"تبيليسيدە قازاقتىڭ ۇلى اقىنى, ويشىلى اباي اتىنداعى كوشە اشىلاتىن بولدى. تبيليسي قالالىق جينالىسىنىڭ 2020 جىلعى 24 شىلدەدەگى №188 قاۋلىسىنا سايكەس, گرۋزيا استاناسىنداعى كوشەگە قازاقتىڭ ۇلى اقىنى جانە اعارتۋشىسى ابايدىڭ اتىن بەرۋ تۋرالى شەشىم قابىلداندى. كوشەنىڭ سالتاناتتى اشىلۋى جۋىردا ۇيىمداستىرىلاتىن بولادى.
سونىمەن قاتار, بيىلعى مەرەيتويلى جىلى حاكىم اباي العاش رەت گرۋزين تىلىندە سويلەدى. ەلشىلىكتىڭ قولداۋىمەن اباي قۇنانباي ۇلىنىڭ ولەڭدەرى تۇڭعىش رەت گرۋزين تىلىنە اۋدارىلىپ, ولەڭدەر جيناعى تبيليسيدەگى "مەراني" باسپاسىنان باسىلىپ شىقتى", -دەپ حابارلادى قازاقستاننىڭ گرۋزياداعى ەلشىلىگى Facebook-تەگى پاراقشاسىندا.
ەلشىلىكتىڭ اقپاراتىنا سۇيەنسەك, دارا ابايدىڭ ولەڭدەرىن گرۋزيننىڭ بەلگىلى اقىنى, يليا چاۆچاۆادزە, اننا كالاندادزە جانە گالاكتين تابيدزە اتىنداعى سىيلىقتاردىڭ يەگەرى, بىرنەشە ولەڭ جيناقتارىنىڭ اۆتورى, گرۋزيا جازۋشىلار وداعىنىڭ ءتورايىمى ماكۆالا گوناشۆيلي اۋدارىپتى. وعان ەلشىلىك قىزمەتكەرى گۇلميرا سۇلتانالي كەڭەسشى بولعان.
سونداي-اق, اباي ولەڭدەرى گرۋزيانىڭ ادەبي جۋرنالدارىندا جاريالانا باستادى.
