مەديتسينا • 11 تامىز، 2020

تەگىن ءدارى-دارمەك كىمگە تيەسىلى؟

299 رەت كورسەتىلدى

پاندەميا كەزىندە ءدارى-دارمەك ماسەلەسى ءبىراز دۇربەلەڭ تۋعىزدى. ءدارىحانالاردىڭ الدىن توزدىرعان جۇرت پرەپاراتتاردىڭ باعاسىن، ساپاسىن، تاپشىلىعىن ايتىپ، ءجيى شاعىمداندى. وسى ماسەلەلەر ورتالىق كوممۋنيكاتسيالار قىزمەتى الاڭىندا كەڭىنەن قوزعالدى.

ۇيدە ەمدەلۋشىلەرگە بەس مىندەتتى ءدارى ساتىپ الىنادى

دەنساۋلىق ساقتاۋ ۆيتسە-ءمي­نيسترى ليۋدميلا بيۋرابەكوۆا «سق-فارماتسيا» بازاسىندا قور قا­لىپتاستىرۋ بارىسىندا كۇز-قىس ايلارىنداعى جەدەل رەسپي­راتورلىق ۆيرۋستىق ينفەكتسيا (جرۆي) سياقتى ۆيرۋستىق اۋرۋلارمەن قاتار كوروناۆيرۋس ينفەكتسياسىنا شالدىعۋ بولجامى ەسەپكە الىناتىنىن اتاپ ءوتتى.

ال «سق-فارماتسيا» جشس باس­قارما توراعاسى ەرحات ەسقا­ليەۆ امبۋلاتوريالىق ءدارى-دار­مەكتەر قاتارىندا قانداي دارى­لەردىڭ ساتىپ الىناتىنىن ايتتى.

«كوپتەگەن جاعدايدا اۋرۋ جە­ڭىل نەمەسە ورتاشا اۋىرلىقتا جۇرەدى، بىراق مەديتسينالىق قول­داۋدى قاجەت ەتەدى. دەنساۋلىق ساق­تاۋ مينيسترلىگى كوروناۆيرۋس­تى دياگنوستيكالاۋ جانە ەمدەۋ حاتتاماسىنا امبۋلاتوريالىق دەڭگەيدە ەمدەلىپ جاتقان پاتسيەنتتەرگە ارنالعان نەگىزگى بەس پرەپاراتتى ەنگىزۋدى ماقۇلدادى. بۇل تىزىمگە قابىنۋعا قارسى پا­را­تسەتامول مەن يبۋپروفەن پرە­پاراتتارى، ريۆاروكسابان، اپيكسابان جانە دابيگاتران انتيكواگۋليانتتارى كىرەدى. قازىر سا­تىپ الۋ راسىمدەرى اياقتالۋدا. وعان 8،6 ملرد تەڭگە جۇمسالادى. دەن­ساۋلىق ساقتاۋ مينيسترلىگىنىڭ بول­جامى بويىنشا بۇل قور 1 ملن ناۋقاستى قامتاماسىز ەتۋگە جەتكىلىكتى»، دەدى ول.

كوروناۆيرۋس ىندەتىن ەمدەۋ­گە كەيبىر دارىلەردىڭ تەگىن بە­رىلەتىنىن جەتكىزگەن ل.بيۋرا­بە­كوۆا: «كوروناۆيرۋس ينفەكتسيا­سىن دياگنوستيكالاۋ جانە ەمدەۋ حاتتاماسىنا وزگەرتۋلەر ەنگىزىلدى. ازىرلەۋشىلەرگە بۇل ساناتتاعى پاتسيەنتتەردى تەگىن امبۋلاتورلىق ءدارى-دارمەكپەن، ونىڭ ىشىندە قازىر كسارەلتو دەگەن ساۋدا اتاۋى بار «ريۆاروكسابان» پرەپاراتىمەن قامتاماسىز ەتۋ ۇسىنىلدى. سونىمەن قاتار وتاندىق وندىرۋ­شىلەردىڭ بالاماسى دا تىركەلدى. ونى بىرىڭعاي ديستريبيۋتور ساتىپ الادى. 10 تامىزدا تە­گىن بەرۋ ءۇشىن مەديتسينالىق ۇيىم­دارعا جەتكىزىلەدى»، دەدى.

كوروناۆيرۋسقا قارسى ۆاكتسينالاۋ جايىنا دا توقتالعان ۆيتسە-مينيستر ەڭ الدىمەن ەكپە قانت ديابەتى، ارتەريالىق گيپەرتونيا، جۇرەكتىڭ يشەميالىق اۋرۋلارى بار كىسىلەرگە سالىناتىنىن اتاپ ءوتتى.

