ۆيدەو • 06 تامىز، 2020

ليۆانداعى جارىلىس كەزىندە كامەراعا ءتۇسىپ جاتقان قالىڭدىقتىڭ ۆيدەوسى ينتەرنەتتە تارالدى

2246 رەت كورسەتىلدى

ەستەرىڭىزدە بولسا، 2020 جىلدىڭ 4 تامىز كۇنى جەرگىلىكتى ۋاقىت بويىنشا ساعات 18:00 شاماسىندا بەيرۋتتاعى تەڭىز پورتىنىڭ بازاسىندا جويقىن جارىلىس بولدى. جارىلىس سالدارىنان جاقىن جانە بىرنەشە شاقىرىم جەردە ورنالاسقان عيماراتتار قيراپ، كوبى ب ۇلىنگەن. ولاردىڭ اراسىندا قازاقستان ەلشىلىگىنىڭ عيماراتى دا بار. وسى وقيعا كەسىرىنەن 5 مىڭنان استام تۇرعىن جاراقاتتانعان.  سوڭعى دەرەكتەرگە سەنسەك، جارىلىستان 137 ادام كوز جۇمدى.

وقيعا ورنىنان تۇسىرىلگەن ۆيدەولار ەكى كۇننەن بەرى ينتەرنەت قولدانۋشىلارىن دۇرلىكتىردى. اسىرەسە، جارىلىس بولاردان بىرنەشە مينۋت بۇرىن عانا نەكەلەسىپ، وتباسىلىق ۆيدەوعا ءتۇسىپ جاتقان قالىڭدىقتىڭ بەينەجازباسى كەڭ تارالدى. اق كويلەك كيگەن كوڭىلدى ارۋ كامەرا الدىندا قىلىقتى قالپىندا تۇرعان ەدى. جۇزىندەگى كۇلكىدەن تىنىشتىقتىڭ، شەكسىز باقىتتىڭ تابى بايقالادى. كەنەت گۇرس ەتكەن دىبىس ەستىلدى. ابدىراپ قالعان قالىڭدىق باسىن كوتەرگەنى سول-اق ەدى، جويقىن سوققى اينالانىڭ اپىر-توپىرىن شىعاردى. جاس-جۇبايلار بۇقپانتايلاپ، جاقىن جەردەگى قوناق ۇيگە قاراي جۇگىرەدى. مىنە، وسى ءبىر كورىنىس وپەراتوردىڭ كامەراسىندا ساقتالىپ قالعان ەكەن. 

سوڭعى جاڭالىقتار

ۇقساس جاڭالىقتار