ايماقتار • 10 تامىز، 2020

جامبىل وبلىسىندا اۋرۋحانالار قالىپتى جۇمىسقا كوشۋدە

48 رەت كورسەتىلدى

سوڭعى جاعدايلار بويىنشا جامبىل وبلىسىندا كوروناۆيرۋس ىندەتىن جۇقتىرۋدىڭ 3889 دەرەگى تىركەلگەن. ونىڭ ىشىندە 1693 ادامنان كوروناۆيرۋس بەلگىلەرى انىقتالسا، 2196 جاعداي سيمپتومسىز بولعان، - دەپ حابارلايدى Egemen.kz.

بۇگىنگى تاڭدا بارلىعى 3091 ادام ەمدەلىپ، ينفەكتسيالىق ستاتسيوناردان شىعارىلعان. وبلىستىق اكىمدىكتىڭ مالىمەتىنشە، بۇگىندە وڭىردە توسەك-ورىن قورىنىڭ جۇكتەمەسى 24،1 پايىزدى قۇرايدى. قازىرگى كەزدە مۇندا 162 ادام ەم الۋدا. ال، پروۆيزورلىق ستاتسيونارلاردا 270 ناۋقاس جاتىر. سونداي-اق 1486 ادام ءۇي كارانتينىنە وقشاۋلانعان.

بۇگىندە وبلىستا كوروناۆيرۋس جانە پنەۆمونيامەن اۋىراتىن ناۋقاستار ەم العان ستاتسيونارلار جابىلۋدا. سوڭعى ناۋقاستاردىڭ ەمدەلىپ شىعۋىنا بايلانىستى وڭىردەگى ينفەكتسيالىق جانە پروۆيزورلىق اۋرۋحانالار قالىپتى جۇمىس رەجىمىنە كوشۋدە. ال، سوڭعى ەمدەلۋشىنىڭ شىعارىلۋىنا بايلانىستى 7 تامىز كۇنى وبلىستىق اۋرۋحانا بازاسىندا اشىلعان 300 توسەكتىك ينفەكتسيالىق ستاتسيونار دا جابىلدى. سونداي-اق اعىمداعى جىلعى 5 ناۋرىز بەن 18 ماۋسىم ارالىعىندا كارانتيندىك ستاتسيونار رەتىندە جۇمىس ىستەگەن جامبىل وبلىستىق مامانداندىرىلعان وڭالتۋ ورتالىعىنىڭ بازاسىنداعى 150 توسەكتىك ينفەكتسيالىق ستاتسيونار 8 تامىز كۇنى جابىلدى.

سونىمەن قاتار ەكى پروۆيزورلىق ستاتسيونار جابىلۋعا دايىندالۋدا. ولاردىڭ ءبىرى 250 ورىنعا ارنالعان وبلىستىق فتيزيوپۋلمونولوگيا ورتالىعىنىڭ بازاسىندا ورنالاسقان. مۇندا 30 ناۋقاس ەمدەلۋ مەرزىمىن اياقتايدى. 

 

جامبىل وبلىسى

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار