پاندەمياعا بايلانىستى ۇزىلىسكە دەيىن «شاحتەر» ۇجىمى وتە ساۋاتتى ونەر كورسەتىپ, تۇزدە «ۆولفسبۋرگ» كومانداسىنان 2:1 ەسەبىمەن باسىم تۇسكەن بولاتىن. سوندىقتان دا «كەنشىلەر» 5 تامىزدا وتكەن جاۋاپتى ماتچقا فاۆوريت بولىپ سانالدى. ناتيجەسىندە پورتۋگالدىق باپكەر كاشترۋدىڭ شاكىرتتەرى 3:0 ەسەبىمەن جەڭىسكە جەتتى. ءبىر قىزىعى, بارلىق گول ويىننىڭ سوڭعى مينۋتتارىندا (89, 90+1, 90+3) سوعىلدى. وسى جەڭىس ارقىلى «شاحتەر» ۇزاق ۋاقىت ۇزىلىستەن كەيىن دە بابىندا ەكەنىن كورسەتتى.
«بازەل» ۇجىمى شۆەيتساريا چەمپيوناتىنىڭ العاشقى ماتچتارىن اجەپتەۋىر باستاعانىمەن, سوڭعى بەس كەزدەسۋدە تەك ءبىر رەت قانا جەڭىسكە جەتتى. ناتيجەسىندە ىشكى بىرىنشىلىكتى ءۇشىنشى ورىنمەن اياقتادى. ال ەۋروپا ليگاسىندا «حەتافە», «ترابزونسپور» جانە «كراسنودار» كلۋبتارىمەن ءبىر توپتا سىنعا ءتۇسىپ, ءمىنسىز ونەر كورسەتتى. توپتان ءبىرىنشى ورىنمەن شىققان ولار ¼ فينالعا دەيىن اپوەل جانە «اينتراحت» كوماندالارىن دا ارتتا قالدىردى.
دەرەكتەر:
– «شاحتەر» بۇعان دەيىن شۆەيتساريالىق كوماندالارمەن 11 رەت كەزدەسىپ, سونىڭ جەتەۋىندە جەڭىسكە جەتكەن. ءۇش رەت جەڭىلىس تاۋىپ, ءبىر رەت تەڭ تۇسكەن;
– «شاحتەر» مەن شۆەيتساريا كوماندالارىنىڭ دوپ ايىرماشىلىعى – 21:14;
– «شاحتەر» ەۋروكۋبوكتىڭ پلەي-وفف كەزەڭدەرىندە شۆەيتساريالىق كوماندالاردان ەكى رەت باسىم ءتۇسىپ, كەلەسى كەزەڭگە وتسە جانە كەرىسىنشە ەكى رەت جەڭىلىپ قالعان;
– «شاحتەر» چەمپيوندار ليگاسى 2008/2009 ماۋسىمىنىڭ توپتىق كەزەڭىندە ءوز الاڭىندا «بازەل» كومانداسىن 5:0 ەسەبىمەن, تۇزدە 2:1 ەسەبىمەن جەڭىسكە جەتكەن. ينتەرتوتو كۋبوگى اياسىندا ءبىر رەت كەزدەسىپ 2:2 ەسەبىمەن تەڭ تۇسكەن (26.06.1996 ج.);
– «بازەل» ۋكراينانىڭ «دنەپر» ۇجىمىمەن ەۋروپا ليگاسىنىڭ 1/16 فينالىندا (2012/13 ج.ج.) سىنعا ءتۇسىپ, ەكەۋىندە دە جەڭىسكە جەتكەن. (2:0 ءوز الاڭىندا, 1:1 سىرت الاڭدا).
«شاحتەر» – «بازەل»
11 تامىز. گەلزەنكيرحەن. «فەلتينس-ارەنا» ستاديونى. ساعات 01:00.
باس تورەشى – مايكل وليۆەر (انگليا).
ترانسلياتسيا - «Qazsport»
ەستەرىڭىزگە سالا كەتەيىك, ەۋروپا ليگاسىنىڭ جارتىلاي فينالىنا "ينتەر" مەن "مانچەستەر يۋنايتەد" كوماندالارى جولداما العان بولاتىن.
