ساياسات • 08 تامىز، 2020

قازاقستان مەن تۇركيا اۋە قاتىناستى قالپىنا كەلتىرۋ ماسەلەسىن تالقىلادى

70 رەت كورسەتىلدى

كەشە انكارا قالاسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ باستاعان قر دەلەگاتسياسى تۇركيا رەسپۋبليكاسىنىڭ دەنساۋلىق ساقتاۋ ءمينيسترى فاحرەتتين كوجامەن كەزدەسۋ وتكىزدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا، قر دەلەگاتسياسى قازاقستان مەن تۇركيا اراسىنداعى حالىقارالىق اۋەقاتىناسىن قالپىنا كەلتىرۋ ماسەلەسىن تالقىلادى.

تاراپتار كوروناۆيرۋس ىندەتىنىڭ تارالۋىنا جول بەرمەۋ ماقساتىندا بىرلەسكەن ءىس-شارالار قابىلداۋعا جانە ەكى ەل اراسىنداعى ىنتىماقتاستىقتى نىعايتۋعا ۋاعدالاستى.

سونداي-اق، قازاقستاندىق تاراپ تۇركيا ۇكىمەتىنە پاندەميا كەزىندە ەلىمىزگە كورسەتكەن ىزەتتىلىك كومەگى ءۇشىن ريزاشىلىعىن ءبىلدىردى.

قر دەنساۋلىق ساقتاۋ ءمينيسترى الەكسەي تسوي تۇرىك تاراپىن COVID-19 ىندەتى بويىنشا ەلىمىزدەگى قازىرگى تاڭداعى جاعداي تۋرالى اقپاراتتاندىردى. ول قازاقستانداعى احۋال تۇراقتالعانىن جانە باقىلاۋدا ەكەندىگىن اتاپ ءوتتى.

كەلىسسوزدەر ناتيجەسى بويىنشا تر دەنساۋلىق ساقتاۋ ءمينيسترى ف.كوجا اتالعان ماسەلەنى تۇركيانىڭ كوروناۆيرۋس ىندەتىمەن قارسى كۇرەس جونىندەگى عىلىم كەڭەسىنىڭ كەلەسى وتىرىسىنىڭ كۇن تارتىبىندە تالقىلاۋعا قايتا شىعاراتىنىنا سەندىردى، سونداي-اق بۇل ماسەلە قازاقستانداعى وڭ ديناميكانىڭ جالعاسۋىن ەسكەرە وتىرىپ، جۋىق ارادا ءوز شەشىمىن تاباتىندىعىنا سەنىم ءبىلدىردى.

سونىمەن قاتار، 7 تامىزدا قازاقستان سىرتقى ىستەر ءمينيسترى مۇحتار تىلەۋبەردى تۇركيا سىرتقى ىستەر ءمينيسترى مەۆليۋت چاۆۋشوگلۋمەن قازاقستان مەن تۇركيا اراسىنداعى اۋە رەيستەردى توقتاتا تۇرۋ ماسەلەسى بويىنشا تەلەفون ارقىلى سويلەستى.

تۇركيا سىرتقى ىستەر ءمينيسترى بۇل شەشىم باۋىرلاس حالىقتاردىڭ ەكىجاقتى قارىم-قاتىناستارىنا بايلانىستى ەمەس ەكەندىگىنە جانە تۇراقتى رەيستەردى قايتا باستاۋ تۋرالى شەشىم تر مەملەكەتتىك كوميسسياسىنىڭ كەلەسى وتىرىسىندا قارالاتىنىنا سەندىردى.

وعان قوسا، قر سىرتقى ىستەر مينيسترلىگىنە تۇركيانىڭ قازاقستانداعى ەلشىسى ۋفۋك ەكيدجي شاقىرىلىپ، تۇرىك تاراپىنىڭ وسىنداي شەشىمدەرى تۋرالى قازاقستان ۇكىمەتىن الدىن الا حاباردار ەتۋ ءوتىنىشى جەتكىزىلدى.

ۆسترايۆانيە ۆيدەو

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

ۇقساس جاڭالىقتار