اتالعان قىزمەت تاۋلىك بويى جۇمىس ىستەيدى جانە وعان كەلىپ تۇسكەن بارلىق حابارلامالار مەن وتىنىشتەر قۇپيا ساقتالادى. Call-ورتالىق Nur Otan پارتياسىنىڭ جانىنداعى وتباسى, ايەلدەر ماسەلەلەرى جانە بالالاردىڭ قۇقىعىن قورعاۋ جونىندەگى كەڭەستىڭ باستاماسىمەن قۇرىلدى. كەڭەس توراعاسى دينارا زاكيەۆانىڭ ايتۋىنشا, بالالارعا قاتىستى جىلىنا 2000-نان استام قىلمىس تىركەلەدى, ونىڭ 700-گە جۋىعى جىنىستىق قول سۇعىلماۋشىلىققا قارسى جاسالادى. ەڭ وكىنىشتىسى, بالالارعا قاتىستى زورلىق-زومبىلىقتىڭ 60%-ى وتباسىندا ورىن الادى.
"بالالار مەن ەرەسەكتەر وزدەرىنە كومەك قاجەت بولعان نەمەسە وتباسىنداعى زورلىق-زومبىلىق, بالالاردىڭ قۇقىعى بۇزىلعان جاعدايلار تۋرالى بىلگەن كەزدە قايدا بارۋعا بولاتىنىن ءبىلۋى ءۇشىن, سونىمەن بىرگە, بالانىڭ كوشەدە, ۇيدە, كولىكتە جالعىز قالعانى, ونىڭ ومىرىنە جانە دەنساۋلىعىنا قاۋىپ تونگەنى, زورلىق-زومبىلىق نەمەسە قاتىگەزدىك جاسالعانى تۋرالى نەمەسە ەگەر ولار بالالارعا قاۋىپ توندىرەتىن وبەكتىنى, مىسالى, اشىق ليۋكتى, جوعارى ۆولتتى ەلەكتر جەلىسىن, سۋ كوزىن كورسە, وسىنداي جاعدايلار جونىندە كومەك كورسەتۋ ءۇشىن Nur Otan پارتياسى جانىنان قىركۇيەك ايىنىڭ باسىندا ءوز جۇمىسىن باستايتىن "111 – جەدەل قىزمەت" بايلانىس ورتالىعى اشىلادى", دەدى دينارا زاكيەۆا.
كەڭەس توراعاسى زورلىق-زومبىلىقتىڭ الدىن الۋدىڭ جۇيەلىك شەشىمدەرىن ەنگىزۋ بويىنشا جۇمىستار بىرنەشە ايدان بەرى جۇرگىزىلگەنىن ايتتى. اتاپ ايتقاندا, بارلىق وڭىرلەردە ومىرلىك قيىن جاعدايداعى جانە زورلىق-زومبىلىققا تاپ بولعان وتباسىلاردى انىقتاۋ جونىندەگى جەدەل ارەكەت ەتۋ توپتارىنىڭ جۇمىسى ۇيىمداستىرىلعان. قازىرگى تاڭدا 2 182 جەدەل توپ (جەرگىلىكتى اتقارۋشى ورگانداردىڭ قولدانىستاعى فۋنكتسيونالدىق مىندەتتەرى اياسىندا) اشىلدى. سونىمەن قاتار, كەڭەس بالالاردى قورعاۋ جانە تۇرمىستىق زورلىق-زومبىلىق تۋرالى زاڭناماسىنا وزگەرىستەر ەنگىزۋ بويىنشا ءماجىلىس توبىندا بىرلەسىپ جۇمىس ىستەيدى.
ء"بىز بالالاردى ۇرىپ-سوعۋ, ازاپتاۋ, زورلىق-زومبىلىق كورسەتۋ ارەكەتتەرىنە قاتىستى جازانى قاتاڭداتۋدان باستاپ جەتىم بالالاردىڭ تۇرعىن ءۇي الۋ ماسەلەلەرىنە دەيىن ءوز ۇسىنىستارىمىزدى ەنگىزدىك. ەندى مەملەكەتتىك ورگانداردىڭ ۇسىنىستارىمىزدى قولداپ, كەلىسۋى ماڭىزدى. سونداي-اق پارتيانىڭ حاتتامالىق تاپسىرماسىنا سايكەس, ءبىلىم مينيسترلىگى باسقا دا مەملەكەتتىك ورگاندارمەن بىرلەسىپ, زورلىق-زومبىلىقتى انىقتاۋ جانە ونىڭ الدىن الۋ ءۇشىن مەكتەپتەردە بىرىڭعاي ءتاسىلدى ازىرلەۋى ءتيىس", دەدى دينارا زاكيەۆا.
