جاستارعا جان-جاقتى كومەك بار

قوعام • 07 تامىز، 2020

جاستارعا جان-جاقتى كومەك بار

27 رەت كورسەتىلدى

«جاستار» عىلىمي-زەرتتەۋ ورتالىعى مەن بۇۇ بالالار قورى (يۋنيسەف) جاستارعا پسيحولوگيالىق كومەك كورسەتۋ جونىندە ۆەبينار وتكىزدى.

مەرۋەرت بۇركىتباەۆا

جاستار رەسۋرستىق ورتالىقتارىنىڭ قىزمەتكەرلەرى مەن پسيحولوگتارى ۆەبينار بارىسىندا ۇيىمعا حابارلاسقان تۇرعىندارعا قولداۋ ءبىلدىرۋدى دۇرىس جولعا قويۋدى ۇيرەندى. يۋنيسەف جاستار رەسۋرستىق ورتالىقتارىنىڭ پسيحولوگتارىنا COVID-19-دىڭ تارالۋى كەزىندە پسيحولوگيالىق كومەك كورسەتۋدى ۇيىمداستىرۋدىڭ جولدارى جونىندە تاجىريبەلىك ۇسىنىستارىن تانىستىرادى. بۇل پسيحولوگيالىق ادىستەمەلىكتەر بارلىق جاستار رەسۋرستىق ورتالىقتارىنا بەرىلەدى.

جوبا اۆتورلارى بۇل ۇسىنىستار جاستار رەسۋرستىق ورتالىقتارىنىڭ پسيحولوگتارىنا جۇكتەلگەن نەگىزگى فۋنكتسيالاردىڭ ورنىن باسپايتىنىن ايتادى. قايتا ولاردى تولىقتىرا وتىرىپ، قاشىقتان جۇمىس ىستەۋ تارتىبىنە كوشۋگە بايلانىستى قىزمەتتى ۇيىمداستىرۋدىڭ كەيبىر ەرەكشەلىكتەرىن تۇسىندىرەدى. كوپ جاستار ورتالىقتا پسيحولوگ كومەگىنە جۇگىنۋگە بولاتىنىن بىلمەي جاتادى. سول سەبەپتى ساراپشىلار، ەڭ الدىمەن، اقپاراتتاندىرۋ ماسەلەسىنە اسا ءمان بەرۋ كەرەك دەپ ەسەپتەيدى. «اقپارات جاستاردىڭ پسيحولوگقا ءوز بەتىنشە جۇگىنۋگە ىنتالاندىراتىنداي جانە وسىلايشا قولداۋعا مۇقتاج تۇلعالاردى انىقتاۋعا قولعابىس ەتەتىندەي جولمەن بەرىلۋى ءتيىس» دەلىنگەن بۇۇ ۇسىنعان قۇجاتتا. قازاقستان حالقىنا ىندەت كەزىندە پسيحولوگيالىق كومەك كورسەتۋ ءۇشىن اشىلعان ارنايى covid-19.mentalcenter.kz ينتەرنەت رەسۋرسى دا بار ەكەن. سايتتا سترەستى، ۇرەيدى قالاي جەڭۋگە بولاتىنىنا قاتىستى سۇراقتارعا جاۋاپ تابۋعا بولادى. جاستار رەسۋرستىق ورتالىقتارىنىڭ پسيحولوگىنا جۇگىنگەن اداممەن اڭگىمەلەسۋ العاشقى پسيحولوگيالىق كومەك رەتىندە باعالانادى، سوندىقتان ۆەبيناردا ماماندارعا جاستارمەن قالاي جۇمىس ىستەۋ كەرەك ەكەنى ەگجەي-تەگجەيلى ءتۇسىندىرىلدى. مۇنداي كومەككە مۇقتاج جانمەن اڭگىمە كەزىندە ونى مۇقيات تىڭداپ، اڭگىمەسىن اياقتاۋعا مۇمكىندىك بەرۋ كەرەك ەكەنى ايتىلدى. ۇيىمداستىرۋشىلار ۆەبينار ناتيجەسىندە ەلىمىزدەگى جاستارعا ارنالعان ۇيىم قىزمەتىنىڭ، جاستارعا كورسەتىلەتىن كومەك ساپاسىنىڭ ارتاتىنىنا سەنىمدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز