قوعام • 10 تامىز، 2020

اۋە شابۋىلىنا قارسى قورعانىس جۇيەسىنە تەكسەرىس جۇرگىزىلدى

136 رەت كورسەتىلدى

قر قك باس شتابىنىڭ ارنايى تاعايىندالعان كوميسسياسى اشقق اسكەرلەرى بولىمدەرى مەن بولىمشەلەرىنىڭ جاۋىنگەرلىك ازىرلىگىن جانە اۋە كەڭىستىگىن قورعاۋ بويىنشا جاۋىنگەرلىك كەزەكشىلىكتى اتقارۋ ساپاسىن تەكسەردى، - دەپ حابارلايدى Egemen.kz.

قورعانىس ءمينيسترى نۇرلان ەرمەكباەۆتىڭ نۇسقاۋى بويىنشا اۋە شابۋىلىنا قارسى قورعانىستىڭ تۇراقتى جاۋىنگەرلىك ازىرلىگى بولىمدەرىن تەكسەرۋ ماقساتىندا كەنەتتەن شابۋىل جاساۋ فاكتورىن پايدالانا وتىرىپ، ءارتۇرلى اۋەايلاقتاردان مايدان اۆياتسياسىنىڭ ۇشاقتارى كوتەرىلدى، سونىمەن بىرگە ۇرىسقا بارىنشا جاقىن جاعداي جاساۋ ءۇشىن اۋە كەڭىستىگىن بۇزعان شارتتى قارسىلاستىڭ كوڭىلىن اۋلاعان ۇرمالى جانە بارلاۋشى ۇشقىشسىز ۇشۋ اپپاراتتارى بىرمەزەتتە ىسكە قوسىلدى.

اشقق اسكەرلەرىنىڭ باس كوماندالىق پۋنكتىندە اۋە شابۋىلىنا قارسى قورعانىس بولىمشەلەرىنىڭ كەزەكشى كۇشتەرى مەن قۇرالدارىنىڭ ءىس-قيمىلىن ءمينيستردىڭ ءبىرىنشى ورىنباسارى - قر قك باس شتابىنىڭ باستىعى گەنەرال-لەيتەنانت مۇرات بەكتانوۆ باقىلاپ وتىردى.

تەكسەرۋدىڭ ءمانى بويىنشا اۋە شابۋىلىنا قارسى قورعانىس اسكەرلەرىنىڭ كەزەكشى كۇشتەرى اۋە نىسىندارىن انىقتاپ، ولاردى اۋە كەڭىستىگىن بۇزۋشى رەتىندە، زەنيتتىك زىمىران بولىمشەلەرىنىڭ ەسەپتەرىمەن (شارتتى تۇردە) جويۋعا ءتيىس.

الماتى وڭىرلىك گارنيزونىنىڭ اشقق اسكەرلەرى بولىمدەرىنىڭ كەزەكشى قۇرالدارىمەن انىقتاۋ جانە الىپ ءجۇرۋ الگوريتمىن ورىنداي وتىرىپ، ناقتى ۋاقىت رەجىمىندە شارتتى اۋە قارسىلاسىنىڭ ۇشۋ اپپاراتتارى (شارتتى تۇردە) جويىلدى. وقۋ-جاۋىنگەرلىك مىندەت ورىندالدى.

سونىمەن قاتار، كوميسسيا شاعىن مولشەرلى ماقساتتاردى، ونىڭ ىشىندە ۇشقىشسىز ۇشۋ اپپاراتتارىن ۇستاۋ جانە جويۋ بويىنشا وبەكتىلەردىڭ اۋە شابۋىلىنا قارسى قورعانىسىن ۇيىمداستىرۋداعى جەكەلەگەن كەمشىلىكتەردى انىقتادى. تەكسەرۋ ناتيجەلەرى بويىنشا ەسەپتەر مەن ەكيپاجداردىڭ ءىس-قيمىلدارىنا نەعۇرلىم ەگجەي-تەگجەيلى تالداۋ جۇرگىزىلەدى جانە اشقق جۇيەسىن جەتىلدىرۋ جونىندەگى شارالار كەشەنى ازىرلەنەدى.

اۋە شابۋىلىنا قارسى قورعانىس اسكەرلەرى اۋە كەڭىستىگىن پايدالانۋ ءتارتىبىنىڭ ساقتالۋىن ۇزدىكسىز باقىلاۋىن جۇزەگە اسىرا وتىرىپ، تاۋلىك بويى جاۋىنگەرلىك كەزەكشىلىك اتقاراتىنىن ايتا كەتۋ قاجەت.

سوڭعى جاڭالىقتار

ۇقساس جاڭالىقتار