ەكىنشى دۇنيەجۇزىلىك سوعىس كەزىندە اقش-تا اتوم بومباسىنىڭ قۇرىلۋى ادامزات ومىرىندەگى جاڭا كەزەڭنىڭ باستالۋىن بەلگىلەدى. وسىدان كەيىن ەشكىم جاڭا قارۋدىڭ جويقىن كۇشىنەن جانە ونىڭ قورقىنىشتى سالدارلارىنان ساقتاندىرىلا المادى.
سونىمەن 1945 جىلدىڭ 6 تامىزدىندا امەريكالىق اۆياتسيا جاپونيانىڭ حيروسيما قالاسىن اتوم بومباسىمەن بومبالاعان ەدى. قازا تاپقاندار تۋرالى ناقتى دەرەكتەر ءالى جوق. الايدا ساراپشىلاردىڭ باعالاۋى بويىنشا 300 مىڭعا جۋىق ادام بومبالاۋدىڭ قۇربانى بولدى. ال تاعى 200 مىڭعا جۋىق ادام راديواكتيۆتى ساۋلەلەنۋگە ۇشىرادى. اتوم بومباسىنىڭ قۇرباندارى جىل سايىن رادياتسيالىق اۋرۋدىڭ سالدارىنان وسە بەردى.
جاپونيا تۇرعىنى كوكو كوندو: "جارىلىس بولعان كەزدە مەن كىشكەنتاي قىز ەدىم. وسى كۇنگە دەيىن ونى ۇمىتۋ مۇمكىن ەمەس. سول كەزدە مەن ۇيدە بولعانىم ەسىمدە. قورقىنىشتان مەن كوزىمدى جۇمىپ الدىم. كوزىمدى اشقان كەزدە بارلىق جەر قارا ءتۇتىن بولدى. بومبا جۇزدەگەن ادامنىڭ ءومىرىن قيدى. بومدادان كەيىن كوبىسى ودان اۋىرا باستادى. مەن جانە مەنىڭ حالقىمنىڭ باستان كەشكەندەرىن, باسقانىڭ باسىنا تىلەمەس ەدىم", دەيدى حيراسيما وقيعاسىنىڭ كۋاگەرى.
