اتاپ ايتقاندا, ناۋرىز ايىنان بەرى ەلىمىزگە بەلگىلى عالىمدار مەن تاريحشىلار, ارحەولوگتار جانە رەستاۆراتورلاردىڭ قاتىسۋىمەن تاريحي-تانىمدىق باعىتتا ونلاين دارىستەر, كەزدەسۋلەر, كورمەلەر, ء«بىر جادىگەر – ءبىر تاريح» اتتى بەينەشولۋ, كيەلى ورىندارعا «ەكسكۋرسيا ساعاتى» سىندى بەينەساپار ت.ب. شارالاردى ۇزدىكسىز اتقارىپ كەلەدى.
سونىمەن قاتار ءتول تاريحىمىزدا ورنى بار تۇلعالار ەسىمىن ۇرپاققا جەتكىزۋ ماقساتىندا – قورىق-مۋزەي ۇجىمى جاسوسپىرىمدەرگە ارناپ «تۇركىستان جانە تاريحي ورىندار مەن تۇلعالار» اتتى قىلقالام شەبەرلەرىنىڭ كورمەسى مەن شەبەرلىك ساباعىن دا ۇيىمداستىرعان بولاتىن.
جوعارىداعى كەلەلى ىستەردىڭ جالعاسى رەتىندە قورىق-مۋزەي ۇجىمى وقۋشىلاردىڭ جازعى دەمالىسىن ءتيىمدى پايدالانىپ, ولارعا اڭىز-اڭگىمەلەر مەن تاريحي دەرەكتەردى ناسيحاتتاۋ, پاتريوتتىق سەزىمگە باۋلۋ, تاريحي ورىندار مەن تۇلعالار جايلى تەرەڭىرەك تانىپ-بىلۋگە شاقىرۋ ماقساتىندا اڭىز-اڭگىمەلەر توپتاماسىن قولعا الدى.
اتاپ ايتقاندا, مەكەمە ءوز كۇشىمەن جيناقتاعان «100 اڭىز» كىتابىنداعى اڭىز-اڭگىمەلەردى: قوجا احمەت ءياساۋيدىڭ بالالىق شاعى, ۇستازدارى مەن شاكىرتتەرى, ومىرلىك جولى مەن ونەگەسى, تاريحي ورىندار مەن تۇلعالار سياقتى تاقىرىپتارعا ءبولىپ, بۇل اتاۋلاردى بەينە كورسەتىلىم, انيماتسيا, دەرەكتى فيلم, گرافيكالىق سۋرەت ۇلگىلەرى سياقتى تاسىلدە وقۋشىلارعا ۇسىنىپ وتىر. بۇل اڭىز-اڭگىمەلەردى قورىق-مۋزەيدىڭ فەيسبۋك پاراقشاسى جانە يۋتۋب پەن رەسمي سايتى ارقىلى تاماشالاۋعا بولادى.
