ەكولوگيا • 07 تامىز، 2020

وتكەن تاۋلىكتە 23 تابيعي ءورت جانە دالا جانۋى ورىن الدى

14 رەت كورسەتىلدى

قالىپتاسقان ىستىق اۋا رايىنا بايلانىستى رەسپۋبليكادا جوعارى ءورت قاۋىپتىلىگى ساقتالادى. بۇل تۋرالى ءىىم تجك ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

اعىمداعى جىلعى 6 تامىزدا وتكەن تاۋلىكتە رەسپۋبليكا بويىنشا 3 تابيعي ءورت جانە 20 دالا جانۋى وقيعاسى تىركەلدى.​

قوستاناي جانە پاۆلودار وبلىستارىنداعى 2 تابيعي ءورت، اقتوبە، الماتى، قاراعاندى وبلىستارىنداعى 9 دالا جانۋ تجك باقىلاۋىندا، ولاردى جويۋ بويىنشا شارالار قابىلدانۋدا.

بۇدان باسقا، وتكەن تاۋلىكتە الماتى، اقتوبە، باتىس قازاقستان، قوستاناي، قاراعاندى، پاۆلودار، سولتۇستىك قازاقستان وبلىستارىنداعى تابيعي ورتتەر جانە قۇرعاق ءشوپتىڭ جانۋى جويىلدى. اتالعان وڭىرلەردە جانۋدىڭ جالپى اۋدانى 440 گا قۇرادى. ءورتتى جويۋعا تجد، ەرىكتى ءورت ءسوندىرۋ قۇرامالارىنىڭ، ورمان شارۋاشىلىقتارىنىڭ كۇشتەرى مەن قۇرالدارى جۇمىلدىرىلدى.

ءىىم تج كوميتەتى ازاماتتاردى دالا جانە ورمان القاپتارىندا بولعان كەزدە قاۋىپسىزدىك ەرەجەلەرىن ساقتاۋعا شاقىرادى. تابيعي ورتتەردىڭ تۋىنداۋىنىڭ نەگىزگى سەبەپتەرى حالىقتىڭ وتتى ابايسىز پايدالانۋى، سوندىرىلمەگەن تەمەكى، الاۋ، جانىپ جاتقان سىرىڭكە، اتۋدان كەيىنگى تىعىننىڭ بىقسۋى، مايلى نەمەسە توزىعى جەتكەن شۇبەرەك، شىنى بوتەلكە، كۇن ساۋلەسىنىڭ سىنۋى، كولىك قۇرالىنىڭ سوندىرگىشىنەن ۇشقىن، قۇرعاق ەسكى ءشوپتى جاعۋ، نايزاعايدىڭ ويناۋى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار