ءبىلىم • 08 تامىز، 2020

اتىراۋ وبلىسىندا 10 مەكتەپ پەن 5 بالاباقشا سالىنىپ جاتىر

172 رەت كورسەتىلدى

وبلىس اكىمى ماحامبەت دوسمۇحامبەتوۆتىڭ ءمالىم ەتۋىنشە، 10 مەكتەپ پەن 5 بالاباقشانىڭ قۇرىلىسى سالىنىپ جاتىر، دەپ حابارلايدى Egemen.kz

"وڭىردە ءۇش اۋىسىممەن جۇمىس ىستەيتىن 12 مەكتەپ بار. بۇل مەكتەپتەردە  23 992 وقۋشى ءبىلىم الادى.  اتالعان ماسەلەنى شەشۋ ءۇشىن ​ 3 000 ورىندىق ​ 4 مەكتەپتىڭ ​قۇرىلىسى جۇرگىزىلىپ جاتىر. سونىمەن بىرگە 1 800 ورىندىق 3 مەكتەپتىڭ قۇرىلىسى جوسپارلانىپ وتىر. بيىل اپاتتى جاعدايداعى بەس مەكتەپتىڭ بىرەۋىنىڭ قۇرىلىسى، ەكى وسىنداي مەكتەپتىڭ قۇرىلىسى 2022 جىلى اياقتالادى. تاعى ەكى مەكتەپتىڭ قۇرىلىسى جوسپارلانۋدا"، دەدى وبلىس اكىمى ماحامبەت دوسمۇحامبەتوۆ.

اكىمنىڭ ايتۋىنشا، بيىل 5 مەكتەپ پەن 3 بالاباقشا پايدالانۋعا بەرىلەدى ەكەن. ال، الداعى جىلى 5 مەكتەپ پەن 2 بالاباقشانىڭ قۇرىلىسىن اياقتاۋ كوزدەلىپتى.

مەكتەپ جاسىنا دەيىنگى بالالاردى بالاباقشامەن قامتۋدا ماسەلەسى دە بىرتىندەپ شەشىلىپ كەلەدى. قازىر 1-6 جاستاعى بالالاردىڭ 65 پايىزى بالاباقشامەن قامتىلىپتى. سونداي-اق  3-6 جاستاعى بالالاردىڭ ءبارى بالاباقشاعا بارادى. 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار