالۋعا ءتيىسپىز"، – دەپ قورىتىندىلادى ايماق باسشىسى.

سوڭعى جاڭالىقتار

ەل بىرىنشىلىگى باستالدى

بوكس • بۇگىن، 07:42

دۋبايدا دايىندالادى

تەننيس • بۇگىن، 07:40

«بارىس» تاعى جەڭىلدى

حوككەي • بۇگىن، 07:39

كىشكەنتاي قۇتقارۋشى

قوعام • بۇگىن، 07:38

جاساندى جۇرەك تە ءومىردى ۇزارتادى

مەديتسينا • بۇگىن، 07:37

كارديولوگتەر ەنگىزگەن تەحنولوگيا

مەديتسينا • بۇگىن، 07:35

جىلۋ قۇبىرىنداعى اپات

ايماقتار • بۇگىن، 07:32

مۇز قۇرسانعان ەكىباستۇز

ايماقتار • كەشە

ءۇمىت ساۋلەسى

ساياسات • كەشە

ساڭلاقتىڭ سوڭعى سامعاۋى

قازاقستان • كەشە

ۇقساس جاڭالىقتار