ەرلان اۋكەنوۆ ءوزىنىڭ جۇمىس ساپارىن شىمكەنتتەن باستادى جانە ەڭ الدىمەن №2 ارناۋلى الەۋمەتتىك قىزمەتتەر كورسەتۋ ورتالىعى مەن №6 بالالار ارناۋلى الەۋمەتتىك قىزمەتتەر كورسەتۋ ورتالىعىنا باردى.
ورتالىق باسشىلىعى ۆيتسە-مينيسترگە قىزمەت الۋشىلاردىڭ كوروناۆيرۋستىق ينفەكتسيانى جۇقتىرۋىنا جول بەرمەۋ بويىنشا قابىلدانىپ جاتقان شارالار تۋرالى باياندادى. ءمام-گە تۋىستارى مەن جاقىندارىنا كەلۋگە تىيىم سالا وتىرىپ, كارانتين ەنگىزىلدى; بۇقارالىق, مادەني جانە باسقا دا ءىس-شارالاردى جۇرگىزۋ توقتاتىلدى; سانيتاريالىق-ەپيدەمياعا قارسى ءىس-شارالار تۇراقتى تۇردە جۇرگىزىلەدى; قامقورلىققا الىنعانداردىڭ دەنساۋلىق جاعدايى تاۋلىك بويى باقىلانادى; سانيتاريالىق-دەزينفەكتسيالىق رەجيم جانە الەۋمەتتىك قاشىقتىق ساقتالادى; بارلىق قىزمەتكەرلەر مەن قىزمەت الۋشىلار جەكە قورعانىش قۇرالدارىمەن (ماسكالارمەن, قولعاپتارمەن, انتيسەپتيكالىق سپرەيلەرمەن) قامتاماسىز ەتىلگەن.
بۇدان باسقا, ەڭبەكمينى ۇسىنىمدارىن ورىنداۋ شەڭبەرىندە قىزمەت الۋشىلار مەن ورتالىق قىزمەتكەرلەرى كوروناۆيرۋستىق ينفەكتسيانىڭ بار-جوعىنا تەكسەرىلدى.
قابىلدانعان شارالار ءمام قامقورلىعىنداعى ادامداردى COVID-19 جۇقتىرۋىنا جول بەرمەۋگە مۇمكىندىك بەردى.
بۇل رەتتە قىزمەت الۋشىلاردىڭ تۋىستارى ولارمەن جانە مەديتسينالىق پەرسونالمەن بەينەبايلانىس رەجيمىندە بايلانىسا الادى.
كۇندىزگى جارتىلاي ستاتسيوناردىڭ قىزمەت الۋشى بالالارىنىڭ كوبىسىنىڭ كارانتين كەزىندە ۇيدە دەفەكتولوگتارمەن, لوگوپەدتەرمەن, پسيحولوگتارمەن جانە ەدش نۇسقاۋشىلارىمەن ونلاين-رەجيمدە جاتتىعۋعا مۇمكىندىگى بار.
ورتالىقتاردا تۇراتىن بولمەلەردى, مەديتسينالىق كومەك كورسەتۋ, تاماق ءىشۋ ورىندارىن, ويىن الاڭدارىن جانە ت. ب. 100% قامتيتىن جاڭا بەينەباقىلاۋ جۇيەسىن ورناتۋ بويىنشا جۇمىس اياقتالۋدا.
«مينيسترلىك تاراپىنان كورسەتىلەتىن قىزمەتتەردىڭ ساپاسىن جاقسارتۋ ماقساتىندا ءبىز جەرگىلىكتى اتقارۋشى ورگاندارعا بارلىق ءمام-ءدى ينتەرنەتپەن قامتاماسىز ەتۋ بويىنشا ۇسىنىستار بەردىك. ەلىمىزدە جۇمىس ىستەيتىن 113 ءمام-ءنىڭ 74-ىندە WI-FI قوسىلعان. سونىمەن قاتار, ءبىزدىڭ ۇسىنىستارىمىز بويىنشا 113 مەكەمەدە قوعامدىق كەڭەستەر قۇرىلدى. ءمام-ءنىڭ بارلىعىندا الەۋمەتتىك جەلىلەردە اككاۋنتتار پايدا بولدى. 95 ءمام-ءنىڭ بيۋدجەتتەرى ەركىن قول جەتىمدىلىكتە جاريالاندى. باسشىلىق پەن قىزمەتكەرلەردىڭ قامقورلىقتاعىلاردىڭ تۋىستارى مەن جاقىندارىمەن تىعىز بايلانىسى قالىپتاسقان», – دەدى ەرلان اۋكەنوۆ.
جۇمىس ساپارى بارىسىندا ۆيتسە-مينيستر سونداي-اق كارانتيندىك شارالاردىڭ ساقتالۋىن جانە تۇركىستان جانە جامبىل وبلىستارىنىڭ, الماتى قالاسىنىڭ ءمام-دە بارلىق ۇسىنىمداردىڭ ورىندالۋىن تەكسەرەدى.
