اۋدان اكىمى مۇحتار ورازباەۆ اۋرۋحاناعا قاجەتتى زاتتاردى الۋعا قوماقتى قارجى ءبولىپ, دەمەۋشىلىك جاساعانى ءۇشىن "ارالتۇز" اق پرەزيدەنتى ايدىنبەك تاۋاساروۆقا اۋدان حالقىنىڭ اتىنان العىسىن جەتكىزدى. سونىمەن قاتار, اۋدان باسشىسى ەل ساۋلىعى ءۇشىن قىزمەت ەتىپ جۇرگەن اق حالاتتى جانداردىڭ جۇمىستارىنا تابىس تىلەدى.
ارالتۇز اق مەن "ارالسودا" جشس بولگەن 50 ميلليون تەڭگە كولەمىندەگى اقشالاي قاراجاتقا اۋدانداعى پروۆيزورلىق ستاتسيونارلارعا قاجەتتى مەديتسينالىق قۇرالدار مەن جابدىقتار الىندى.
قايىرىمدىلىق كومەك اياسىندا 23 وتتەگى كونتسەنتراتى, 200 مەديتسينالىق توسەك پەن 400 توسەك ورىن جابدىعى, 200 مەديتسينالىق قورعانىس قۇرالى مەن ماسكا جيىنتىقتارى تابىس ەتىلدى.
كومەك كورسەتۋدىڭ كەلەسى كەزەڭىندە اۋدانارالىق اۋرۋحاناعا 2 جەدەل جاردەم ماشيناسى, 100-دەن استام گاز باللون, ساۋلەلەندىرگىش, مەديتسينالىق فۋنكتسيونالدى توسەك بەرىلەتىن بولادى.
ايتىپ وتەيىك, اۋرۋحاناعا بەرىلگەن توسەك جابدىقتارىنىڭ بارلىعى "ارال قالاسى بويىنشا مۇمكىندىگى شەكتەۋلى مۇگەدەكتەردى قولداۋ مەن قورعاۋ بىرلەستىگىنىڭ" ءتورايىمى ينديرا جۇماشەۆانىڭ تىگىن شەبەرحاناسىندا تىگىلگەن.
مەديتسينالىق قۇرالداردى تابىستاۋ ساتىندە "ارالتۇز" اق پرەزيدەنتى ايدىنبەك تاۋاساروۆ: ء"بىز ءبارىمىز دە قازاقستاندا تۇرىپ, جۇمىس ىستەپ جاتىرمىز. بۇل ءبىزدىڭ ءۇيىمىز. وسىندا مەنىڭ جاقىندارىم, مەنىڭ بالالارىم ءومىر سۇرەدى. الەۋمەتىك جاۋاپتى كومپانيانىڭ باسشىسى رەتىندە قازىرگىدەي ساتتە مەن دە ۇجىم دا قالىس قالا المايمىز. سوندىقتان دا اۋداندىق اۋرۋحانا ءۇشىن مەديتسينالىق جابدىقتاردى ساتىپ الۋعا شەشىم قابىلدادىق. كومپانيا ارال تۇرعىندارىنا بارىنشا قولداۋ مەن كومەك كورسەتۋگە تىرىسۋدا",- دەپ اتاپ ءوتتى.
