قوعام • 06 تامىز، 2020

تۇركىستان وبلىسىندا "رف شەكاراسى (سامارا)-شىمكەنت" تاسجولىنىڭ ۋچاسكەلەرى جوندەلدى

27 رەت كورسەتىلدى

جولشىلار تۇركىستان وبلىسىنداعى رەسپۋبليكالىق ماڭىزى بار "رف شەكاراسى (سامارا)-شىمكەنت" اۆتوموبيل جولىنىڭ 11 شاقىرىمىن ورتاشا جوندەۋدەن وتكىزۋ جۇمىستارىن اياقتادى. جاڭارتىلعان جول ۋچاسكەلەرى كولىك قوزعالىسى ءۇشىن تولىقتاي اشىق، - دەپ حابارلادى يدم ءباسپاسوز قىزمەتى.

اتاپ ايتقاندا، مەردىگەر "سينە ميداس ستروي بك" جشس جانە "NNC Group" جشس جولدىڭ تسەمەنت-بەتون جابىندىسىنىڭ شوگۋىن جويىپ، تەمپەراتۋرالىق جىكتەردى قۇيۋ جۇمىستارىن ورىندادى. جابىندىنىڭ جوعارعى قاباتىن جايلاستىرۋ كەزىندە جولشىلار ەمۋلسيالىق-مينەرالدى قۇيما قوسپالاردان توزۋدان قورعايتىن قاباتتى توسەدى. ميكروسيۋرفەيسينگ تەحنولوگياسى جابىندىنىڭ توزعان قاباتىن قالپىنا كەلتىرىپ، جارىقتاردىڭ پايدا بولۋىنان، جول جابىندىسىنىڭ جوعارعى قاباتتارىن سۋعا قانىعۋدان قورعايدى، سونداي-اق، جول جابىندىسى قاباتتارىنىڭ ءوزارا تىركەسۋ جانە جابىن تەگىستىگى كورسەتكىشتەرىن جاقسارتادى. بۇل شارالار جوندەۋارالىق مەرزىم مەن جولدىڭ بەتون جابىندىسىنىڭ قىزمەت ەتۋ ۋاقىتىن ۇزارتۋعا مۇمكىندىك بەرەدى.

ايتا كەتۋ كەرەك، جوندەۋ جۇمىستارى بەلگىلەنگەن مەرزىمنەن بۇرىن ورىندالدى.

سوڭعى جاڭالىقتار

ۇقساس جاڭالىقتار