ءماشھۇر ءجۇسىپ كوشەسىندەگى ءورت تۋرالى حابارلاما وڭىرلىك توتەنشە جاعدايلار دەپارتامەنتىنىڭ بىرىڭعاي پۋلتىنە 1 تامىز كۇنى تاڭعى ساعات 5-تە كەلىپ تۇسكەن. ءبىر بولمەلى پاتەردىڭ اس بولمەسىندەگى 4 شارشى مەتر اۋماقتا ءۇي زاتتارى مەن تۇرمىستىق تەحنيكا جانىپ كەتكەن. №1 مامانداندىرىلعان ءورت ءسوندىرۋ ءبولىمى مەن №4 ءورت ءسوندىرۋ ءبولىمىنىڭ قىزمەتكەرلەرى ءورتتى ساعات 05:40-تا سوندىرگەن. ءورت سوندىرۋشىلەر ءورت بولعان پودەزدەن 8 ادامدى, ونىڭ ىشىندە 5 بالانى ەۆاكۋاتسيالادى. ءورت ءسوندىرۋ بولىمشەلەرى كەلگەنگە دەيىن وسى ءۇيدىڭ 1990 جىلى تۋعان تۇرعىنى ءتۇتىندى شىعارۋ ءۇشىن تەرەزەنى سىندىرىپ, قولىن جاراقاتتاپ الدى. وعان العاشقى مەديتسينالىق كومەك كورسەتىلدى. قازىرگى ۋاقىتتا ءورتتىڭ شىعۋ سەبەبى مەن وعان كەلتىرىلگەن شىعىن انىقتالۋدا.