«قازىر دەنساۋلىق ساقتاۋ مي­نيسترلىگى سىرتقى ىستەر مينيس­ترلىگىمەن بىرلەسىپ، دۇنيەجۇزىلىك دەنساۋلىق ساقتاۋ ۇيىمىمەن COVID-19-عا قارسى ۆاكتسينا سا­تىپ الۋ تۋرالى كەلىسىم جا­ساۋ ماسەلەسىن پىسىقتاۋدا. تەك بىر­نەشە ءوندىرۋشى عانا كليني­كالىق سىناقتاردىڭ ءۇشىنشى كەزەڭىنە شىقتى. سونداي-اق ءبىز ۆاكتسينالاۋ قاجەت ادامداردىڭ ءتىزىمىن ۇسىندىق. قازىر بۇل شامامەن 15 پايىزدى قۇراپ وتىر، بىراق كەلىسىمدە ءبىز ولاردىڭ سانىن 20 پايىزعا دەيىن ارتتى­رۋدى جوسپارلاپ وتىرمىز. ياعني وعان سوزىلمالى اۋرۋلا­رى بار قاۋىپتى توپتار جاتادى. ءبىزدىڭ ستا­تيستيكا مەن تالداۋ ناتي­جەسى كورسەتكەندەي، قانت ديا­بە­تى، ارتەريالىق گيپەرتو­نيا، جۇرەكتىڭ يشەميالىق اۋرۋ­لارىنىڭ اسقىنۋى پنەۆمونيا تۇرىندە كورىنەدى. ەڭ الدىمەن، ءبىز پاتسيەنتتەردىڭ وسى توپتارىنا نازار اۋدارامىز. كەلىسىم جاساۋ بويىنشا بارلىق پروتسەدۋرادان ءوتىپ، ۆاكتسينالاۋعا ارنالعان كورسەتكىشتەر ناقتى انىقتالعاننان كەيىن ءبىز ساتىپ الۋ پروتسەسىنە كىرىسەمىز. بارلىق قاجەتتى ەسەپتەۋ جۇرگىزىلىپ جاتىر»، دەدى ل.بيۋرابەكوۆا.

 

ماسكا باعاسى 60 تەڭگەگە دەيىن ارزانداۋى مۇمكىن

بريفينگتە ماسكا ماسەلەسى دە ءسوز بولدى. ۆيتسە-مينيستر جەكە قورعانىش زاتتارىن، ماسكالاردى شىعاراتىن وتاندىق وندىرۋشىلەر بولعانىمەن، يمپورتقا تاۋەلدى ەكەنىمىزدى جەتكىزدى.

ء«بىز سىرتتان، ونىڭ ىشىندە قىتايدان اكەلىنەتىن شيكىزاتقا تاۋەلدى بولىپ وتىرمىز. توتەنشە جاعدايعا بايلانىستى العاشقى كەزدە شيكىزات قولجەتىمدى بولمادى. وتاندىق وندىرۋشىلەرىمىز وزدەرىنىڭ ۇزاقمەرزىمدى كەلىسىم­شارتتارى اياسىندا مەديتسينا قىزمەتكەرلەرىن قامتاماسىز ەتۋ ءۇشىن جۇمىس ىستەدى. نەگىزىندە مەملەكەت مەديتسينالىق ماسكا باعاسىن رەتتەمەيدى. توتەنشە جاع­داي رە­جىمى كەزىندە شەكتى با­عانى بەكىتۋ تۋرالى شەشىمدى مەملەكەتتىك كوميسسيا نارىقتى تۇراقتاندىرۋ ءۇشىن قابىلدادى. ەستەرىڭىزدە بولسا، سول ۋاقىتتا كەيبىر ادامداردىڭ الاياقتىق ارەكەتتەرى اشكەرەلەندى. سون­دىقتان وسىنداي شەشىم قابىل­دانىپ، ماسكا باعاسى 118 تەڭگە بولىپ بەكىتىلدى. نارىق اشىلىپ، شيكىزات پايدا بولعاننان كەيىن دە ماسكا قىمباتتاۋىن توقتاتپادى. فار­ماتسەۆتيكا ونەركاسىبىن قا­دا­عا­لايتىن يندۋستريا جانە ين­فرا­­قۇرىلىمدىق دامۋ مينيس­­ترلىگىنىڭ بىزگە ۇسىنعان مالىمەت­تەرىنە سايكەس، شيكىزات 20-25 ەسە قىمباتتاعان. سوندىقتان ماس­­كا باعاسى بۇرىنعى 15 تەڭگە دەڭ­­گەيىنە تۇسپەيدى. قازىرگى ۋا­قىت­تا وندىرۋشىلەرىمىزبەن ماس­كا با­عاسىن تومەندەتۋ ءۇشىن كەلىسسوز جۇرگىزىپ جاتىرمىز. تاياۋ ۋاقىتتا ماسكا باعاسى 60 تەڭگەگە دەيىن ارزانداپ قا­لۋى مۇمكىن»، دەدى ۆيتسە-مينيستر.

ال «سق-فارماتسيا» باسشىسى­نىڭ ايتۋىنشا، كوروناۆيرۋستى ەمدەۋگە ارنالعان گۋمانيتارلىق جۇكتەردى وڭىرلەرگە جەتكىزۋ تەزدەگەن. ياعني جۇكتەر ءبىر كۇننىڭ ىشىن­دە دىتتەگەن جەرىنە جەتىپ جاتىر.

«گۋمانيتارلىق جۇكتەر­گە قا­تىستى الدىن الا اقپاراتتان­دىرۋ ەنگىزدىك. بۇگىندە سەرتيفيكاتتاۋ قۇجاتتارىن عانا سۇراي­مىز جانە ونى ونلاين الامىز. ۇشاق كەلىپ قونعان كەزدە جۇكتى راسىمدەۋگە جانە بولۋگە قاجەتتى قۇجاتتار تولىق قولىمىزدا بولادى. ءبىز بۇل جۇكتى بوگەمەي، ءبىر كۇننىڭ ىشىندە جولاي كەتىپ با­را جاتقان كولىكتەرمەن وڭىر­لەرگە جىبەرەمىز. قازىرگى ۋاقىت­تا كەشەۋىلدەۋ جوق. وسى رە­جىمدە گۋمانيتارلىق جۇك­تەردى ەش­قان­داي پروبلەماسىز جىبەرۋگە تىرىسامىز»، دەدى ەرحات ەسقاليەۆ.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار