نۇر-سۇلتان تۇرعىندارى قازاقتىڭ ۇلى ويشىلى, اقىن اباي قۇنانباەۆتىڭ 175 جىلدىعىنا وراي #اباي175 #Abay #Abai #اباي مۋزىكالىق چەللەندجىن ىسكە قوستى. اباي ءانىن ءبىرىنشى بولىپ ءتۇرلى سالادا قىزمەت ەتەتىن ماماندار ورىندادى: دارىگەرلەر, اۆتوبۋس جۇرگىزۋشىلەرى, پوليتسەيلەر, قۇتقارۋشىلار, مۇعالىمدەر, سونداي-اق ءتۇرلى ەتنومادەني بىرلەستىكتەردىڭ وكىلدەرى, ەرىكتىلەر. ولاردى قازاقستاندىق ەسترادا جۇلدىزدارى مايرا ءىلياسوۆا, قىدىرالى بولمانوۆ, ايگۇل يمانباەۆا, قايرات باەكەنوۆ قولدادى. بارلىعى ءسۇيىپ تىڭدايتىن, حالىقتىڭ قۇلاعىندا جاتتالىپ قالعان "كوزىمنىڭ قاراسى" ءانى جاڭاشا شىرقالدى.
تۇرعىندار كومپوزيتسيانى شىرقاپ قانا قويماي, ونى ءتۇرلى اسپاپتاردا دا ورىندادى. اباي قۇنانباەۆ-قازاق حالقىنىڭ ۇلى اقىنى, ءبىز ارقاشان ماقتان تۇتاتىن تاريحي تۇلعا. مۋزىكالىق چەللەندجگە قاتىسۋشىلار قازاق دالاسىنىڭ ۇلى ەسىمدەرىن بىرگە قولداۋعا جانە باستاماعا قاتىسۋعا شاقىردى.
"ابايدىڭ 175 جىلدىعىنا ارنالعان چەللەندجدى بارشا قازاقستاندىقتارعا جولدايمىز. ءبىز بىرگەمىز", – دەيدى ەرىكتىلەر.
