كەشەن قۇرىلىسى اياقتالعاننان كەيىن شىمكەنتتە اتۋ سپورتى تۇرلەرىنەن حالىقارالىق دەڭگەيدەگى سپورتتىق جارىستار وتكىزۋ مۇمكىن بولماق.
مامانداردىڭ ايتۋىنشا, "SHOOTING PLAZA" كەشەنى بۇرىنعى كومسومول كولى اۋدانىنداعى "باتىس ەۋروپا – باتىس قىتاي" حالىقارالىق اۆتوجولىنا جاقىن جەردە اتۋ الاڭى اۋماعىندا ورنالاسقان. جالپى اۋدانى 14 گەكتاردى قۇرايدى. نىسان وسى جىلدىڭ قازان ايىندا پايدالانۋعا بەرىلەدى دەپ جوسپارلانعان.
"SHOOTING PLAZA" - جوباسى تولىققاندى جاتتىعۋ كەزەڭىن ۇيىمداستىرۋ جانە اتۋ سپورتى تۇرلەرى بويىنشا الەم چەمپيوناتتارى سەكىلدى ءىرى سپورتتىق ءىس-شارالاردى وتكىزۋ ءۇشىن بارلىق قاجەتتى ينفراقۇرىلىممەن قامتاماسىز ەتىلەدى.
سپورت كەشەنى ازيا ايماعىنداعى ەڭ ءىرى اتۋ كەشەنى بولاتىنىن ايتا كەتۋ كەرەك. جوبانىڭ قۇرىلىسى اتۋ سپورتىن ودان ءارى دامىتۋعا ۇلەسىن قوسادى.
سپورت كەشەنى ازيا ايماعىنداعى ەڭ ءىرى اتۋ كەشەنى بولاتىنىن ايتا كەتۋ كەرەك. جوبانىڭ قۇرىلىسى اتۋ سپورتىن ودان ءارى دامىتۋعا ۇلەسىن قوسادى.
"SHOOTING PLAZA" قۇرىلىسى - حالىقارالىق سپورتتىق اتۋ فەدەراتسياسى مەن ازيا اتۋ كونفەدەراتسياسىنىڭ ۇزاق مەرزىمدى ىنتىماقتاستىعىنىڭ ناتيجەسى.
ايتا كەتەيىك, اتۋ سپورتىنىڭ جۇيرىكتەرى توكيوداعى ءXXXIى جازعى وليمپيادا ويىندارىنا العاشقى ەكى ليتسەنزيانى جەڭىپ الدى. بۇگىنگى تاڭدا اتۋ سپورت تۇرىنەن قازاقستان ۇلتتىق قۇراما كومانداسىنىڭ نەگىزگى قۇرامىنىڭ 60 پايىزى شىمكەنتتە تۇرادى.
