ايماقتار • 06 تامىز، 2020

ەمحانالار جوسپارلى جۇمىستارىن باستادى

44 رەت كورسەتىلدى

قىزىلوردا قالاسىندا 360 ورىندىق پروۆيزورلىق ورتالىق جا­بىلدى. مەديتسينالىق مەكەمە ىندەت ءورشىپ تۇرعان ۋاقىتتا قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ 5-ءشى جاتاقحاناسىنان اشىلعان بولاتىن. شىلدەدەن باستاپ جۇمىس ىستەي باستاعان ورتالىقتا ءبىر ايدا وكپەسى قابىنعان 1 مىڭعا جۋىق ناۋقاس ەم الىپتى. جاقىندا ورتالىقتاعى سوڭعى ناۋقاس ساۋىعىپ، ۇيىنە قايتتى. وسى ۋاقىت ارالىعىندا ەمدەۋ مەكەمەسىندە 200-گە جۋىق مەديتسينالىق قىزمەتكەر جۇمىس ىستەگەن.

ىندەتتىڭ ورشۋىنە بايلانىس­تى وسىعان دەيىن وبلىستاعى ەمحا­نالاردا سكرينينگتىك جانە پرو­فيلاكتيكالىق تەكسەرۋ، جوس­پار­­لى ستوماتولوگيالىق قىز­مەت، سالاماتتى ءومىر سالتىن ۇس­تانۋ بويىنشا شارالار، پسي­حو­لوگيالىق كومەك كورسەتۋ ۋاقىت­شا توقتاتىلعان بولاتىن. قازىر ولار دا جوسپارلى جۇمىستارىنا كوشە باستادى.

دەرتتىڭ بەتى قايتىپ، دا­رى­گەر كومەگىنە ءزارۋ جاندار قا­تا­­رى ازاي­عاندىقتان وبلىس­تىق فتيزيوپۋل­مونولوگيا ور­­تا­­لى­عىنىڭ 120 توسەكتىك ورىنعا ار­نالعان ينفەكتسيالىق ستاتسيونا­رى دا جابىلىپ، 100 ورىنعا شاق­تالعان پروۆيزورلىق ستاتسيونار بولىپ قايتا جاساقتالادى. ال 10 تامىزدان باستاپ كوپبەيىندى قا­لالىق اۋرۋحانانىڭ 210 ورىنعا ارنالعان پروۆيزورلىق ستاتسيونارى جۇمىسىن توقتاتىپ، زالالسىزداندىرۋ جۇمىستارى جۇر­گىزىلگەننەن كەيىن شۇعىل جانە جوس­پارلى ەمدەۋ جۇمىستارىن بۇ­رىنعىشا جالعاستىرادى.

جۋىردا وتكەن ءباسپاسوز كون­فەرەنتسياسىندا وبلىستىق دەن­ساۋلىق ساقتاۋ باسقارماسىنىڭ باسشىسى ءسابيت پازىلوۆ ايماق­تاعى احۋالدىڭ تۇراقتالىپ كەلە جاتقانىن اتاپ ءوتتى.

– جالپى، بۇگىنگى جوسپارلى ەمدەۋ جۇمىستارىنىڭ قاي­تا ىس­كە قوسىلىپ جاتقانى – اي­ماق­تا ەپيدەميالىق احۋالدىڭ تۇراق­تالعانىنىڭ دالەلى. وسى باعىتتا اتقارىلىپ جاتقان جۇمىستىڭ بارلىق كورسەتكىشتەرى ناتيجەلى، – دەدى باسقارما باسشىسى.

وبلىستىق كوپبەيىندى اۋرۋحا­نا دا دۇيسەنبىدەن بەرى ناۋ­­قاستاردى جوسپارلى تۇردە قا­­بىلداۋدى باستادى. پاندەمياعا باي­لانىستى اۋرۋحانا 4 اي بويى مۇنداي قىزمەتتى ۋاقىتشا توق­تاتقان ەدى. ەندى اۋرۋحانا بۇ­رىن­عىشا بارلىق ناۋقاستى قا­بىل­دايدى. قازىر مۇندا جەدەل تۇر­دە تۇسكەن 370 ناۋقاس ەمدەلۋ­دە.

جۇمىلعان ءىستىڭ ناتيجەسىندە ىن­دەتتىڭ بەتى قايتتى. بىراق ار­قا­نى كەڭگە سالۋعا ءالى ەرتە. مامان­دار سانيتارلىق تالاپتى ساقتاپ، ساقتانىپ ءجۇرۋ كەرەكتىگىن ايتادى.

 

قىزىلوردا

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار