اباي • 10 تامىز، 2020

قازاقتىڭ رۋحاني قۇبىلاسى

89 رەت كورسەتىلدى

بۇل ۇلى دالا توسىندە تورتكۇل دۇ­نيە­گە ساۋىن ايتىپ، التى سان الاش­تان الا­قاي­لاپ ءسۇيىنشى سۇرايتىن، ۇلتى­مىز­دىڭ دا­را كەلبەتى، ۇلى ويشىلى، حاكىم اباي رۋ­حىن اسقاقتاتا كورسەتەتىن قايىر­لى كۇن!

بۇگىن قازاق جىرىنىڭ ادامزات كوگىنە قانات جايعان مارتەبەلى مەزەتى!

قازاق رۋحانياتىنىڭ قۇبىلاسىنا اينالعان اباي قۇبىلىسىنا ەرەكشە زەر سالۋ ارقايسىمىزدىڭ بۇلجىماس بورىشىمىز بولسا كەرەك.

اباي – ءبىزدىڭ ونەگەلى ومىرىمىزدەگى باستى باعىت. وركەنيەت ورىنە قايمىقپاي قادام باسار كەز كەلگەن ۇلت ءوزىنىڭ اداستىرماس جولىن كورنەكتى تۇلعالارى ارقىلى تاڭدايدى. بۇل تۇرعىدا ءبىزدىڭ جولىمىز – ابايدىڭ جولى ەكەنىن جاقسى سەزىنگەنىمىز دۇرىس.

اباي – قازاق كوگىنە ماڭگى نۇرىن شاشىپ تۇرار جارىق جۇلدىز! اباي – تۇگەل ادامزاتتى جۇرەگىنىڭ تۇبىندەگى اسىل اقيقاتقا جەتەلەپ بارا جاتقان دارا داڭعىل، بيىك مۇرات­تارىنا باستاپ بارا جاتقان جاياۋ بۇيداگەر!

ۇلى ساحاراداعى جالعىز جانارتاۋداي مۇنارتىپ تۇرعان اقىن بولمىسى ءبىزدى ۇنەمى وزىنە شاقىرىپ كەلەدى. كارى ۋاقىتپەن استاسىپ، زامانالار الىستاعان سايىن تۇلعاسى زورايىپ، مۇراسى ايقىندالا تۇسكەن شەرلى شايىر ءبىزدى ۇنەمى بىلدىرتپەي باعىپ تۇرعانداي!

اباي – الەم كىتاپحانالارىنىڭ كونە سورەلەرىن قوس قارا تومىمەن، كلاسسيك مۇح­تار اۋەزوۆتىڭ «اباي جولى» رومان-ەپوپەيا­سىمەن قايىستىرىپ تۇرعان قايتالانباس تۇلعا!

اباي – الەمنىڭ تۇكپىر-تۇكپىرىنە ەڭسەلى ەسكەرتكىش بولىپ لايىقتى ورنىققان ويشىل!

توبىقتى توڭىرەگىنە عانا ەمەس، تۇگەل ادامزات جۇرەگىنىڭ تۇبىنە شام ورناتىپ، ىزگىلىك پەن يمان ساۋلەسىن جارقىراتا تو­گىپ تۇرعان قىزىل شامشىراق – ول اباي فەنومەنى!

اباي – وتكەنىمىز بەن كەلەشەگىمىزدىڭ، جىبەر­گەن قاتەلىگىمىز بەن جەتكەن جەتىستى­گىمىز­دىڭ، بارار باعىتىمىز مەن الار ورنى­مىزدىڭ ايقىن جولباسشىسى!

ءبىز بۇگىن وسىدان تۋرا 175 جىل بۇرىن قارت شىڭعىستاۋدىڭ ەتەگىندە، ەرالىنىڭ باي جازىعىندا شىر ەتكەن ءسابي ءۇنىنىڭ ادامزات داۋىسىنا اينالعان كۇنىن مەرەكەلەپ جاتىرمىز!

دانىشپان اقىن باتىس پەن شىعىستى، بۇگىن مەن ەرتەڭدى، ءومىر مەن ولەڭدى جالعاپ جاتقان التىن كوپىر رەتىندە ادامزاتقا ور­تاق!

اباي – شىندىقتىڭ شىراعى، اقيقاتتىڭ الاۋى!

بۇگىن ءبىز حاكىمنىڭ التى قانات اق ورداسىندا تۋعان اسىل ويلارى دۇنيەجۇزىنىڭ التىن بوساعالى اق سارايلارىنىڭ ءىشىن ەركىن ارالاپ، قۋاتتى داۋىس زورايتقىشتار ارقى­لى ادامزات جادىنا ۇمىتىلماستاي كوش­كەنىنە، ماڭگى ولمەس ماتىندەر بولىپ ءمارمار تاستارعا قاشالعانىنا كۋا بولۋدامىز!

اباي جولى – الاش جولى!

ۇلتتى اداستىرماس ەسكى سۇرلەۋ شەكسىز كەڭىستىكپەن استاسىپ كەتكەلى قاشان! سول جولدا ءوزىمىزدى جوعالتپاۋىمىز عانا ما­ڭىزدى!

ءبىز ۇنەمى الاش مۇراتىن العا باستار اباي مۇراسىن تەرەڭ ءتۇيسىنۋىمىز كەرەك!

ابايدىڭ ءوزىن عانا تانىپ قويماي، ونىڭ ءومىر سۇرگەن رۋحاني ورتاسىن، قوعام رايىن، ۇلت ديدارىن قوسا زەردەلەۋىمىز دە ۋاقىت تالابى!

ابايدىڭ اينالاسى ارقىلى عانا قازاق­تىڭ مىنەزى تولىق اشىلادى. اباي-قۇنانباي قارىم-قاتىناسى ارقىلى ۇلتتىڭ بيىك پاراساتى تۇگەندەلەدى!

اباي-ايگەرىم سۇيىسپەنشىلىگى ارقىلى اسىل سەزىمدەر ءبۇر جارادى!

اباي-ءابىش مەيىرىمى ارقىلى ۇرپاق ساباقتاستىعى تۇسىندىرىلەدى!

بۇلاردىڭ بارلىعى اباي جولىنا شىعار ءبىرىنشى باسپالداق، اۋەلگى بەكەتتەر عانا دەر ەدىك!

اباي – ءبىر سوزبەن ايتقاندا ىنتىماق پەن بىرلىكتىڭ، ىزگىلىك پەن كەمەلدىكتىڭ، بيىك پاراسات پەن تەرەڭ پوەزيانىڭ سيمۆولى! ءار ءسوزى قاداۋ-قاداۋ تىرەك، تۇتاستىقتىڭ تۋى، مەيىرىمنىڭ ءمورى! «تولىق ادام» تۇجىرىمى – كىسىلىكتىڭ كىلتى!

اباي – قازاقتىڭ رۋحاني قۇبىلاسى.

اباي – ءداۋىر داۋىسى، اباي – ۋاقىت تىنىسى!

اباي – ادامدىقتىڭ اقىلگوي اسىل ۇستازى!

اباي تاعىلىمىنا تاعزىم ەتۋ – رۋحاني جاڭعى­رۋىمىزدىڭ ۇلى كەزەڭى!

 

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار