ايماقتار • 10 تامىز، 2020

مەركى-شۋ-بۋرىلبايتال تاسجولىنىڭ قۇرىلىسى قاشان اياقتالادى؟

55 رەت كورسەتىلدى

جامبىل وبلىسىنىڭ اۋماعىندا ورنالاسقان مەركى-شۋ-بۋرىلبايتال تاسجولىنىڭ جايى تالاي جىلدان بەرى شەشىلمەي كەلە جاتقان كۇردەلى ماسەلەنىڭ ءبىرى. حالىقارالىق "باتىس ەۋروپا – باتىس قىتاي" اۆتوجولىنىڭ بويىندا ورنالاسقان مەركى اۋدانىنان سوڭ، ارى قاراي شۋ اۋدانىنا باراتىن توزعان جول تۇرعىنداردىڭ تيتىعىنا ابدەن تيگەن. جولاۋشىلار شۋعا قاراي نەبارى 100 شاقىرىم جولدى ەكى-ءۇش ساعات جۇرۋگە ءماجبۇر. اتالعان ماسەلە تالاي رەت تۇرعىندار تاراپىنان وبلىس باسشىلىعىنىڭ الدىنا دا قويىلدى. بىراق ودان ەش ناتيجە بولعان جوق. تالاي جىلدان بەرى ءتۇيىنى تارقاماي كەلە جاتقان ماسەلە جۋىردا قولعا الىندى، - دەپ حابارلايدى Egemen.kz.

جامبىل وبلىسىنىڭ اكىمى بەردىبەك ساپارباەۆ جۋىردا شۋ اۋدانىنا بارعان جۇمىس ساپارىندا ءوڭىردىڭ اۆتوجول سالاسىنداعى ەڭ ءىرى جوباسى بولىپ سانالاتىن مەركى-شۋ-بۋرىلبايتال تاسجولىنىڭ 266 شاقىرىمدىق قۇرىلىسىن بارىپ كوردى. جۇمىستى جۇرگىزىپ وتىرعان قىتايلىق مەردىگەر كومپانيا وكىلىنىڭ ايتۋىنشا، اتالعان جۇمىسقا 500-گە جۋىق ادام مەن 271 تەحنيكا جۇمىلدىرىلعان. بۇگىنگى تاڭدا 18 شاقىرىم جولعا اسفالت، ال 20 شاقىرىم جولعا نەگىزگى جول جابىندىسى توسەلگەن. جاڭا اسفالتبەتون زاۋىتىن ىسكە قوسۋ، ونى رەتتەۋ جۇمىستارى دا اياقتالىپتى. سونىمەن قاتار، مەردىگەر اتالعان تاسجولدىڭ ءبىر باعىتىن اعىمداعى جىلى اياقتاۋعا بەرگەن ۋادەسىن تاعى دا قايتالادى. دەگەنمەن، بۇل مەردىگەر اسا سەنىمدى ەمەس. الايدا  ولار تاپسىرمانى ورىنداۋ ءۇشىن بار كۇشىن سالاتىنىن ايتۋدا. بەردىبەك ساپارباەۆ №8 كارەردە قۇم ءوندىرۋدىڭ رۇقسات ەتىلگەن كولەمىن ۇلعايتۋ ماسەلەسىن شەشۋگە جانە شەتەلدىك مامانداردىڭ ەلىمىزگە كىرۋىنە كومەك كورسەتەتىنىن ايتتى. "كۇن سۋىماي تۇرعاندا الداعى ءۇش اي ىشىندە بارلىق توپىراق جۇمىستارىن اياقتاپ ۇلگەرۋ ءۇشىن ەكى اۋىسىمدا جۇمىس ىستەۋ قاجەت. ماسەلە تۋىنداعان جاعدايدا اۋدان اكىمىنە تىكەلەي حابارلاسىڭىزدار"، دەدى ول.

كوپشىلىك مەركى-شۋ-بۋرىلبايتال تاسجولىنىڭ قۇرىلىسى بيىل اياقتالادى دەپ كۇتۋدە. دەسەك تە، اكىمنىڭ ايتقانىن ۋاقىتىندا ورىنداۋ ءۇشىن جۇمىسقا قۇلشىنا كىرىسىپ وتىرعان قىتايلىق كومپانيا جولدى بيىل پايدالانۋعا بەرەتىن شىعار دەگەن ءۇمىت بار.

 

جامبىل وبلىسى

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار