قوعام • 06 تامىز، 2020

USAID ورتالىق ازياداعى ايتۆ-نىڭ "فلاگمان" باعدارلاماسىن اياقتادى

28 رەت كورسەتىلدى

بۇگىن اقش-تىڭ حالىقارالىق دامۋ جونىندەگى اگەنتتىگى (USAID) ورتالىق ازياداعى ايتۆ بويىنشا ءساتتى بولعان "فلاگمان" باعدارلاماسىن اياقتادى، - دەپ حابارلايدى Egemen.kz.

قازاقستاندا باعدارلاما اياسىندا ايتۆ-عا تەستىلەۋ، ايتۆ تالداۋى وڭ ناتيجە بەرگەن ادامدار مەن الەۋمەتتىك قىزمەتتەر اراسىندا بايلانىس ورناتۋ، سونداي-اق شىعىس قازاقستان جانە پاۆلودار وبلىستارىندا وزدىگىنەن تەستىلەۋدى ەنگىزۋ كوزدەلگەن ەدى.

جاڭا ايتۆ ينفەكتسياسىن جۇقتىرۋ جاعدايلارىنىڭ سانىن ازايتۋ جانە ايتۆ-دان قايتىس بولۋ دەڭگەيىن تومەندەتۋ ءۇشىن USAID ەلدەگى ايتۆ ينفەكتسياسىنىڭ ءوسۋ قارقىنى ەڭ جوعارى شىعىس قازاقستان جانە پاۆلودار وبلىستارىندا جۇمىستار اتقاردى. سوڭعى بەس جىلدا USAID 10 000 ادامدى ايتۆ-عا تەكسەردى، ولاردىڭ 600-گە جۋىعى وزدەرىنىڭ وڭ ايتۆ-ستاتۋسى تۋرالى ءبىلدى. وسى جوبانىڭ ارقاسىندا ايتۆ تالداۋى وڭ ناتيجە بەرگەن تاعى 3000 ادام ومىرلىك قاجەتتى ەم قابىلداي باستادى. اتالعان شارالار قازاقستانعا "يۋنەيدس 90-90-90 ماقساتتارىنا" قول جەتكىزۋگە كومەكتەسەدى، بۇلار كەلەشەك ۇرپاق ءۇشىن بارىنشا سالاۋاتتى الەمنىڭ نەگىزىن قالاپ، ءبىزدى جيتس ىندەتىمەن كۇرەستىڭ اياقتالۋىنا جاقىنداتادى.

"قازاقستان ۇكىمەتى ايماقتاعى ايتۆ/جيتس-كە قاتىستى ماسەلەلەرگە باسشىلىق ەتىپ، ولارمەن كۇرەسۋ شارالارىنىڭ كوپ بولىگىن قارجىلاندىرادى. قازاقستانمەن بىرگە جۇمىس ىستەگەن كەزدە قىزمەتىمىزدىڭ ەكونوميكالىق ءتيىمدى ءارى ناتيجەلى بولۋىن ماقسات تۇتامىز. "بىزگە ودان ءارى جۇمىس ىستەۋ قاجەت ماڭىزدى پروبلەمالاردىڭ ءبىرى ستيگماتيزاتسيا بولىپ تابىلادى. ايتۆ-عا قۇپيا تەستىلەۋ مۇمكىندىكتەرىن قولدانۋ پروبلەما بولىپ قالۋدا، جانە كوپتەگەن ادامدار بۇرىنعىسىنشا اۋىرعاننان جانە وزىندە اۋرۋ بەلگىلەرىن انىقتاعاننان كەيىن عانا تەستىلەۋدەن وتۋدە"، – دەدى ورتالىق ازياداعى USAID ايماقتىق ميسسياسىنىڭ ديرەكتورى كريستوفەر ەدۆاردس.

"USAID ۇسىنعان قازاقستانداعى ۇكىمەتتىك ەمەس ۇيىمدارعا (ۇەۇ) ارنالعان حالىقتىڭ نەگىزگى توپتارى اراسىنداعى جۇمىستى تىركەيتىن اقپاراتتىق باسقارۋ جۇيەسى اتقارىلعان قىزمەتتەردىڭ ساپاسىن جاقسارتۋعا مۇمكىندىك بەرەدى. ۇەۇ ولاردى باسقا جوبالاردا جانە الەۋمەتتىك مەملەكەتتىك تاپسىرىستاردا بەلسەندى قولدانا باستايدى، بۇل ايتۆ-مەن كۇرەسۋگە ازاماتتىق قوعامنىڭ ۇلەسىن ارتتىرۋعا مۇمكىندىك بەرەدى"، – دەدى دەنساۋلىق ساقتاۋ مينيسترلىگىنىڭ قازاق دەرماتولوگيالىق جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.

USAID پاتسيەنتتەردى جەتەلەۋگە جانە ايتۆ-عا تەستىلەۋگە ارنالعان يننوۆاتسيالىق تاسىلدەردى ەنگىزدى. 2019 جىلدىڭ قاراشاسىنان باستاپ USAID ۇەۇ ارقىلى ەكسپرەسس-تەستىلەۋ مەن وزدىگىنەن تەستىلەۋ شارالارىن ەنگىزۋگە كومەكتەستى، بۇل 500-دەن استام ادامدى تەستىلەۋگە مۇمكىندىك بەردى. سونىمەن قاتار USAID قازاقستانداعى ۇەۇ-لار ءۇشىن حالىقتىڭ نەگىزگى توپتارى اراسىندا ايتۆ ىندەتىن قاداعالاۋ مەن باقىلاۋدا ۇستاۋعا كومەكتەسەتىن اقپاراتتىق باسقارۋ جۇيەسىن ۇسىندى. اقش ۇكىمەتى USAID ارقىلى 2003 جىلدان باستاپ اقش پرەزيدەنتىنىڭ جيتس-پەن كۇرەسۋ جونىندەگى توتەنشە جوسپارىنا سايكەس قارجىلاندىرىلاتىن قازاقستانداعى ايتۆ-مەن كۇرەسۋ باعدارلامالارىنا قولداۋ كورسەتەدى، مۇنىڭ ەڭ سوڭعى مىسالى USAID-ءتىڭ ورتالىق ازياداعى ايتۆ بويىنشا "فلاگمان" باعدارلاماسى شەڭبەرىندە قولداۋ كورسەتۋ بولىپ تابىلادى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار