قايىرى مول قايىرىمدىلىق شارالارى

رۋحانيات • 07 تامىز، 2020

قايىرى مول قايىرىمدىلىق شارالارى

33 رەت كورسەتىلدى

قازاقستان حالقى اسسامبلەياسى قۇربان ايت كۇندەرى دارىگەرلەردى قولداۋ ماقساتىندا رەسپۋبليكالىق دەڭگەيدە «مىڭ العىس» قايىرىمدىلىق اكتسياسىن ۇيىمداستىرىپ، 82 527 150 تەڭگە كولەمىندە گۋمانيتارلىق كومەك كورسەتتى.

جولدىباي بازار

شاراعا قحا مۇشەلەرى مەن كاسىپكەرلەر، مەتسەناتتار مەن ەتنومادەني بىرلەستىكتەردىڭ وكىلدەرى، «جاڭعىرۋ جولى» رەسپۋبليكالىق جاستار قوزعالىسىنىڭ وكىلدەرى مەن ەرىكتىلەرى اتسالىسىپ، 11 674 مەديتسينالىق قىزمەتكەرگە جانە 7100 وتباسىعا قايىرىمدىلىق جاسادى.

ناقتىراق ايتقاندا، ۆيرۋس انىقتالعان ناۋقاستارمەن تىكەلەي جۇمىس ىستەيتىن مەديتسينا قىزمەتكەرلەرىنىڭ وتباسىنا، پروۆيزورلىق ورتالىقتارعا، دارىگەرلەر وقشاۋ تۇرىپ جاتقان جاتاقحانا مەن قوناقۇيلەرگە قۇرباندىققا شالىنعان مال ەتى تاراتىلىپ، ازىق-ت ۇلىك سەبەتتەرى تارتۋ ەتىلدى. ستاتسيوناردا جاتقان ەمدەلۋشىلەر مەن قىزمەت بارىسىنداعى اق حالاتتى ابزال جاندارعا ىستىق تاماق جەتكىزىلىپ، كوكونىس پەن جەمىستەر، تاتتىلەر مەن ۇلتتىق سۋسىندار ۇلەستىرىلدى.

پاندەميا دەرتىنەن باقيلىققا اتتانعان دارىگەرلەردىڭ وتباسىنا دا قارجىلاي كومەك كورسەتىلىپ، ۇل-قىزدارىنا مەرەكەلىك سىيلىق جاسالدى. مۇقتاج وتباسىلارعا دا كوڭىل ءبولىنىپ، مال ەتىنەن بولەك، ءتۇرلى ازىق-ت ۇلىكتەرمەن قامتاماسىز ەتىلدى.

سولاردىڭ ىشىندە استانالىق «ۆايناح» چەشەن-ينگۋش، «حازار» ازەربايجان، «تاڭ» تاتار-باشقۇرت، «قىرعىزستان-استانا» جانە «جايحۋن» قاراقالپاق ەتنومادەني بىرلەستىكتەرىن، قاراعاندى، قىزىلوردا، پاۆلودار، اتىراۋ، قوستاناي وبلىسى مەن الماتى قالاسىنىڭ بارلىق ەتنوس وكىلدەرىن، انالار كەڭەسىن، «جاڭعىرۋ جولى» جاستار قوزعالىسىن، سولتۇستىك قازاقستان وبلىستىق «دۋسلىك» تاتار-باشقۇرت قوعامدىق ورتالىعىن، تۇركىستان وبلىستىق وزبەك، تاتار، ازەربايجان ەتنو-مادەني ورتالىقتارىن، الماتى وبلىسى ۇيعىر اۋدانى قحا بەلسەندىلەرىن ايرىقشا اتاپ وتۋگە بولادى.

ەستەرىڭىزگە سالا كەتسەك، قحا ناۋرىز ايىندا ەنگىزىلگەن توتەنشە جاعداي كەزىندە رەسپۋبليكالىق ء«بىز بىرگەمىز!» اكتسياسى اياسىندا مۇقتاج ازاماتتارعا 376 454 347 تەڭگەگە قارجىلاي كومەك كورسەتىپ، 515 مىڭنان استام مەديتسينالىق ماسكا تاراتقان ەدى.

پنەۆمونيا دەرتى ۋشىققان سوڭعى ءبىر ايدا اق حالاتتى ابزال جاندار مەن پروۆيزورلىق ورتالىقتارعا قول ۇشىن سوزىپ، 151 443 526 تەڭگەگە قاجەتتى ءدارى-دارمەك پەن وكپەنى جاساندى جەلدەتۋ اپپاراتتارىن ساتىپ الدى. ال ماقتاارالدا ورىن العان سۋ تاسقىنىنان زارداپ شەككەندەرگە دە ەتنوس وكىلدەرى جۇدىرىقتاي جۇمىلىپ، 101 936 000 تەڭگەگە 335 توننا گۋمانيتارلىق كومەك پەن قۇرىلىس ماتەريالدارىن جونەلتكەن بولاتىن.

بىلتىرعى جىلى اسسامبلەيانىڭ ءارتۇرلى دەڭگەيدەگى قايىرىمدىلىق شارالارعا كورسەتكەن كومەگى 4،5 ملرد تەڭگەگە جۋىقتايدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز