نۇر-سۇلتاندا اۋلالاردى اباتتاندىرۋ بويىنشا اۋقىمدى جۇمىس جۇرۋدە

ەلوردا • 03 تامىز، 2020

نۇر-سۇلتاندا اۋلالاردى اباتتاندىرۋ بويىنشا اۋقىمدى جۇمىس جۇرۋدە

19 رەت كورسەتىلدى

بيىل نۇر-سۇلتان قالاسى اكىمدىگىنىڭ اۋلالاردى اباتتاندىرۋ جانە قوعامدىق ورىنداردى قايتا جاڭعىرتۋ بويىنشا اۋقىمدى جوباسى اياقتالدى. بۇل تۋرالى ەلوردا اكىمدىگىنىڭ رەسمي سايتى حابارلايدى، دەپ جازادى Egemen.kz

ايىم ءداۋىت

جاز بويى ەلوردانىڭ بارلىق اۋداندارىندا 150 اۋلا مەن 50 قوعامدىق ورىن اباتتاندىرىلادى، ونىڭ ىشىندە بايقوڭىر اۋدانىندا – 70، سارىارقا – 40، الماتى– 33، ەسىل – 20. اتالعان جۇمىستار تۇرعىنداردىڭ تىلەكتەرىن ەسكەرە وتىرىپ، «بيۋدجەتكە قاتىسۋ» باعدارلاماسى بويىنشا جۇزەگە استى. وسىلايشا، قالا تۇرعىندارى قاي اۋداندى اباتتاندىرۋ كەرەگىن جانە قانداي الاڭداردى ورناتۋ كەرەگىن وزدەرى انىقتايدى. اسىرەسە، فۋتبول، باسكەتبول الاڭدارى، سىرعاناق، اتكەنشەكتەر، ترەناجەرلەر، ورىندىقتار، شاعىن ساۋلەت نىساندارى بار جاڭا اۋلالاردىڭ ورناتىلعانىنا بالالار اسا قۋانىشتى.

"جاڭا اۋلا ءۇشىن راحمەت!" دەيدى بالالار.

"بۇرىن مۇندا تەك قۇم بولسا، قازىر كوگال بار. بالالار ءتىپتى الاڭعا شىقپاس بۇرىن اياق كيىمىن شەشەتىن بولدى. فۋتبول الاڭىنىڭ پەريمەترى بويىنشا تورلار ورناتىلدى، ەندى كولىكتەر كەدەرگى بولمايدى"، دەيدى نۇر-سۇلتان قالاسىنىڭ تۇرعىنى.

ال ترەناجەرلاردى تەك بالالار عانا ەمەس، سونىمەن قاتار سپورتپەن شۇعىلداناتىن جانە سالاۋاتتى ءومىر سالتىن ۇستاناتىن زەينەتكەرلەر دە قاجەت دەپ سانايدى.

"مۇندا ءبىز تاڭەرتەڭ جانە كەشكە دەنە شىنىقتىرۋمەن اينالىسا الامىز، دەنساۋلىقتى نىعايتا الامىز"، دەيدى زەينەتكەر.

حابارلانعانداي، جاقىندا سەيفۋللين كوشەسىندە بۇزىلعان ەكى ءۇيدىڭ ورنىندا جايلى دەمالىس ورنى پايدا بولدى: مۇندا اسفالت توسەلىپ، بالالار الاڭدارى، ورىندىقتار ورناتىلدى. جارىقتاندىرىلىپ، گازون، تاس توسەۋىش توسەلدى. نۇر-سۇلتان قالاسىنىڭ اكىمدىگى اۋلا اۋماقتارىن اباتتاندىرۋعا، كورىكتەندىرۋگە، كوگالداندىرۋعا ەرەكشە كوڭىل بولۋدە.