ايماقتار • 03 تامىز، 2020

بىرنەشە وبلىستا اۋا رايىنا بايلانىستى ەسكەرتۋ جاريالاندى

1608 رەت كورسەتىلدى

قازاقستاننىڭ بىرنەشە وبلىسىندا داۋىلدى ەسكەرتۋ جاريالاندى، دەپ حابارلادى قازگيدرومەت.

4 تامىزدا ماڭعىستاۋ وبلىسىنىنىڭ كەي جەرلەرىندە نايزاعاي، بۇرشاق كۇتىلەدى. جەل سولتۇستىكتەن باتىسقا اۋىسادى، كۇشى كەي جەرلەردە 15-20 م/س كۇتىلەدى.

اقتوبە وبلىسىنىڭ كەي جەرلەرىندە 4 تامىزدا نايزاعاي، كۇندىز بۇرشاق جاۋى مۇمكىن.  وڭتۇستىك شىعىستان جەل سوعادى، كەي جەرلەرىندە 15-20 م/س كۇتىلەدى. 4-5 تامىزدا قاراعاندى وبلىسىندا سولتۇستىك-شىعىستان جەل سوعادى، كەي جەرلەردە 15-20 ەكپىنى 23 م/س كۇتىلەدى. كۇندىز 4-5 تامىزدا وبلىستىڭ وڭتۇستىگىندە 37 گرادۋس قاتتى ىستىق كۇتىلەدى، وتە جوعارى ءورت قاۋپى ساقتالادى. جەزقازگان قالاسىندا 4-5 تامىزدا 35-37 گرادۋس قاتتى ىستىق كۇتىلەدى.

قىزىلوردا وبلىسىندا 4 تامىزدا كۇندىز سولتۇستىكتەن، سولتۇستىك-شىعىستان جەل سوعادى، كۇشى كەي جەرلەردە 15-20 م/س ساقتالادى. كۇندىز وتە جوعارى ءورت قاۋپى ساقتالادى. 4 تامىزدا باتىس-قازاقستان وبلىسىنىڭ كەي جەرلەرىندە قاتتى جاڭبىر، نايزاعاي، بۇرشاق كۇتىلەدى. جەل سولتۇستىكتەن، سولتۇستىك-شىعىستان كەي جەرلەردە 15-20 م/س كۇتىلەدى. ورال قالاسىندا قاتتى جاڭبىر، نايزاعاي، بۇرشاق، جەل سولتۇستىكتەن، سولتۇستىك-شىعىستان ەكپىنى 18 م/س كۇتىلەدى.

سولتۇستىك قازاقستان وبلىسىندا 4 تامىز كۇندىز قاتتى ىستىق 35-36 گرادۋس ساقتالادى. سولتۇستىك-شىعىستان جەل سوعادى كەي جەرلەردە كۇشى 15-20 م/س كۇتىلەدى. پەتروپاۆل قالاسىندا 4 تامىزدا قاتتى ىستىق 35 گرادۋس كۇتىلەدى. سولتۇستىك-شىعىستان جەل سوعادى كەي جەرلەردە ەكپىنى 15-20 م/س كۇتىلەدى. داۋىلدى ەسكەرتۋدىڭ ىقتيمالدىلىعى 70-100%.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار