ايماقتار • 05 تامىز، 2020

سىرداريادان بالىق اۋلاعان براكونەر ۇستالدى

109 رەت كورسەتىلدى

تۇركىستان وبلىسىنىڭ پوليتسەيلەرى سىرداريادان بالىق اۋلاعان براكونەرلەردى ۇستادى، – دەپ حابارلايدى Polisia.kz.

تابيعاتتى قورعاۋ زاڭناماسىن بۇزۋعا جول بەرمەۋ  جانە الدىن الۋ بويىنشا جەدەل-پروفيلاكتيكالىق ءىس-شارالار اياسىندا تۇركىستان وبلىسى پد-ءنىڭ  پوليتسەيلەرى براكونەرلىك جانە تابيعي رەسۋرستاردى زاڭسىز ءوندىرۋ فاكتىلەرىن انىقتاۋ بويىنشا رەيدتىك ءىس-شارالاردى جالعاستىرۋدا.

مىسالى، 4 تامىزدا ماقتاارال اۋدانىندا تۇنگى رەيدتەر بارىسىندا تۇركىستان وبلىسى پد جپق تابيعات قورعاۋ پوليتسياسىنىڭ قىزمەتكەرلەرى ماقتاارال اپب تابيعات قورعاۋ ينسپەكتسياسىمەن بىرلەسىپ سىرداريا وزەنىنىڭ جاعاسىندا زاڭسىز بالىق اۋلاعان ەكى براكونەردى ۇستادى. ءتارتىپ ساقشىلارى ۇستالعان  كەلەس اۋدانىنىڭ تۇرعىندارى موتورلى قايىق پەن “قىتاي تورلارى” ارقىلى زاڭسىز بالىق اۋلاعانىن انىقتادى. پوليتسيا قىزمەتكەرلەرى كۇدىكتىلەردەن قايىق جانە  بالىق اۋلاۋ قۇرالدارىن، 20 كەلىگە جۋىق زاڭسىز اۋلانعان سازان، موڭكە جانە كوكسەركە بالىقتارىن تاركىلەدى.

ءتارتىپ بۇزۋشىلارعا قاتىستى پوليتسيا قىزمەتكەرلەرى قر اقبتك-ءنىڭ 383-بابىنىڭ 3-بولىگى “بالىق اۋلاۋ جانە بالىق رەسۋرستارىن جانە باسقا دا سۋ جانۋارلارىن قورعاۋ ەرەجەلەرىن بۇزۋ” بويىنشا اكىمشىلىك حاتتاما تولتىردى. جيناقتالعان ماتەريالدار زاڭدى شەشىم قابىلداۋ ءۇشىن سوتقا جىبەرىلەدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار